¹ Kyasia, vafari vakwa furi kari ka ndumi. Nloliye iturulwa imutisiria linkyi firero fila fila nndi. Mboni ti timuningaa unambwe. ² Kuringei na ikite. Kuringei na virundi va mashora makasha. Kuringei na vala vakelea mivili yao. ³ Fula ise tike varine. Ise niise tikusurie Iruva kwa eelekyiwa la nrima. Tikishikaa kari ka Kristo Yesu, na titaore utomari kari ka nvili. ⁴ Nfo kuro, kyiifo toore nndu wa ilanga nvili huu, nninimakyii irunda kuro nnu dei. ⁵ Nfo kuro narimwa nkuno wa nyaanyi, neeriwa kari ka ikabila la Vaisraeli. Uwa ikabila la Benjamini. Mwebrasnia wa waebrania. Karika mmando wa udede iwa mavavasoa Musa, nave Farisayo. ⁶ Kwa finya takwa nalisa visomiyo ukyiva. Kake tiinde udede lwa mavavaso, noore mununuo a mavavaso nndi. ⁷ Kake kari toose nndetiloliya toore mbusha kwakwa nnii, nndetitaala sha ushafu kyiimba kya imanya Kristo. ⁸ Kya udede nngetaala mboni toose sha asara kyiimba kya imanya Kristo Yesu Ndumi wakwa kwa kirengo kwale. Kwa kyiimba kyamwi nanre yao mboni toose, nngetaala sha ushafu amu nkoe Kristo. ⁹ Na nlolikyie kari kamwi. Noore udede lwakwa shimuni kari ka ivavaso,kake noore udede luya likekaakwa ikusura kari ka Kristo luukyie kwa Iruva, vaare nsikyi kari ka ikusura. ¹⁰ Ali nuuri imanya yee na finya ya irutwa lamwi ikusandio la ukyiva lomwi. Nuuri iilashwa na Kristo kari ka misili ya ufu lwamwi. ¹¹ Amu mmakyii iva na langa karika irutwa kwa vafu. ¹² Ni udede sheeeli nammaaikoya mboni to nndi, ana kyiimba nnava nsongori kari kayo.Kake nngekutomarisa amu mmakyii ikoya kyila nkoe kyila kuindekoika na Kristo Yesu. ¹³ Va fari vakwa niishi sheeli namaaikoya mboni ti nndi. Kake nngerunda mboni imwi: nngerekyio fa numa na ii lafa mbele. ¹⁴ Nngekutomarisa ifika kirengo kyiimba nkooe sawadi ya ringeu ya ivangwa la Iruva kari ka Kristo Yesu. ¹⁵ Ise tioose tindenginia owokofon, kyisenyiaa ikusura kyiimba kyi.Na kyiifoo unkyi akusura kwa ualiyo lunkyi kyiimba kya mboni yoose, Iruva naye aloorosaa ilo kwanu. ¹⁶ Nfo kuro irambo lifikyia na tisongove karika ikamba lii. ¹⁷ Vafari vakwa veini shai. Vanlei kwa urango vala vakeenda kwa misili ike sheese. ¹⁸ Venkyi varule nvala vake feeri finkyi namuiya na alii nngemuiya kwa masoru. Venkyi varule sha vakasha na nsalaba wa Kristo. ¹⁹ Ifurumia lao niika sheeswa. Fula Iruva waao nndeu na usanduru lwao like kari ka usutu lwao. Vakekusaria mboni ta isanga. ²⁰ Kake yootorwa leeru like iruveu, amu tiveriyenkira weeru Yesu Kristo. ²¹ Ee lasha miwili yeeru mitanyari ive sha nvili wamwi msongori kwa imakyii lialia ukemakyii iirisha vindo voose.