¹ Kweekyio vakunde vakwa, vala valakyie, vake ikunda na ureto lwakwa. salalei kyumu karika ndumui, iniva orooye vakunde. ² Nakuikyimba iwe Eudia, na nngekuikyiimba iwe sintike, wiirei ilikyiwa la unambwe kari kaanu, kyiimbainni muoose vavili mmndelungana na Ndumi. ³ Nkya dede, nngemuikyimba ini varundi mashora na vaore vaanu, veelekyieni vayeyo fula vanderundika kyimwi nai karika ikwaanisa kirero kya Ndumi tikee na kilementi kyimwi na varundi venkyi na Ndumi, amu marina aao mmatisirie kari ka kitabui kya muu. ⁴ Karika Ndumi nikonu yoose. Linkyi nngenumbua, kundeni. ⁵ Uwoo lwanu na limanyike kwa vandu vaase. Ndumi akekufulii. ⁶ Mtakuturuwe kwa kindo kyoose.Numa yayo, rundei mboni taanu toose klwa shiya ya itereva, itereva na yaana. Na findo faanu fimanyike kwa Iruva. ⁷ Kyasia unambwe lwa Ndumi lukeunini kita urango loose, iringaa mirima na makusaro aanu kwafinya ya Kristo Yesu. ⁸ Kyasia, vafari vakwa saraani nnu mboni toose toore udede, wiindi, usumani,weele, ikunda, na fila nrumi shisha, yoore urango, jimwi na fila fitinyie itikiswa. ⁹ Songosiyeni mboni toose mmndekulosha, mmundeawaria, mmndeita na tila mmndetilolia kwakwa na Nnde yeeru wa unambwe ake neeni. ¹⁰ Noore ifura inini kutu kwaale yaanu karika Ndumi kwa fula inni mundeoroshwa kwa linkyi nrima ikusandia kwanu kwaale ya vindo fakwa. Nkya dede, ifo mbooko mndelanga ishinla kwa vindo fakwa ana mundekooya mwaanya wa isheelekya nndi. ¹¹ Nke numbua kuro amu nngooye kindo kwa kyiimba kya vindo fakwa. Kake nndekulosha ikaa wala karika feeri foose. ¹² Niishi sheeli iruwa karika yaanguyo na linkyi karika na finkyi karika feeri foose fi nni nndekulosha kirisi kyaa mikaaye ya la kwa feeri fa iura na kwa mikaaye ya ilaa feeri fa soto. ¹³ Nngemakyii irunda kuri kyiimba kya eelekyiwa naye ashininkyie. ¹⁴ Hata kuro, nnderunda kisha iva na inai karika ukyiva lakwa. ¹⁵ Ini vafilipi mndemanya kyiimba kya mbooko ya injili ilo nndooka Makedonia, kyiifo kisomiyo kyindemakyii kari kamboni tisumani iwaria kake ini muveni. ¹⁶ Kyeeri Thesasionika, ini mnderunda eelekya inini likyilie mmwasi ya limwi kwa kyiimba vindo fakwa. ¹⁷ Nkekarisia sheeli nngeruiya eelekyiwa nndi. Kake nngenumbua amu nngoe nunda tinndee mbusha kwanu. ¹⁸ Nauwaria vindo foose, naalii namiishurwa na vindo finkyii. Nauwaria vindo faanu kuuka kwa Epafradito. Na vindo funuru foore iirovili misili ya makisamu foore iilashikaamu foose ni nsimbika usenyie Iruva. ¹⁹ Kyiimba kyaikyo Iruva wakwa amushiria itingwa lanu kwa usimba lwa usongori lwamwi karika Yesu Kristo. ²⁰ Ali kwa Iruva na nnde yeeru luve usongori mirere na mirere Ameen. ²¹ Isana lakwa likwaane kwa kila nkusurie karika Kristo Yesu. Vakunde muke nao iya nngemuisana. ²² Nfo kura vakusuriei muoose muke iya namuisarie, mmwasi vala va numba ya kisana. ²³ Na alii mbora ya Ndumi weeru Yesu Kristo ive na mirima yaanu.