¹ Abha yemisango ejo Yesu nalibhata mu Galilaya, kwo kubha atendele okugenda mu Bhyaudi would kubha Abhayaudi bhaliga nibhakola obwenge bho kumwita. ² Woli amalya ga Bhayaudi, amalya ge bhiuna, galiga yei. ³ Niwo abhamula bhabho nibhamubwila ati, "Soka anu ugende Uyaudi, koleleki ebheigisibwa bhao kutyo kutyo bhalole ebhikolwo bhinu oukola. ⁴ Atalio unu kakola lyona lyona mu mbisike kenu omwene nenda okubhulika abwelu. Alabha ukakola emisango jinu, wiyeleshe omwene ku chalo." ⁵ Nolwo abhamula bhabho ona bhatamwikilisishe. ⁶ Niwo Yesu nabhabwila ati, "Omwanya gwani guchali kwiya, nawe omwanya gwemwe bhuli mwanya nogumalila. ⁷ Echalo chitakutula kubhiililwa emwe, nawe echibhiililwa enye kwo kubha obhubhambasi ubha ebhikolwa byae ni bhibhibhi. ⁸ Mulinye mugende ku malya; anye nitakujayo kumalya linu ni kwokubha omwanya gwani guchali kukumisibwa." ⁹ Ejile amala okwaika emisango ejo kubhene, asigaye Galilaya. ¹⁰ Nolwo kutyo, abhamula bhabho bhejile bhagenda ku malya, niwo nomwene nagenda, atali kwo bwelu nawe mwibhete. ¹¹ Abhayaudi bhaliga nibhamulonda kumalya no kwaika ati, "Alyaki?" ¹² Nikubhao amasimulo mafu mu bhise ingulu yaye. Abhangi nibhaika ati, "Ni munu wa kisi." Abhangi nibhaika ati, "Uli, kabhebheya ebhise.". ¹³ Nolwo kutyo atalio unu amwaikile bwelu ingulu yaye kwo kubhaya Abhayaudi. ¹⁴ Omwanya gwa malya gwejile gwakinga agati, Yesu nalinya nagenda mwiyekalu namba okwiigisha. ¹⁵ Abhayaudi bhaliga nibhatang'ang'ala no kwaika ati,"Omunu unu amenye emisango myafu? atasomele kata." ¹⁶ Yesu nabhasubya nabhabwila ati, "Ameigisho gani gatali gani, nawe gaye unu antumile. ¹⁷ Alabha wona wona kenda okukola obwenji bwae alimenya okwiigisha jinu alabha jasokele ku Nyamanga, alabha enaika okusoka kwanye ela. ¹⁸ Bhuli unu kaika okusoka kumwene kayenja likusho lyae, nawe bhuli unu kayenja likusho lyae unu antumile, omunu ununi we chimali, na munda yaye atalimo bhutalengelesi. ¹⁹ Musa atabhayaye emwe ebhilagilo? Nawe atalio nolwo umwi mwimwe unu kagwata ebhilagilo. Kubhaki omwenda okunyita? ²⁰ Ebhise nibhamubya ati, "Uli no musambwa. Niga unu kayenja okukwita?" ²¹ Yesu nasubya nabhabwila ati, "Nakola omulimu gumwi, nemwe bhona nimulugula. ²² Musa abhayaye okutenda (tali ati eisoka ku Musa, nawe iliya eisoka ku bhalata), na ku sabhato omutenda omunu. ²³ Alabha omunu akalamila okutendwa kulusiku lya isabhato koleleki ebhilangilo bya Musa byitanyamuka, kubhaki omumbiililwa anye kwo kubhaki nakolele omunu kubha muanga kata ku sabhato? ²⁴ Musige okulamula okwinganyisha nolususo, nawe mulamule mulengele. ²⁵ Abhandi yebwe okusoka Yerusalemu nibhaika ati, "Atali unu oyoabhayenja okumwita? ²⁶ Na lola, kaikila abwelu abwelu, na bhatakumubwila chona chona ingulu yae. Itakutula kubha ati abhakulu abhamenya echimalikubha unu ni Kristo, Eitula okubha? ²⁷ Echimenya unu omunu asokele aki. Kristo alibhaja, nolwo