¹ Kyasia Yesu kabooka ivalosha kwa sumu. kanumbua, Nndu aroonga nrema ya misabibu, kailengetisia uvarile, na karema irina lya ikamia mfinyo. katana ngangana numa kaaria nrema ilya ya misabibu kwa varemi va misabibu. kyasia kaenda kyaaro kya kwaasha. ² Kyeeri kyafika karuma ndundi kwa varemi va misabibu iwaria kuuka kwawo kyeenga kya nunda ta nrema ya misabibu. ³ Kake vaka wwara, vakankaba, na vakamwimbuta atawore nta kiki. ⁴ Karuma kwawo ndundi ungi, vakankaba mavara a nroe na intania findo fa usutu. ⁵ Kyasia kanima ungi, na uu umwi vakawwaa vakarundia vengi veengi findo sha filya,vevakabaa na vengi vakawaa. ⁶ Kakooya awore nndu umwi aseere fo wa inruma, mwana nkunde. Nae akee wa ifurumia andenruma kwawo. Eenumbuaa ''vaindiaa mwanakwa.'' ⁷ Kake vaaria nrema vakakurera veni kwa veni , ''Uuyye muya dingu. Orishon, amu tiwwaa, na dingu ive yeeru.'' ⁸ Vakakweera, vakawwaa na inkumba wooro ya nrema ya misabibu. ⁹ Kwa ikyo A! atanaa ki muni nrema ya misabibu? Ashaa na ireta varemi va misabibu na irambikia nrema ya misabibu kwa vengi. ¹⁰ Mwansoma mitisire iise?'' iwe liya vatana vaileya lya vva iwe lya wembe. ¹¹ Iki kyauka kwa Nndumi, na nkya marikiso mison yeru.'' ¹² Vakaniia iwara Yesu, kake vakaerea syamu, amu vamanya sheeli arera sumu yo kiimba kyawo .Llo vanrea vakaenda. ¹³ Kyasia vakaruma kiindi kya mafarisayo na maherodia kwamwi amu vansaue kwa firero. ¹⁴ Lli vandefika, vakamwia, '' Llosha, tiishi sheeli kurikie firero fa woose na kukoorusa ikundia karika vandu ndi. Kuloshaa shia ya Iruva na udede. A! kisumani itaa kyaalo kwa kaisari ana wode? A! Timakii itaa ana wode? ¹⁵ Kake Yesu kamanya ukavili lwawo na kavaia nkiki ili mukee isheelelia? Shiningen niille.'' ¹⁶ Vakannde imwi kwa Yesu, kavaia ''A! fwana iira i na mitisire yo itisirie yya ya i? Vakanumbua , ''yya kaisari.'' ¹⁷ Yesu kavaia niingin kaisari findo fa kaisari na Iruva findo fa Iruva.'' Vakandiikia. ¹⁸ Kyasia masandukayo, vanumbuaa lifo iruka ndi, vakanshea vakamwura, venumbuaa, ¹⁹ Llosha, Musa atitisiria sheeli , kwakooya mwanamae wa nndu afwa na ireawo nka numa yamwi, kake atarea mwana, nndu akurikaa nka wa mwanamae, ana akooiye vana kwa kiimba kya mwanamae wamwi.' ²⁰ Veifoo vamavamae mfungare wa mbele karwa nka na kyafika andu kafwa, nta itiawo mwana. ²¹ Kyasia wa kavili kanvaa nae kafwa nta itiawo vana. Na wa karani nkuro da. ²² Na wa mfungare kafwanta itiawo vana, ifurumia nka nae kafwa. ²³ Kyeeri kya iruka, ilivanikaa lingi, A! avaa nka wa i? Nkiki ili vanavamae woose mfungare veekee mmi wamwi.'' ²⁴ Yesu kavaia, ''A! iki nkiimba se sheeli mukee iretwa, fulya muteeshi mitisirie ana finya ya Iruva?'' ²⁵ Kyeeri kya Iruva kuuka kwa