¹ Anyondughu, ighemo ra nkhoo ane na irombi rane kene Mungu ne kwa soko anyu, kwa soko aukhomoi wawe. ² Kwasoko ngumkumueya nehu vakhamiechie kwasoko a Mungu, nyeso ti kwasoko au manyi. ³ Kwasoko katimanyie tute a Mungu, na reufenja ujenga tute awe aghonjo. Evatina wetegheyi utute a Mungu. ⁴ Kwasoko Kristo ne uficheyo wa sarea kwa soko atute a muntu neuhuvie. ⁵ Kwa soko Musa ukuandeka ughonda tute nechu ukutendaa tute a sarea ukekwaa kwa tute eyei." ⁶ Nyeso tute nechu efumire na uhuvei euhanya ivii, utahanye unkhoo akoo, 'Anyu neukuruma uenda kurumete?' (Eyei ne umureta Kristo fang'e). ⁷ Na utananye, 'Anyu neukusima kwete kikhombo?" (Eyei ne umretaKristo kunto ufuma kwa akuyi). ⁸ Nyeso euhanya ntumi? "Ukwani we fifei na veve, khate a mwomwo wako na khate a nkhoo ako." Wasuu ne ukhani wa uhuvei, nechu kuutanutya. ⁹ Kwa soko mwino kwa mwomwo waok ukumhanyaa Yesu nechu ne Mkuu, na uhuvea unkoo ako nechu Mungu akamfetya ufuma kwa akuyi, ukukhomowa. ¹⁰ Kwa soko kwa nkhoo mutu ukuhuvea na uwanga tute, na kwa mwomwo ukuhanya nauhanga ukhomoi. ¹¹ Kwa soko iandeko reuhanya, "Mu neumhuvie atiuira menyaa." ¹² Kwa soko kutie hiya khate a Myahudi na Myunani. Kwa soko Mkuu uyuyo ne Mkuu wa vong'e, na ne mghware kwa vong'e neveumwetana. ¹³ Kwa soko mu mutu nechu ukureetana rina ra Mkuu ukukhomowa. ¹⁴ Ne kwa ure neveudaha umwetana mweso nechu vatimhuvie? Na kwa ure veudaha uhuvea khate amweso nechu vatinamtegheya? Na veutegheya ure nekutie mtananti? ¹⁵ Na nekwa ure veudaha utanautya, sane vatumwaa mwino eandikiwe, nekwaure ne meja meghuu avoyo nechu veutanantya sayu auyanjo wa mantu ne maja!" ¹⁶ Nyeso vong'e vatinategheyaa saya. Kwasoko Isaya ukureghetya, "Mkuu, ne auyu newategheye sayu itu?" ¹⁷ Vari uhuvei ukujaa ukeera na utegheya, na utegheya kwa ukhani wama Kristo. ¹⁸ Nyeso nguhanya, "Uvatinategheya?" Nhoo, kwa tute ino rurii. "Wawe wafumaa khate ang'e na nkhani yawe uenda umpeo a uremi." ¹⁹ Nanguu aong'e, "U Israeli eatunena, "Mwandyo Musa ukuuhanya, "Nejovasokosa uvaonia ghusea kwa autu nechu ti ituumbe netikweti umanyi, govahongea taka mkiwe." ²⁰ Na yesayo ne mkhae ino na ukuhanyaa, "Ngakighea na avoyi nechu vatina mpejaa. Ngakighea kwa avoyo nechu vatinanse ghaa." ²¹ Nyeso kene Israel ukuhenya, "Matiku ong'e ngaghoora mikhono ane kene vatina mwighuyo na kene antu ne akaku."