¹ Na lingi kaaka karika numba ya iterevia neefo eeifo nndu awore uko lutorokombye. ² Kyeenga kya vandu vakallaya si valle akwaa ankiraa nkonu wa sabato amu vandiinge. ³ Yesu kaia nndu wa uko lutorokombye, ''kwimboo kusalala karikari ya syamu.'' ⁴ Kyasia kaia vandu, A nkisumani itana kisha nkonu wa sabato ana ni itana kitasumani, ikira muu ana iuwaa?'' kake vakasia do do. ⁵ Kavallan kwa ngoo, eenariaa kiimba kya uumu lwa ngoo tawo, na kaia nndu ulya. ''sereesa uko lwafo''. na Yesu karika uko lwamwi. ⁶ Mafarisayo vakaenda wooro na liaeni vakaenda kyama andu emwi na maerode kiimba kyamwi amu vawwaa. ⁷ Kyasia Yesu andu emwi na vanalosho vamwi, vakaenda nruven, na syamu nini ya vandu ikansora kuuka Galilaya na Uyahudi ⁸ Na kuuka Yerusalemu na kuuka Idumaya na mbele ya Yordani nkyungu kya Tiro na Sidoni, Syamu nini, ili vandeita kilya kindo eekee itana, vakasha kwami. ⁹ Na kaiva vanalosho vamwi Isongosia ngalava shinnya kwa kyimba kyamwi na kyiimba kya syamu,amu vatashe imwidingia. ¹⁰ Amu ili akira veengi amu kilya nndu ulyo awore ukiva eewarwaa ni uroo lwa imfikiria amu vambaaani. ¹¹ Andu woose mimuyo mikasha indellolia, vakawa si mbele yamwi na iishira, na vakanumbua,'Iwe ni iwe mwana wa iruva.'' ¹² Avavasa kwa ivakandara amu vatakangie amanyike. ¹³ Kaenda ringewu ya uro, na kavaanga valya avaari, na vakaenda kwamwi. ¹⁴ kasaua ikumi na vavili (andevavaanga varumi), amu vave andu emwi nae amu avarumi indekwanisa, ¹⁵ Na vave na funya ya yambuta mimuyo mikasha. ¹⁶ Na kavasaua ikumi na vavili simoni ulya amfukiya iina lamwi Petro. ¹⁷ Yakobo mwana wa Zebedayo, na Yohana mwanamae wa Yakobo vakamfukiya irina lya Bonagesi, iwo nkimwi na vana va kirurumo. ¹⁸ Na Andrea, Filipo, Bartholomayo, Mathayo, Thadayo Simoni Mkananayo, ¹⁹ Na Yuda Iskariote, yye ashendiinga. ²⁰ Kyasia kaenda kyen na syamu ya vandu vakasha kimwi lingi, nta imakii ilya lingi nkate. ²¹ Ya kyen kwamwi ili vandeita mboni yo, vakaenda indewwara amu vanumbua ''Ankilio ni urango.'' ²² vaaria va mitisirie valya vashe kuuka Yerusalemu vakanumbua, ''Aworwa ni Beelzebuli,'' na''kwa finya ya mimuyo mikasha akee yumbuta.'' ²³ Yesu kavaanga kwamwi irera nawo kwa sumu,''Naare sotana amakii yambuta satana? ²⁴ Kwakooya Umangi tukwavaa loweni, Umangi lo lukimakii isalala ndi. ²⁵ Kwakooya numba ikwavaa sheni numba yo ikimakii isalala ndi ²⁶ Na kwakooya satana akwimboo na ikwaruka mini,, amakii isalala ndi akooya amfika kufui na ifurumia lamwi. ²⁷ Kake eefo nta umwi amakii yaka karikari ka numba ya nndu awore finya na ivaa fiya famwi kitaare afinga ulya awore finya mbele ndi na llo aitirimuu fiifoo numba. ²⁸ Deede namwia, mareko woose a vana va vandu aliliyoo, kimwi na ibira vantinyiin. ²⁹ Kake ulya woose ibiraa mumuyo nsongori ito atioo kutu ndi, kaka awore ilomi lya mareka amirere. ³⁰ Yesu anumbua iki kiimba kya lia vande numbua, Aworwa mmumuyo nkasha. ³¹ Kyasia mae na vanavamae vamwi vakasha na isalala wooro. vakaruma nndu, avvaanga. ³² Na Syamu ya vandu veekee rembo kufui nae vakamwia'' yeyo wafo na vanavamae afo vakee wooro. na vakee ikuruya iwe.'' ³³ Kavaarua, Nni i Yeyo wakwa na vanavama vakwa?'' ³⁴ Kalla valya veekee rembo vallengitie, na kanumbua, ''lla, iva vayeyo vakwa na vanavama! ³⁵ Woose arunda inifurie ya Iruva, nndu to rre to yye mwanamae wakwa na mfwamae wakwa, na yeyo wakwa.''