¹ Kwa mikonu ilya, iifo lingi syamu nini nawo veeworee shoonga ndi Yesu kavaanga vanalosho vamwi kavaia, ² Navavyo kiimba kya syamu i, fulya veekee nan kwa mikonu iraru na vatawore shoonga. ³ ''Na valakanisa vauye kyen kwao kitaare valya vamamiaa shin na soto Na kiindi kyawo vauke kwaasha nnu.'' ⁴ Vanolosho vamwi vakamwaarua, Tikooya kwi mikate ya itosha iwurisa vandu va kunu taari i ya baten?'' ⁵ Kavura muore ifiwe finga fa mikate?'' vakanumbua Ni ''mfungare''. ⁶ Kavavasa syamu ikaa rembo si, kaimboo mikate mfungare kaana Iruva, na kaifukya. kaniingia vanalosho vamwi vairwaa mbele yawo, nawo vaikairwaa mbele ya syamu. ⁷ Lingi veeworee na makunga mannya maangu, ili amaa yaana, kavavasa vanalosho vamwi vaavin kuri nato. ⁸ Vakalya vakawuura. vakasang'aria fibereshu filya findesaa, fikaishua mikusha mfungare. ⁹ Veekee kufui vandu fiku fiini. kavaotora vaende. ¹⁰ Liaeni kasaama ngalaven na vanalosho vamwi, na kaenda kulya miiongon ya Dalmanuta. ¹¹ Lilo mafarisayo vasomuka wooro na ibooka ivingana nae. vakating'wa avaniinge myorisie yuukie iruvewu, kwa imwelelia. ¹² Kanaria nrimin wamwi nnu kanumbua, ''Nkiki ili kishuku ki kikee iruya myorisie? Namuia ini kya dede nta myorusie ikyoruswa kishuku ki.'' ¹³ Kysia kavaita, kaarukia ngalaven lingi, kaenda taari ingi. ¹⁴ Feeri fo vanalosho vanrekyo iimboo mikate. veeworee mikate ndi kita nkate umwi tubu ukee ifo ngalaven. ¹⁵ Kavaikimba na inumbua, ''Manyin kisha na mukuringe na kiimba kya ndooka ya mafarisayo na ndooka ya Herode. ¹⁶ Vanalosho vakarerana wo kwa wo ''mfulya titarie mikate.'' ¹⁷ Yesu kamanya ikyo, na kavaia Nkiki ili mukee irerana kya fulya mutarie mikate? Mwammanya se? mwiishi se? Ngoo tanu ta vva shaangu? ¹⁸ Mwore miso mutalolie? Moore marwi, muteesile? mukumbuyese? ¹⁹ Lia nndeava mikate iraanu kwa vandu fiku firaanu, mwakurika mikusha inga ishule fibereshu fa mikate?'' vakamwarua, Ikumi na fivili.'' ²⁰ A lia naava mikate mfungare kwa vandu fiku fiini, mwakurika mikusha inga?'' ²¹ Vakanumbua, ''mfungare.'' kavaia, niikai mutande itumuso?'' ²² Vakasha Bethsaida. vandu wo vakannde kwa Yesu nndu ndoni na vakatereva Yesu ambaani. ²³ Yesu kawwara kwa uko nndu ulya ndon, na kanrwaa wooro ya muungo ili andemisha mare ringewu ya miso amwi na kasereesa maako amwi ringewu yamwi, kamuura, ''kulolie kindo kyoose?'' ²⁴ Kalla ringewu na kanumbua, '' Llolie vandu valolikie sha miri ikee yenda.'' ²⁵ Llo asereesa lingi maako amwi ringewu ya miso amwi, nndu ulya karuuka miso amwi, kalolia lingi, na kalolia kilya kindo kinuru. ²⁶ Yesu kamwotoro aende kyen na kamwia manya kutaakie murini.'' ²⁷ Yesu kaenda na vanalosho vamwi kulya kaiseria ya Filipi. vakee shien kaura vanalosho, ''Vandu vakeura nii nke i?'' ²⁸ Vakamwarua vakamwia, Yohana mbatisa. vengi vakanumbua ' ELIYA, na vengi ' Iwe ni umwi wa vaauya fisuku.'' ²⁹ Kavaura, ''A ini mukeinumbua nin nke i Petro kamwia, ''Iwe ni iwe Kristo. ³⁰ ''Yesu kavaikimba vataie nndu woose kyuu kyamwi. ³¹ Na kabooka ivalosho sheeli mwana wa nndu kyawara aliswa ukiva kwa findo fiingi, na ilewa vvanini na vakohani vanini, na vaaria va mitisirie na iwalwa, na numa ya mikonu iraru aruke. ³² Kanumbua ifi na baa. Llo Petro anrwaa kyaanya kannaya. ³³ Kake Yesu kaaruka na kalla vanalosho vamwi na kanaya Petro na kanumbua, Ira numa yakwa stana! Amu iwe kukusurie mboni ta Iruva ndi, kita ,mboni ta vandu.'' ³⁴ Kyasia kavaanga syamu na vanalosho vamwi andu emwi, na kavia, kwakooya eefo nndu auri ishisora akwimi muni, akurike nsalaba wamwi, na ashisore. ³⁵ Amu woose auri ikira muu wamwi auretaa, na woose aretaa muu wamwi kiimba kyakwa na kyiimba kya nrumi shisha, aukiraa. ³⁶ Kyelekaa kiki nndu ikooya isanga lyoose, na numa ireta muu wamwi? ³⁷ Nndu amakii iniingia kiki ataue muu wamwi? ³⁸ Woowe ashiiriaa sonu na firero fakwa karika kishuku ki kya waisi na kishuku kya vaore mareko, mwana wa nndu amwiiriaa sonu ili ashaa na umangi lwa ndee yamwi andu emwi na vamaika vasongori.