¹ Ngama masomukon vanini va vakohani vakakwania andu emwi na vasuri na vaaria va mitisirie na kikwenu kyoose kya vasuri. kyasia vakafinga Yesu vakankurika kwa pilato. Pilato kamwura ''Iwe ni iwe mangi wa wayahudi?'' ² Kaarua ni iwe kwanumbua kuro!'' ³ Vanini va vakohani vakarera findo fiingi fa kiimba kya yesu. ⁴ Pilato kamwura lingi, ''kwaruaa nta kindo kyoose se? kulolie kasa vakekuriinga kwa findo fiingi? ⁵ Kake Yesu nta yarua Pilato. nakyo kikanriikisa. ⁶ Kasa kisenye kyeeri kya kisuku eevaboromuyaa mfingwa umwi, mfingwa vandentereva. ⁷ Veifo variingi kifingion, karika valya vawaa va uriingi lo varaywa kiimba kya ukasha lwawo. Eeifo nndu umwi eevaangwaa Baraba. ⁸ Syamu ikasha kwa Pilato, na intereva atane sheeli avatania ifo numa . ⁹ Pilato kavaarua na kavaia, mufurie mmuboromuye mangi ya wayahudi?'' ¹⁰ Amu amanya ni kiimba kya iriso lya vanini va vakohani vakawara Yesu vakamunnde kwamwi. ¹¹ Kake vannini va vakohani vakakuria syamu ikaba kirorongyo kwa unga sheeli aboromulwa Baraba kita ye. ¹² Pilato kavarua lingi na kanumbua, Natania ki mangi ya wayahudi? ¹³ Vakakaba kirorongyo lingi ''Nkabien nsalabeni!'' ¹⁴ Pilato kanumbua, Atana kindo ki kikasha?'' kake vakaengeria ikaba kirorongyo nnu kutu. ¹⁵ Pilato ili eefuriee ikushiisa na syamu, kavaboromuya Baraba. kakaba Yesu na ngova kyasia kansomuta amu andekabio nsalaben. ¹⁶ Vasikari vakankurika kumandi wooro ya numba (ifo wooro ya numba ya mwitoro) na vakakusandia andu emwi i kamba lyoose lya vasikari. ¹⁷ Vakavika Yesu nseto ulondorie, aoka ureto lwa miinga vakavvika. ¹⁸ Vakabooka imwisana na inumbua, ''kia, mangi ya wayahudi!'' ¹⁹ Vakankaba ireko lya nrwe na vakammishia manyiiri vakafwiria nri mbele yamwi kwa imwindia. ²⁰ Na ili vandemaa umwetia, vakamwambua nseto ulya utondorie na vakavvika miseto yamwi, na vakansomuta wooro indenkabia nsalaben. ²¹ Vakakabiria nndu akee ira na shia yamwi, yekee isha murin auka nremin. Avaangwaa simoni mkirene (ndee wa Iskanda na Rufo) vakankabiria ikurika nsalaba wa Yesu. ²² Vasikari vakakurika Yesu andu avaangwaa Goligoth (misendie yayo, ntaari ya kiboron kya nrwe). ²³ Vakanninga mfinyo usaandi na nri wa inanga, kake kaleya inwa. ²⁴ Vakankabia nsaleben na vakakwaavia miseto yamwi, vakaikabia wuuku imanya kirambi akooya kilya nsikari. ²⁵ Yafika saa isaru ta ngama vakankabia nsalaben. ²⁶ Vakarwaa ringewu yamwi kibau kitisirie i ndiinga, ''mangi ya wayahudi''. ²⁷ Vankabia nsalaben andu emwi na vavili, umwi taari yamwi ya uko usha na ungi uko umuso lwamwi. ²⁸ (Zingatia: Mstari huu, "Na maandiko yakatimia yaliyonena" haumo katika nakala za kale). ²⁹ Nawo valya veekee iira vakanruma, veesenisasenisa mirwe yawo veenumbuaa, A ba! iwe muburua numba ya Iruva na iitana kwa mikonu iraru. ³⁰ Kukire ku muni na kooloke si kuuka nsalaben!'' ³¹ Mfo kuro na vanini va vakohani vanredia veererana na vaaria va mitisirie na inumbua, ''Akira vengi, kake atamakii ikukira muni. ³² Kristo mangi ya Israeli, oloka si alli uka nsalaben amu tilolie na iirikia,'' Na valya vakabiywa nsaben andu emwi nae nawo vakamweetia. ³³ Ili indefika saa irindaru, llema ukaishua ule ya uruka lyoose kumande saa kyeenda. ³⁴ Kyeeri kya saa kyeenda, Yesu kakaba kirorongyo kwa ununga unini, Eli Eli lama sabaktani?'' misendie yayo wui Iruva wakwa, Wui Iruva wakwa, nki ili kwashirea? ³⁵ Kiindi kya iwo veeselele ili vandeita vakanumbua, ''Lla, akee ivaanga Eliya.'' ³⁶ Nndu umwi karisha . kandennde kimiminda mura kakiishura mura udooka. kafingia ierkon, kanninga anwe. nndu umwi kanumbua, vera tille akwaa Eliya ashaa imwolota si.'' ³⁷ Kyasia Yesu kaia kwa unungu unini na kanutuka. ³⁸ Na isulia lya numba ya Iruva likakwaava firambi fivili kuuka ule kumande si. ³⁹ Nshili umwi ulya eeselele veekulla na Yesu, ili andelolia anutuka kuro, kanumbua, dede nndu uu eekee mwana wa Iruva.'' ⁴⁰ Veyoo na vaka veekee lla kwa kwaasha kari kawo eeyoo magdalena, na maria (mae wa Yakobo mwanao wa Yose) na Salome. ⁴¹ Kyeeri akee Galilaya vansora na indundia. na vaka vengi veengi nawo vakariana nae kumande Yerusalemu. ⁴² Neeli kuve ukwawun, na fulya ukee nkonu wa ikusongosia, nto nkonu usorwa sabato. ⁴³ Yusufu wa Arimathaya kasha alya . Eekee nnini wa kikwena awore tikisi nndu averea umangi lwa Iruva. kwa finya kaenda kwa pilato, na kantereva vvili wa Yesu. ⁴⁴ Pilato karikiswa sheeli Yesu ammaa ifwa; kavaanga nnini ulya wa vasikari kamwura akwaa Yesu amfwa. ⁴⁵ Ili akooya udede kwa nsikari sheeli amfwa, kaotora Yusufu akurike nnying'a. ⁴⁶ Yusufu ammaa yaura nseto wa bafuta. kamwolota kuuka nsalaben, kamwirina na nseto ulyawa bafuta , kamwara mbangen inderemwa mawen. kyasia kabiringi tia iwe mwaangon wa mbanga. ⁴⁷ Mariamu magdalena na mariamu mae wa yose vakalolia taari ilya vanderika Yesu.