¹ Nyesu nuafefeheya kwa huruma yakwe Mungu, mefunyi meeri ayu etendeke dhabihu ne efetiyetakatifu, ne enoneye kune Mungu. Ire yu ibada ayu nina ukwekeyo. ² Nakuuyu mtakikhoye hiyahiya ya udunia eyei, kweso mkhavieshwe no utendwa upya wa manghemo auyu. Tendi vii mhange umanya mafeji a Mungu ayo ne maja, naomo ya jisha na ukamilifu. ³ Ne kweso nuhauya, kwa soko a neema ninafiwe, soko kila mtu neari urefo mkhate khate anyu atwu ghemaghema ino kutoo akwe mughonjo ite ni munonisie ughema. Nyeso honeye ughema kwa ihaa, kinya nechu Mungu uwafie kila umweudu kirase kinge kaundaho. ⁴ Ne nyeso kwina viungo nying'e mkhate a mwere umweudo, nyeso tii viongo vyong'e ne vina mremo umwendo. ⁵ Vyeuyi uyii, sese ne kwevyeng'e kwina mwere umwedu mkhatye ama Kristo, na viungo kila umweudo na myakwe. ⁶ Kwina karama ne ihiyahiya kwa kirase ka neema nekwafiwe. Niatendeka karama aunambii naetende kirasi kwa imauiese. ⁷ Eare karama a mtu ne huduma, na atumeke. Nare wangeja vina karama aufundisha, eare, afundishe. ⁸ Bese karama amtu ni faraja, eare a fariji. Bese karama amtu ne ufunya atenda uuyi kwa upoo. Bese karama amtu ni uongoza, ne atende kwa urarava iuja. Bese karama a mtu mkhate auvaraghe upoo, ne atenda kwa uyanjo. ⁹ Uyanjo utatendeke wa kukuna. Rihuri ne rivee, kwatii ayo ni manja. ¹⁰ Umanya unyanjo wa ndughu, kiyanji nyeuye kwa nyenye umanya hesima, kihesimu nyenye kwa uyeuye. ¹¹ Umanya utitaa, mtalendeke mlenge. Umanya khoo, tendeke wina hamu. Umanya Bwana, mtumamei. ¹² Yanji mkhate uchangamka niwinayo umanya matiku ne ajie. Mtendeke na unghimei mkhate amatatizo anyu. ¹³ Mkhame mkhate amarobi.Mkiaree mkhate a matu aamini. Feuyi njia ne uyinge yo kiraghe ufoo. ¹⁴ Wafi baraka wog'e ne niwasubua uyeuye muwabariki na kuwoe mtawalani. ¹⁵ Yaji nao wayanyete, rei nao ne veria. Ritagheme na kiona, enyeso. ¹⁶ Mtendeke wina maghemo uyeuye kwa nyenye mtagheme na kiona, enyeso wayaji atu wa hali yapang'e. Mtatendeke na uhwoghu kutoo amaghemo aufu aghonjo. ¹⁷ Mtamulipe mtu umvekwa uve. Tendi matu ne mauja uu miho a atu wong'e. ¹⁸ Nipese ewezekana, bese ikiwe ukhauyu, mtende amani na atu wong'e. ¹⁹ Anyandughu, mtakirefeye mahutye aghonjo, yeso isumtii u makuo a Mungu. Kwa soko eandiki, "Kitao ne kaukwe; Mweso ukuripa,' ukuhanya Bwana." ²⁰ "Yeso niwatendeka adui wako wina ujaa, mlishe. Niwatenda wina nywata muyweshe. Kwa soko niwatenda unyii, ukumuhuuwera makaa a moto kuto aitwe lakwe." ²¹ Utahumwe na uvei, bahu wohume uvu kwa uuja.