¹ Kyikakoya liifo inungwa nrima kari ka Kristo, Kyikakoya liifo uowoo luukyie kari ka ikunda lamwi, kyikakoya liifo ikusandio la nrima kyikakoya ifo mbora ya ililiya. ² Mariseni ifura lakwa nrima umwi muve na ikunda limwi, Mkava kyimwi kari ka nrima muve na uwaaliyo lumwi. ³ Mtarunde kwa unyuku na ikwishika kake kwa wiindi muloliyaa venkyivasha kita inni. ⁴ Kila umwi waanu atanle vindo famwi emuni nndi, kake aringe vindo fa vandu venkyi. ⁵ Veeni na nrima sheeli akenato Kristo Yesu. ⁶ Fula avakaned na Iruva. Kake anderika iva isha Iruva nndi kindo kya ikuwara nakyo. ⁷ Kyasia, andekunyinyisa emuni. Keemboo nvili wa nrundi, kakoorosa kari ka misili ya mwanaadamu. Kalolikyia mwanaadamu. ⁸ Ye andekunyinyisia na wiindi kumandi ufu, ufu lwa msalabei. ⁹ Kyasia kuro Iruva andemutikisa kya mmwasi nnu. ¹⁰ Andenninga irina inini likyilie irina loose. Anderunda kuro kyiimba kari ka irina la Yesu kila rii ifukyoo, ana iikwiinike. Nrii ta vala vakeiruveu na vake kwaale ya uteri na kwasi ya uteri. ¹¹ Na anderunda kuri kyiimba kila ulumi kita lukurekyiaa sheli Yesu Kristo ni Ndumi, Kwa usongori iwa Iruva ndee. ¹² Kyasia kuri, vakunde vakwa sheeli mshikusurie mikonu yoose, nkwa imakyiilakwa nndi kake kyirengo kyinini kyikyilie imakyii lakwa, venyi na uokofu lwanu muveni na kwa weerei na irerema. ¹³ Fula ni Iruva akerunda mashora kari kanu amumumakyii irunda mboni tila tinsenyie. ¹⁴ Rundei mbonu toose tutaoore manunuo na ngabanwa. Rundei kuro kaamu mtan'gun'guruyo na muve vana va Iruva vasongori vataare manunuo. ¹⁵ Rundei kuro amu muve langa ya isanga, Kari ka uliya iwa ukasha na mareko. ¹⁶ Warei nnu kirero kya muu amu muve na kyiimba kyaeela nkonu wa Kristo. Kyasia niishi sheeli nnderisha rilei taru nndi ana ndesuka kyaru nndi. ¹⁷ Kake hata kyiifo nkeletiyo sha nsimbika kwaale ya dhabidhu na mashora aikusura laanu,nfuraa, na nkundaa kyimwi neeni muoose. ¹⁸ Kyisia na inni mukefura, na mukefura kyimwi nai. ¹⁹ Kake nkusurie karika Ndumi Yesu iruma Timotheo kwanu mikonu ya kufui, amu mumakyii iningwa nrima ili nngemanya mbonu tanu. ²⁰ Amu noore unkyi aare iloliya shaye nndi, aare imakyii la udede kyiimba kyanu. ²¹ Vekyi vaase nndevaruma kwanu vakaruiya mbonu tao oveni da ana mbonu ta Yesu Kristo nndi. ²² kake miushi maaru amwi kwa kyiimba sheeli mwana arundiya ndee amwi, nkuro akerundika kyimwi nai kari ka injili. ²³ Kyiimba kya ikyo nngelanga iruma ree amu ilingemanya nkyikyi kyishaa kwakwa. ²⁴ Kake nkusurie kari ka ndumi sheeli ni shumuni nshaa feeri fa kufuhi. ²⁵ Kake nkusurie kyisenyi yaa imunde kwanu Epafradito. Ye ni mfwari wakwa na nrundi wa mashora akwa na ntarishi tikekyimwi,nkyumbe na nrundi waanu ²⁶ kwa kyiimba kya vindo fakwa. Kwa kyiimba aere weerei na alankyie iva kyimwi neeni muoose, fula mundeita sheeli alole. ²⁷ Ni udede sheeli alole dei kirengo kya ifwa. Kake Iruva andenliliya, na usha lo lukeringeu yamwi nndi, kake lingeringeu yakwa,amu ntave na anaari kwale ya anaari. ²⁸ Kwekyo nngeuwira kwanu ree nnudei sheeli kyivaa, amu mukamloliya linkyi mukoe ifura nai kyikoya namayuukwa uweerei. ²⁹ Uwari yei Epafradito kari ka Ndumi kwa ifura loose. Endiyenyi vanda shaye. ³⁰ Amu kyike kyiimba kya mashora Kristo amu akekufui ifwa. Andeteretia maisha amwi kyiimba kya ishirika nniina anderunda kila kitaare andemakyii irunda kari ka ishinla nnii fula mukekwaasha nai.