vafu, vaniingia ana yaaka karika uwali ndi, kake vavaa sha vamalaika va Iruvewu. ²⁶ Kake, kiimba kya vafu valya varutwaa A! mwasoma se ifo kitabun kya musa, kya firero fa alya ngumin kasa Iruva anumbua na kamuia, Nnin Iruva wa Abrahamu, na Iruva wa Isaka, na Iruva wa Yakobo?' ²⁷ Ye ni Iruva wa vafu ndi, kake wwa vakee namuu kwa ikyo mwanreka deni.'' ²⁸ Umwi wa vaaria va mitisirie kasha kaita mirerie yawo, na kalolia sheeli Yesu avaarua kinuru. kamwura, A ni ivavaso lingali likee iroo kita aase?'' ²⁹ Yesu kamwarua, liya likee iroo ni ili, ''Ita, Israeli Nndumi wa Iruva weeru, Nndumi ni umwi. ³⁰ Kyawara kukunde Nndumi Iruva wafo, kwa nrima wafo woose na kwa ngoo yafo yoose, kwa urango lwafo lyoose, na kwa finya yafo yoose.' ³¹ Ivavaso lya kavili ni ili, kyawara kukunde nkyungu wafo sheeli kuku kundie kumuni.' Nta likiifo ivavaso lingi inini kita iva ndi.'' ³² Mwaria wa mitisirie kanumbua, '' Nkisha uosha! kwa rera dede sheeli Iruva ni umwi, na nta eefo ungi kita ye ndi. ³³ Inkunda ye kwa nrima woose, na kwa imanya lyoose na kwa finya yoose, na ikunda nkyungu sha iwe muni ni nkinini nnu kita misimbika na firasiyo fa ikora.'' ³⁴ Ili Yesu alolia amwarua na urango, kamwia, Iwe kukee kwaasha na umangi lwa Iruva ndi.'' kuuka yo nta umwi akikaria yuura Yesu kirero kyoose. ³⁵ Na, Yesu kaarua, ili eeloshaa ifo numba ya Iruva, kanumbua, ''A! vaaria va mitisirie vanumbua are sheeli Kristo ni mwana wa Daudi? ³⁶ Daudi muni karika mumuyo nsongori, anumbua, 'Nndumi anumbua kwa Nndumi wakwa, kaarembo taari ya uko usha, kumande nrwaa fituva fafo kwasi ya marende afo.' ³⁷ Daudi muni avvaanga kristo, 'Nndumi' A! avaan are mwana wa Daudi kwa mikae ingai?'' Na ikusandio inini vakamwaranya kwa ifura. ³⁸ Kwa miloshie yamwi Yesu kanumbua, kusembeken na vaaria va mitisirie valangie iruarua na miseto myaasha iisanwa ifo singiren ³⁹ Na ikaarembo kulya fifumbin fa vanini ifo numba ya iterevia na fisukun kwa taari ta vanini. ⁴⁰ Kysia vakalya numba ta misiketi na vakatereva fiterewo faasha amu vandu vavalolie. vandu va vawariaa uumisio lukee unini.'' ⁴¹ Kyasia Yesu kakaa rembosi si kufui na isanduku lya nsimbika kari ya taari ya numba ya Iruva . kalla vandu vakee irwafo fesa tawo ifo isandun vandu veengi masimba vakarwaafo feso shiingi. ⁴² Kyasia nka nsiketi nkiva kasha karwaa fo fibarwe fivili fa itaalya lya senti ivili. ⁴³ Kyasia kavaanga vanalosho vamwi na kavaia, nkya dede namuia, nka uu nsiketi anrwaafo fiingi nnu kita woose valya vanniingia kunu isandukun lya nsimbika. ⁴⁴ Amu woose vaniingie kiimba kya wiingi lwa mafyaa awo. kake nka uu nsiketi kwa ukiva lwamwi, karwaa fesa toose tilya kyawara mfo fikee fa ilela muu wamwi.