¹ Mafarisayo na kyeenga kya vaaria va mitisirie nawo vaukie Yerusalemu vakakusandia inlengetia ye. ² Na vakalolia kiindi kya vanalosho vamwi vakalya nkate kwa maako a kirinda atakee masangye. ³ (Kwa mafarisayo na wayahudi woose valyee kitaare vasangya maako awo kisha ndi, fulya veworee milimu ya vasuri. ili, ⁴ Mafarisayo ili veukaa singiren, veelyaandi kumandi vakusangya mbele.Na eefo mavavaso engi vaasoraa kutu, nawo nkimwi na isangya mbata, nungu, fia fa saabu na fifumbi fa ikaya ili lya shoonga.) ⁵ Mafarisayo na vaaria va mitisirie vakaura Yesu, ''Nkiki ili vanalosho vafo kitaare vakee isora milimu ya vasuri, amu valya nkate kitaare vasangya maako?'' ⁶ Kake ye kavai, Isaya aakya kisha kyiimba kya ini vamakavili, katisira, vandu va vashiindie kwa kana kawo, kake mirima yawo ikee kwashaa nan. ⁷ Vakeshirundia fisoma fitasumani, veeloshaa mavavasa a kivandu kasa ya iwaria lyamo'. ⁸ Mukee itia ivavaso lya Iruva mukawara kwa ree milimu ya kivandu.'' ⁹ Na kanumbua kwawo mwanleya ivavaso lya Iruva kwa ree amu muringe milimu yanu! ¹⁰ Amu musa anumbua, kwindie ndeo na maa, Na ye areraa fikasha kiimba kya ndee yamwi ana mae udeede afwaa. ¹¹ Kake mukanumbua, sheeli nndu kanumbua kwa ndee ya mwi ana mae, kilolo kyoose kilya mwiwariaa kuuka kwakwa ni nsimbike wa numbaya iterevia,''(ikyo niinumbua sheeli, 'kyauka kwa Iruva') ¹² Kwa ikyo mukimwotoraa atane kindo kyoose kwa kyiimba kya mae ana nde yamwi ndi. ¹³ Mukaarua ivavaso lya Iruva sha kindo kya dua kwa innde milimu yaanu. na findo fiingi fa mikae yo mukee itana.'' ¹⁴ Kavaanga lingi na kavaia, ''shaaranyin nin, ini mu woose, na mushimanye. ¹⁵ Kiifo kyoose kuuka wooro ya nndu kimakii imwarua nkasha ndi nndu kikaake kwamwi . kake kilya kyuuka nndu nkyo kimwaruaa nkasha. ¹⁶ (Kwakooya nndu woose awore marwi ayaranya, ana aaranye). ¹⁷ Yesu ili anderewo syamu na kaaka numba, vanalosho vamwi vakamwura kiimba kya sumu ilya. ¹⁸ Yesu kavaia, ''Na ini lingi nta mwammanya se? mulolie se sheeli kyoose kikaaka nndu kimakii inniinga ukasha ndi. ¹⁹ Amu kimwakaa nrimin wamwi ndi, kake kikaaka ifo ndewun na numa kikaira kikaenda irinen kwa mirerie i Yesu aarua shoonga toose tikava shinuru. ²⁰ Anumbua, Nkilya kikee yuka nndu nkyo kyinshafuaa. ²¹ Amu kyuukaa karika nndu, wooro ya nrima, kyukaa makusaro makasha, waaisi, unini, iwaa, ²² Yaaika, Ilanga ikasha , nkuru, ulembi, yaika, iiria iriso, firamu, ikung'inisa, utondo. ²³ Fikasha fi foose fuukie kari, mfo filya fishafuaa nndu.'' ²⁴ Kakwimboo kuuka alya na kaenda karika uruka lwa Tiro na sinodi. kaaka numba na kafura kitamanyike ni nndu woose sheeli akee alya. kake kikalemika imfisa. ²⁵ Kake liaeni nka, eeworee mwana wamwi munnya awore mumuyo nkasha, kaita mboni tamwi kasha, kawa marenden amwi. ²⁶ Nka ulya eekee myunani, wa ufwari lwa kifoeniki. kantereva amu ye ambute mumuyo nkasha kuuka kwa mwana wamwi. ²⁷ Yesu kaia nka, Tia vana valelwa mbele amu nkisha imboo nkate wa vana na yeeria makite ndi.'' ²⁸ Kake nka kamwaarua kanumbua, ''Ee Ndumi, na akwaa mmakite akee kwa si ya mesa alyee fibereshu fa shoonga ya vana.'' ²⁹ Kamwia ''kiimba kya inumbua kuri, kwendie. mumuyo nkasha ammaa yuka mwana wafo.'' ³⁰ Nka kauya kyen kwamwi na kakooya mwana wamwi alele kiraan. na mumuyo nkasha wamma imwuka. ³¹ Yesu kauka ling wooro uruka lwa Tiro na kairia sidoni yeenda nruven ya Galilaya kumande muungo wa Dikapolisi. ³² Na vakannde nndu afiye marwi na kitaare eeshi irera kisha, vakatereva Yesu amwekerie maako ringewo yamwi. ³³ Kansomuta wooro ya ikusandio kwa kirisi, kanrwaya mini yamwi ifo marwin amwi, kyasia kamisha mare. kabaana ulimi lwamwi. ³⁴ Kalla ule iruvewu, kadia eemwiaa, '' Efata'', ikyo ni inumbua '' Tarambuka!'' ³⁵ Na liaeni marwi akaruuka, na kilya kiirishii ulumi kikasheeswa na kamakii irera kinuru. ³⁶ Na kavavasa vataie nndu nta umwi, kake kasa akee ivavasa, mfo vakwanisa mboni to kwa wiingi. ³⁷ Deede varikiswa, na inumbua, Anshiisa kilya kindo kinuru. kumandi valya marwi vakaita na vafu uroo vakarera.''