¹ Lingi kabooka ilosha mbaai ya nruva. Na syamu nini ikakusandia ikanlegetia, kaaruki karika ngalava nruven syamu yoose vekee mbaai ya nruva kundo kuumu. ² Na kavalosha findo fiingi fa sumu, na kafinumbua kwao kwa miloshie yamwi. ³ Aranyin, nrem yende indevekia. ⁴ Ili eevekiaa,kiindi kya mbeu tikawa shien, na ndee tikasha tikalya. ⁵ Mbeu tingi tikawa mawen, ataare uteri wiingi. liaeni tikanaa, fulya titawore uteri wiingi. ⁶ Kake ili saa inderwa, tikanaa, na fulya titaaree mirarii, tikauma. ⁷ Mbeu tingi tikawa karikari ya miinga. miinga ikang'ina na itiiding'a ana nta ivika filimu kyoose kyilya. ⁸ Mbeu tingi tikawa uteren unuru na tikavika filimu ili ting'inaa na ikwengeria, tingi tikavika sha makumi araru nnu, na tingi makumi arindaru na tungiiyana. ⁹ Na kanumbua,''woose awore marwi a iita na yeete!'' ¹⁰ Yesu lia eekee ye muvi, valya veekee kufui nae na valya ikumi na vavili vakamwura misendiye ya sumu. ¹¹ Kanumbua kwako, kwanu mwanniingwa kirisi kya umangi lwa Iruva kake kwa iwo vakee wooro kilya kindo ni nsumu. ¹² Naamu illa, valleyee, kake vataloliaa na kwa ikyo ili vaitaa yee vaitaa kake nta imanya, kake vakashe aruka na Iruva vatio.'' ¹³ Na kanumbua kwako ''A mwishi sumu ii? Naare mumanyaa sumu tingi? ¹⁴ Nremi avekia kirero. ¹⁵ Kyeenga vvala vandewa mbaai ya shia, andu kirero kindeveekinywa. na ili vandeita, liaeni satana kasha na ikuri kirero kilya kyavekinywa kari kawo. ¹⁶ Na kyeenga ni valya vavekinywa ringewu ya mawe nawo, ili vandeta kirero, kwa ree vakakiwaria na ifura. ¹⁷ Na vatawore mirari yoose karikawo, kake vasisiri kwa kyeeri kyaangu . numa ngatara na mavaviso fikansha kiimba kya kirero, liaenI vakanunua. ¹⁸ Na vengi valya vavekiywa miingen. vake iita kirero, ¹⁹ Kake yatarika lya Isanga , ulembi na masaa, na ilanga lya findo fiingi fivakaa na iiding'a kirero, na ilimwa ivika nunda. ²⁰ Kyasi veefo valya vavekiywa uterin ununu. vakeita kirero na ikiwaria na ivika nunda : kiindi makumi araru, na kiindi makumi arindaru, na kiindi iyana limwi.'' ²³ Yesu kavaia, A kunnde taa karika numba na iirwaa kwa si ya kikabu ana kwasi ya kiraa? kunndekari na kwa irwaa ringewu ya kivaniko. ²² Amu kiifo kindo kyoose kikufisie kitaare kimanyikaa, na kiifo kirisi kitarambulwaa kweelwa ndi. ²¹ Akwaa aio awore marwi, a iitana yeete!'' ²⁴ Kavaia, kaan kisha nnu na kilya mukee ikiita, amu nkyo kyeleliyo mweleliyoo, nkyo mweleliyoo, na yengeryo kwanu. ²⁵ Amu ulya awore, awaria fiingi, na ulya atawore kuuka kwamwi fikurikwaa na akwaa mfilya awore.'' ²⁶ Na kanumbua, umangi lwa Iruva luvakaniswa na nndu andevekia mbeu ifo uterin. ²⁷ Na ili andelala kio na ikwimboo ngama, na mbeu tikamie na ing'ina na ateeshi kasa kindeva. ²⁸ Isanga lutaa mbeu lo yeni, mbooko unyuri, numa fivaro, na numa kikava mbeu yavira. ²⁹ Na kyeeri mbeu yava yavira alya kaimboo ngyusu kwa kyiimba kya iilula laserikia.'' ³⁰ Na kanumbua, umangi lwa Iruva tiluva kanisaa na kindoki ana tikalurwa sumun ingan toongoyaa? ³¹ Nsha mbeu ya haraelali, nayo ilyo ivekiywa nshinnya nnu kita mbeu toose isangen. ³² Na, kuuka ivekiywa, ikang'ina iva nini nnu kita filimu foose nremin, ikannde maramba manini, kumande nnde ta iruvewu imakii lukaaruya fifuri fayo kulya kirishon kyayo.'' ³³ Kwa sumu shiingi kalosha na karera kirero kwawo, kwa kasa vandemakii imanya, ³⁴ Nta arera nawo kitaare nkwa sumu ndi. kake kwa kyeeri akee ye muni, kavaongoya kilya kindo vanalosho vamwi. ³⁵ Kwa nkonu to andu a ukwawun, ili ufika, kanumbua kwao, Ndefon tiruke kwa kulya.'' ³⁶ Kyasia vakalakana na syamu, vakakurika Yesu, kwa feeri fo akee ngalaven, ngalava tingi tinani andu emwi nae. ³⁷ Na mburaato ya uvivita unini na mavia akaaka karika ngalaven na ngalava ikava yaishua. ³⁸ Kake Yesu muni akee taari ya numa, aleliye nto. vakamwanta venumbua, mwalimu nta kikurikise se ili ise tikee ifwa?'' ³⁹ Na kakwimboo, kanaya mburato na kaia nruva ''Isia do, unambwe.'' mburaato ikasia, na kimamia kikafika kua ⁴⁰ Na kanumbua kwawo, ''Nki ki ili mukee ereya? A muore ikusura se? ⁴¹ Vakaishua werei unini karikari kawo vakaurana wo kwa wo, A uu ni lingi, Amu mburaato na nruva imwindie?''