¹ Nyeso nafsi na etendeke ina mwighuo kwa atawala vaa kuto, kwa soko kutie tawala isipokuwa ifumie kune Mungu. Na tawala nirepo uyekiwe na Mungu. ² Enyeso usuu na ukwemia tawala isi ukuemia maragheyo wa Mungu; na asa neumia wajopewa hukumu kuto awe aghonjo. ³ Ekweso atawala tiii tishio kwa atu ni hutenda majia, yeso kwa awo ni tenda ni mamvi. Ie utamani uonghopa atawala? Tenda nemanja, ukuyaujwa nasa. ⁴ Kwa soko mtumishi wa Mungu kuwe vee kwa soko amanja. Bese ukee ukutende ayoo ne mavee oghopa; kwa soko atu ucha upanga dende. Kwa soko ni mtumwa wa Mungu, muyaulipa kesase ka makuo kutoa uyoo ne kutenda mahutye. ⁵ Ekweso inoneye utii natiuuyi kwa soko amakuo, yeso soko a dhamiri. ⁶ Ne soko iyee na mlipa kodi. Kwa soko auya utawala ne atumami a Mungu,awai niwaendelee utenda ituu eriuyi. ⁷ Mreefi kila mtu umwendo neare ukuwaudai: kodi kwawo ni wanoneye kodi; ushuru kwao newanoneye; choghopi kune unoneye choghopi; heshima kune unoneye hesima. ⁸ Mtadaiwe na mtu itu lolote eyeso ukiyanja nyenye na uyeuye.. Kwa soko weso ni myajetye muyafife wakwe umening'aneye maragheyo. ⁹ Kwa soko, "Ise utuuragha, utalate na mkeme wa mtu, utaivee, utayanje," Ne kiuya amri ingija ne emumanyishe mkhatye a umanyi uruii: "Uku uyauja muyapipe wako kiuya veve mnghoujo." ¹⁰ Uya ujo utumuwarye muyapipe wako. Kusoko uyaujo na unighanenye wa maragheyo. ¹¹ Kwa soko a erei, mumanyire ukhondo, roo ufuma utoroo. Kwa soko uhuveri witu wahubera inoo a ikhondo ero nare kuamini mwaudwo. ¹² Utiku wenda ino, na mumwi wahubera. Ne kweke upeo matu a kitii, na kuyare silaha ya mumve. ¹³ Ne kwenende iuja inja, kiuya mkhate a nuru, tii kwa ngoi ya kitao na uughari wa kutaenende mkhate zinaa au lobe ne etundahika, neni twuu mkhate a fitina au wiruu. ¹⁴ Nyeso kumyare Bwana Yesu Kristo, na kutaike penyeuye kwa soko a mwiri, kwa lobe ayo.