¹ Ili andeuya kaperinaumu kwa mikonu myaangu, kaitiwa sheeli akee kyen. ² Vandu veengi nnu veekusandie alya anawikio mwaanya ndi, kumande ulya mwaangon, na karera kirero kwawo. ³ Kyasia kyeenga kya vandu vakasha kwamwi vakamwendee nndu atorokombye ; vanda vandu vaani venriee. ⁴ Neeli vandelemwa imfikia kufui kiimba kya syamu ya vandu, vakauta kai ka andu alya eekaii. ili vandemaa itota mboroto vakaolota nawo kiraa kilya kileeyo ni nndu ulya atorokombye. ⁵ Ili andelolia ikusura lyawo, Yesu kaia nndu atorokombye , ''Mwanakwa, mareko afo alliliywa.'' ⁶ Kake kyeenga kya vaaria valya va mitisirie veekee rembo alya vakakusara mirimen yawo, ⁷ ''Amakii are nndu uu irera kuri? Akebira! ni i amakii ililia mareko kitaare ni Iruva muni da?'' ⁸ Lia eni Yesu kamanya ngoon yamwi kilya veekee ikusara kari kawo veni . kavaia, '' Nki ki ili mukee ikusara kuri mirimenyanu? ⁹ Nkingaki kyaangu irera kwa nndu uu atorokombye kwammaa yuutwa mareko afo, ama ni inumbua salala kurika kiraa kyafo kwende?' ¹⁰ Kake amu vamanye sheeli mwana nndu awore witoro lwa ililia mareko karika isanga, kaia ulya atorokombye, ¹¹ ''Nakwia iwe kwimboo imbo kiraa kyafo na kwende kyen kwafo.'' ¹² Kasalala na liaeni kaimbo kiraa kyamwi na yenda wooro ya numba mbele ya kilya nndu, na woose vakariika na vakaniinga Iruva tikisi na vakanumbua '' Kuta tallolia kindo sha iki ndi.'' ¹³ Kaenda lingi mbaani ya nruva, na syamu yoose ya vandu vakasha kwamwi na kavalosha. ¹⁴ Ili eeiraa kalolia lawi mwana wa Alfayo akerembo taari ya isang'aria kyaalo na kamwia, ''shilatia''. kasalala kansora. ¹⁵ Neeli Yesu eekee shongen karika numba ya lawi, vasang'aria kyaalo veengina na vandu vawore mako veekee ilya naYesu na vanalosho vamwi , amu veekee vengi nawo vakansora. ¹⁶ Ili vaaria va mitisirie, valya veekee mafarisayo, vandelolia sheeli Yesu eekee ilya na vandu vaore mareko na vasang'aria kyaolo, vakaia vanalosho vamwi, ''Nkiki ili akee ilya na vasang'aria kyalo na vandu vawore mareko? ¹⁷ Ili Yesu andeita kuri kavaia, ''vandu vaore finya vvilin vaari mwaanga ndi ni vvandu valole wo veni vamuuri nndesha ivaanga vandu vasumani ndi kake vandu valya vawore mareko.'' ¹⁸ Vanalosho va Yohana na mafarisayo veekee ikootoya. Na kyeenga kya vandu vakasha kwamwi na imuia , Nkiki vanalosho va Yohana na mafarisayo vakootoyaa, kake vanalosho vafo vatakekooya? ¹⁹ Yesu kavaia, A valya vaarie nrumi ya wali vamakii ikootoyo are neekai nndumi wa wali akee andu emwi nawo? vatamakii ikootoya.'' ²⁰ Kake mikonu ishaa ili nndumi wa wali alakaniswaa kwawo, karika mikonu wo vakootoyaa. ²¹ Eefo nndu afumiaa kirami kiyya kya nseto nseton nkuu ndi, amu kiraka kyukawo alya , kiiya ilaluka kuuka ulya nkuu na kirea wo mwaare nkasha. ²² Eefo nndu yengiaa mfinyo mbololon shikuu ndi amu mfinyo uritaa mboloko na foose fwili mfinyo na na mboloko firekaa kwa ikyo, rwaa mfinyo mwia mbolokon shiia. ²³ Karika nkonu wa sabato Yesu eekee iira karika manremin kiindi, na vanalosho vamwi vakabooka imboo kyeenga kya fyaa, fa nganu. ²⁴ Na mafarisayo vakamwia, lla, nkiki ili vakee itana kindo kitaare kivakani na ivavaso kariaka nkonu wa sabato? ²⁵ Kavaia, mwansoma se kilya kyarundwa Daudi lia andekooya atura kindo kya ilya na soto ye andu emwina vandu veekee kimwi nae? ²⁶ Kasa yende kulya numba ya Iruva lia Abiathari akee nkohani nnini na kalya nkate wenrawa mbele _ nato ukee sha ifukya ivavaso ni nndu woose ilya kitaare vakohani_ veri. nae kaavia kiindi kya valya ariani andu emwi nawo?'' ²⁷ Yesu kanumbua sabato underawafo kiimba kya nndu ni nndu anderawafo kiimba kya sabato ndi. ²⁸ Kwa ikyo, mwana wa nndu yye Nndumi, na kumande kwa sabato.