¹ Kyeeri kyo vashe Yerusalemu, vakee kufui Besthfage na Bethania, kulya uron lwa misenefu, Yesu karuma vavili karika vanalosho vamwi. ² Na kavaia, Enden muungon ulya ukee mbele yanu. ili mufika ifo mukooya kyaashe kya nshungu kitaare kyankoya.kyawun mukannde kwakwa. ³ Na akwaa woose amuiaa, Nkiki ili mukee itana kuri?'' kyawara numbuen ' Nndumi akyuuri naali akiwiraa ia.'' ⁴ Vakaenda na ikooya kyaashe kya nshungu kyavikie wooro mwaangon karika shia nini, nawo vakakyawua. ⁵ Na kiindi kya vandu valya veeselelee alya na vakavaia, mukee itana ki, yawua kyaashe kyo?'' ⁶ Vakavaia sha lia Yesu eevavavasaa. na vandu vakavaotora vaende. ⁷ Vanalosho vavili vakannde kyaashe kya nshungu kwa Yesu vakaala miseto yawo mungon wayo amu Yesu amakii yaaukia. ⁸ Vandu veengi vakaala miseto yawo shien, na vengi vakaala maramba vandeminya kuuka maremin. ⁹ Valya vaende mbele yamwi na valya vandensora vakakaba kirorongyo, ''Hosana! Eetikiswa ashaa kwa irina lya Nndumi. ¹⁰ Lwitikiswa umangi lushaa lwa nde yeru Daudi! Hosana kwa ulya wa ule'' ¹¹ Lilo Yesu aaka Yerusalemu na kaenda numba ya iterevia na kalla kilya kindo. Alli, feeri femmeenda, kaenda Bethania andu emwi nawo ikumi na vavili. ¹² Nkonu undesora ili veeuya kuuka Bethania , eewore soto. ¹³ Na kakolia nri wa nkuu uwore na maru kwa kwaasha, kaenda indella kwakooya amakii ikooya kyoose ringewu yayo. ili andeenda kwa ito nta ikooya kyoose kitamaru, fulya kitaare kikee kyeeri kya nunda. ¹⁴ Kavia, ''Eefo woose ulya nunda kuuka kwafo lingi ndi''. Na vanalosho vamwi vakaita. ¹⁵ Vakasha Yerusalemu, nae kaakia numba ya iterevia na kabooka isomuta woore vakumba na vaura karika numba ya Iruva. kafuluta mesa ta veelasha fesa na fifumbi fa valya veekee ikumba mbuku. ¹⁶ Aotora woose imtoo kyoose numba ya Iruva kivaa ikumba ndi. ¹⁷ Kavalosha na kavaia A nkitisire numba yakwa ivaangwa numba ya fiterevo kwa masanga woose? kake ini mukayarua mbanga ya vasoki''. ¹⁸ Vakohani vanini na vaari va mitisirie ili vandeita kasa anderera, nawo vakaruiya shia ya iwwa. Amu veemweree fulya syamu ya riikiswa mmiloshie yamwi. ¹⁹ Na kilya kyeeri ukwawiin lukamfika, vakauka murin. ²⁰ Ili veenda ngama, vakaulolia nri ulya wa nkuu wamuuma kumande kulya mirarin yayo. ²¹ Petro kakumbua na kanumbua ''Rabi! lla ,nri wa nkuu ulya kundeudenga wamuuma''. ²² Yesu kavaarua, ven na ikusura karika Iruva . ²³ Nkue namuia sheeli ulya aiaa uro lu. Iruka, na kukweere kumuni nruven, na atawore inunua nrimin wamwi kake awore ikusura sheeli ikyo akirera kyaawukiaa, kuro nifo Iruva atanaa. ²⁴ Kwa ikyo namuia: kilya kindo muterevaa na yuura kiimba kyayo kusure sheeli mwa wwaria, nafo fivaa fanu. ²⁵ Kyeeri musalala na itereva kyawara mulilia kyoose muwore kiimba kya woose amu nde yau akee Iruvewu amulilie na ini mareko anu. ²⁶ (Zingatia: Mstari huu, "Lakini msiposamehe, wala Baba yenu aliye mbinguni hatasamehe dhambi zenu" haumo kwenye nakala za kale). ²⁷ Vakasha Yerusalemu lingi, Na Yesu ili eeruarua numba ya Iruva, vakohani vanini, vaaria va mitisirie na vasuri vakasha kwamwi. ²⁸ Vakamwia, nkwa finya ingai kukee itana mboniti ? Na ni i akuninga finya ya itana ifi?'' ²⁹ Yesu kavaia, '' Mmuura kirero kimwi shieni nanmmuiaa nkwa finya ingai nkee itana mboni ti. ³⁰ A , ubatizo lwa Yohana lwauka ivewu ana nkwa vandu?shaarueni.'' ³¹ Vakakuree karikawo na ivingana na inumbua, 'kwakooya tinumbua lwauka iruvewu; aumbuaa; ' Nkii ili kitaare mukekusara?' ³² Kake akwaa tinumbua, ''Lwauka kwa vandu, kyasia vakaerea vandu, amu woose veeshii sheeli Yohana akee mwauya fisuku. ³³ Llo vaarua Yesu na vakanumbua, ''Tiishindi. Llo Yesu avaia, Ana nan mmuiaa nkwa finya ingai nkee itana mboni ti ndi.