¹ Ili sabato indesia, mariamu magdalena na mariam mae wa Yakobo, na Salome, vakandeura mafuraa a kisaamu manuru, amuvashe indaamba vvili wa Yesu mafura kiimba kya irawa mbangen. ² Ngama kio nkonu wa mbele wa shuma. vakakwimboo vakaenda mbangen ili saa isomukaa. ³ Vaka kurera woveni na ven '' Ni i andebiringitaa iwe lia, kiimba kyenu ise taake mbangen?'' ⁴ Ili vandella, vakakooya nndu ammaa ibiringita iwe, nalo likee imini nnu. ⁵ Ili vandeaka mbangen vakalolia nkoo aree miseto myelwa fyu, akerembo taari ya uko usha, na vakarikiswa. ⁶ Kavaia,'' Mutaeree. mukee iruia Yesu, wa Nasareti andekabio nsalaben. Anduka! Akiifo ia ndi. Lla alya veemwaariee. ⁷ Enden mundeia vanalosho vamwi na Petro sheeli amwiria mbele yenda Galilaya ifo muloliaa sheeli andemwia.'' ⁸ Vakakwimboo irisha kuuka mbangen vakarerema na vakarikiswa. Nta iia nndu kindo kyoose amu veewarwaa wwerei nnu. ⁹ (Ngama kio nkonu wa mbele usorie wa shuma, ammaa iruka, kashea Mariamu magdalena, ni ulya amwita mimuyo ilya mikasha mfungare iiwworee. ¹⁰ Kaenda kandeongoya valya veekee andu emwi nae veenariaa na iiya masoru. ¹¹ Vakaita sheeli eefo na muu na aloliywa na, kake nta imwirikia. ¹² Numa ya ifo, kakorusa kwa fwana titavakani kwa vandu vengi vavili, ili veeruarua ifo uruken. ¹³ Vakaenda vakandeongoya vanalosho vengi vasaie. kake nta vairikia ndi. ¹⁴ Yesu numa kakorusa kwa valya ikumi na umwi ili veelakanaa ilya shoonga, na kavakandara kiimba kya ikusura lyawo na uumu lwa ngoo tawo, fulya valeya iirikia valya vallolia ili aruke kuuka kwa vafu. ¹⁵ Kavaia, Enden masangen woose, na ikwanisa nrumi shisha. ¹⁶ Woose akusuraa na ibatiswa akirwaa, na ulya atakusuraa aumisioo. ¹⁷ (Myorusie ii ilungana na woose vakusurie. kwa irina lyakwa vanumbutaa mimuyo mikasha vareraa na b mirero miiya.) ¹⁸ Vawaraa shoka kwa maako awe, na kwakooya vanwaa kindo kyoose kifisie kivakasheesa ndi. vaekeriaa valole maake . nawo vakiaa.'' ¹⁹ Kyasia ili Nndumi amaa irera nawo, kakurikwa ule iruvewu kakaa rembo taari ya uko usha lwa Iruva. ²⁰ Vanalosho vakaenda na ikwanisa kilya andu na Nndumi katana mashora andu emwi nawo na ikarisia kirero kwa myorusie na marikiso fulungana nawo.