kutyo atalio unu alimenya aki kasoka." ²⁸ Yesu aliga naikila ingulu muyekalu, neigisha naika ati, "Emwe bhona mumenyele enye no mumenya enu enisoka. Nitejile kubwani, nawe unu antumile ni we chimali, na mutakumumenya omwene. ²⁹ Enimumenya omwene kwo kubha nisokele kwaye na antumile." ³⁰ Bhaliga nibhayenja okumsita, nawe atalio nolwo umwi enamusishe okubhoko kwaye ingulu kwo kubha omwanya gwae gwaliga guchali kwiya. ³¹ Nolwo kutyo abhafu mu bhise nibhamwikilisha. Nibhaika ati, "Kristo alibhaja, alikola ebhibhalikisho byafu okukila bhinu akolele omunu unu?" ³² Abhafarisayo nibhongwa ebhise mbetong'anila emisango jinu ejimwimako Yesu, na bhakulu bha bhagabhisi na Bhafarisayo nibhatuma abhasilikale koleleki bhamugwate. ³³ Niwo Yesu naika ati, "Guchali omwanya mutoto nili amwi emwe, na enigenda ku mwene unu antumile. ³⁴ Mulinyenja nawe mutalimbona; nenu enigenda mutakutula kuja." ³⁵ Kulwejo Abhayaudi nibhaikana abheigisibhwa kwa bhene, "Omunu unu kenda kujaaki ati chitakutula okumulola? Kenda kuja kubhanu bhanyalambukele agati ya Wayunani no kubheigisha Abhayunani? ³⁶ Nimusangoki gunu kaika, 'Mulinyenja nawe mutalimbona; eyo enigenda mutakutula kujayo'?" ³⁷ Woli olusiku lwo bhutelo, olusiku olukulu lwa malya, Yesu emeleguyu naikila ingulu, naika ati, "Alabha wona wona unu ketwa obhulilo, aje kwanye anywe. ³⁸ Unu kanyikilisha anye, lwa kutyo jandikilwe, okusoka munda yani jiliulula emisima ja manji go bhuanga." ³⁹ Nawe aikile nigwo Mwoyo unu abhene bhalimwikilisha no kumulamila; Mwoyo aliga achali kusosibwa kwo kubha Yesu aliga achali kukusibwa. ⁴⁰ Mbe abha mu bhise, bhejile bhongwa emisango jinu, nibhaika ati, "Nichimali unu ni mulagi." ⁴¹ Abhandi nibhaika ati, "ni Kristo." Nawe abhandi nibhaika ati, "niki, Kristo katula okusoka Galilaya? ⁴² Amaandiko gatakwikaga ati Kristo kasoka mu lwibhulo lwa Daudi no kusoka Bethlehemu, mu musi gunu Daudi aligamo? ⁴³ Kutyo, aliya nikubhao okwauna agati ye bhise kulwae. ⁴⁴ Abhandi agati yebhe nibhenda okumugwata, nawe atalio unu amuteeko amabhoko ingulu yae. ⁴⁵ Niwo bhaliya abhasilikale nibhasubha ku bhakulu bha bhagabhisi na Abhafarisayo, nabho nibhamubwila ati, "Kubhaki mutamuleta?" ⁴⁶ Abhasilikale nibhamubya ati, Atalio omunu unu alaikile lwoyo." ⁴⁷ Niwo Abhafarisayo nibhamubya ati, "Nemwe ona abhabhabhebheya? ⁴⁸ Alio wona wona agati ya bhakulu unu amwikilisishe, amwi yona yona wa Bhafarisayo? ⁴⁹ Nawe bhanu ebhise bhatakumenya ebhilagilo-bheimilwe." ⁵⁰ Nikodemo nabhabwila ati (unu amwijileko Yesu kala, niwe umwi wa Bhafarisayo), ⁵¹ Mbe ebhilagilo byeswe ebhilamula omunu bhachali kumungwa kwamba no kumenya chinu kakola?" ⁵² Nibhasubya nibhamubwila ati, "Nawe ona wasokele Galilaya? Yenja na ulole ati atalio mulagi unu asokele Galilaya." ⁵³ (Itegelesha:Emiasango ejindi ja Yohana7:53--8:11 jitalimo mu maandiko ga kala). Mbe bhuli munu agendele mu musi gwae.