¹ Wakati Mwanakondoo tzahapfvugule gumuhuri gwa saba, tzakukala na ukimya mne lilinga kama inusu saa. ² Kuya tzaniwona malaika saba wakwima hambelel ya Mlungu, na tzawen'gigwa mbeta saba. ³ Malaika yungine tzakatza, kamilitza dibakuli ja tzahabu dine upfvumba, tzakema mne gamatzabahu. Tzaken'gigwa upfvumba mwingi ili kwamba aulapfve hamwe na gamaombi ga waamini wose mne gamatzabahu ga tzahabu hambele ya ichigoda cha enzi. ⁴ Diyosi ja agala gamapfvumba hamwe na gamaombi ga waamini, wokwila uchanya hambele ya Mlungu kulawa mne imimoko ya malaika. ⁵ Malaika tzakasola dibakuli ja upfvumba na tzakadijatza gumoto kulawa me gamatzabahu. Kuya tzakajasa hasi ya isi, na tzakulawila tzisauti tza radi, miale ya radi na digudemo ja isi. ⁶ Awala malaika saba tzawakalile na tzimbeta saba tzawatayari kutzitowa. ⁷ Malaika wa mwande tzakaitowa mbeta yake, na tzakulawila imvula ya gamabwe na gumoto guhanganyike na idamu. Tzapfvasigwa hasi mne isi ili kwamba iselusi yake ilakale, selusi ya imibiki tzailakala na tzinyasi tzose tza kijani tzilakala. ⁸ Malaika wa keli tzakatowa imbeta yake, na ichinu kama ichidunda chikulu tzachin'gali chilakala kwa gumoto tzachasigwa mne ditzimbu. Selusi ya ditzimbu tzaikala na damu, ⁹ selusi ya iwanyama hai mne ditzimbu tzapfvudanganika, na selusi ya tzimeli tzainangigwa. ¹⁰ Malaika wa kadatu tzakatowa imbeta yake, na inondo n'gulu tzaigwa kulawa kulanga, tzaimulika kama kulunzi, mchanya ya selusi ya imiti na tzimbwibwi tza gamatzi. ¹¹ Ditwaga ja inondo ni pakanga. Selusi ya gamatzi tzaikala pakanga, na iwanu tza wadanganika na gamatzi galiusungu. ¹² Malaika wa kane tzakatowa imbeta yake, na selusi ya ditzua tzaitowigwa, hamwe na iselusi ya gumwetzi na iselusi ya inondo. Kwa apfvo selusi ya pfvose tzaigeuka na kuya ichisi, selusi ya nemisi na selusi ya nechilo tzapfvikala bila ya gumwanga. ¹³ Tzanilola, na kuhulika tai tzayakalile oguluka mne lilanga, na kukema kwa isauti in'gulu, "OLe,ole,ole kwa awala iwokala mne isi, kwa sababu ya gumlipuko gwa imbeta isigale ambayo yahabehi kutowigwa na malaika wa kadatu."