¹ Gwejire ogwo gwabha gwabheyeyo amalya Gabhayaudi, naYesu nalinya okugenda Yerusalemu. ² Na eyo Yerusalemu lyaliga liliyo litanga kumulyango gwajinama, linu lyaliga ditogwa munyaika ye Chiebrania Bethzatha, nalyo lili nebhuyumba bhitanu. ³ Echise chinene cha bhalwaye chaliga chilimo abhaofu, abhalema, amwi nabhakomboleke bhaliga bhamamile mu chiyumba. ⁴ Kulwejo, uliya aliga wo bhutangasi okwingila Munda ya manji gachali kufulungulwa akolele omuwanga okusoka ku chonachona chinu aliga chimugwatile kumwanya ogwo. ⁵ No munu umwi aliga alwaye kwo mwanya gwo myaka makuni gastu na munana aliga munda ye biyumba. ⁶ Yesu ejile amulola amamile munda ye bhiyumba ejile amenya ati amamile ao kwo mwanya mulela Yesu amubwiliye ati, "Mbe owenda okubhayana muwanga?" ⁷ Uliya omulwaye nasubya ati, "Lata bhugenyi ntali na munu wo kuntula mwitanga omwanya amanji agaseluka. Omwanya gunu enilegeja okwingila omunu oundi katangatila." ⁸ Yesu namubwila ati, "Imuka na witwike ebhimamilo byao ulibhate." ⁹ Ao nao uliya omunu nabha muwanga, na gega obhulili bwaye na libhata. No lusiku lwaliga olusiku lwa isabhato. ¹⁰ Kutyo Abhaaudi nibhamubya uliya omunu unu aosibwe, "Lelo ni lusiku lwa Isabhato, na kuganyibwe okugega ebhimamilo Chao." ¹¹ Nasubya ati, omwene amwosha niwe ambwila, "Nugege echimamilo Chao na ulibhate." ¹² Nibhamubhusha, "Ni niga unu akubwila 'Ugege echimamilo chao na ulibhate?'" ¹³ Kubha oyo, aoleke atamumenyele kwokubha Yesu aliga asokeleyo kwa imbisike. Kwo kubha bhaliga bhanu bhafu olubhala olwo. ¹⁴ Yesu namusanga uliya omunu mu yekalu na mwibwila ati, "Lola waolele! "Usige okukola bhibhi Lindi wasiga emisango mibhibhi muno." ¹⁵ Omunu uyo nagenda na nabhabwila Abhayaudi ati Yesu niwe anyiulisishe ¹⁶ Kutyo kwo kubha ye misango ejo Abhayaudi nibhamunyasha Yes, kwo kubha akolele emisango jinu ku lusiku lwa isabhato. ¹⁷ Yesu namubwila ati, "Lata wani kakola emilimu nolwo woli nanye enikola emilimu." ¹⁸ Kwo kubha Abhayaudi nibheyongesha okumulonda koleleki bhamwite ntali kwo kubha anyamuye isabhato, nawe kwo kumubhilikila Nyamuanga esemwene waye, nelinganya na Nyamuanga. ¹⁹ Yesu namusubya ati, "Nichimali, chimali, Omwana atakutula okukola chinu chona chona atali chinu echo akolele kwi semwene waye bhinu kakola, kwo kubha chona chona Lata chinu akolele nicho no Omwana kaja okukola. ²⁰ Kwo kubha Lata endele omwanana kamwelesha bhuli chinu kakola na alimwelesha emisango eminene kukila jinu koleleki atimutang'ang'ale." ²¹ Kwo kubha kutyo Lata kabhasulula abhafuye na bhayana obhuanga ni kwo kutyo Omwana ona kamuyana obhuanga wona wona unu Kamwenda. ²² Kwo kubha Lata atakulamula wona wona, nawe ayaye omwana okulamula. ²³ Koleleki omwana abhone echibhalo Omwana koleleki omwana bhamuyanile echibhalo Lata. Unu atakumuyana echibhalo omwana kamuyana echibhalo Lata unu antumile. ²⁴ Nichimali, Nichimali, unu kongwa omusango gwani no kumwikilisha unu antumile anabho obhuanga bwa kajanende atalija kuntambala. Kulwejo, alabhile okusoka mu kufwa no kwingila mu bhuanga. ²⁵ Nichimali, chimali, enibhabwila ati omwanya oguja na woli gulio abhafuye bhalyungwa lilaka lyo Mwana wa Nyamuanga, na bhona bhalyungwa bhalilama. ²⁶ Kwo kubha kutyo Lata ali no bhuanga munda yae omwene, ²⁷ Kubha amuyaye Omwana kubha no bhuanga munda yae, na Lata amuyaye Omwana obhuinga koleleki alamule kwo kubha ni Mwana wo Munu. ²⁸ Mwasinga kutang'ang'ala na linu kwo kubha omwanya oguja bhanu bhafuye bhona bhalimo mufwa bhalyungwa lilaka lyaye. ²⁹ Nabho bhanu bhalisoka anja: kubhanu bhakolanga ebye kisi bhalisulukila ku bhuanga, na bhanu bhakolanga echibhibhi bhalisulukila mu ntambala ³⁰ Nitakutula kukila chinu chona chona okusoka kwanye omwene. Alabha enungwa, nikwo kutyo enilamula no kulamula kwani kwimiliko kwo kubha nitakuyenja bhinu enenda anye, nawe unu antumile. ³¹ Alabha nikebhambalila omwene, obhubhambasi bhani bhutabheye bha chimali. ³² Ali oundi oyo kebhambalila ku mwene nenimenya obhubhambasi bhunu kambalila ni bwe chimali. ³³ Mwatumile ku Yohana omwene nambambalila echimali. ³⁴ Nolwo kutyo, obhubhambasi obhoenilamila bhutakusoka kumwana munu. Enaika jinu koleleki mukisibwe. ³⁵ Yohana aliga ni itala eyo yaliga niyaka na kung'ala na mwaliga muli na likondelelwa kwo mwanya mutoto bwelu bwaye. ³⁶ Obhubhambasi bhunu nilinabwo no bhukulu kukila bhuliya obwa Yohana, ku milimu jinu Lata anaye okukumalisha, emilimu jinu enikola ejinyimako ejo kubambalila kubha Lata antumile. ³⁷ Lata unu antumile omwene kanyimako anye. Mchalinga kungwa obhulaka bwae nolwo kulola olususo lwae kumwanya gwona gwona. ³⁸ Mutana misango gwae gunu gwikaye kwimwe kwo kubha mutakwilisha unu antumile. ³⁹ Omuyenja mu mandiko omwichula muda yeye muno bhuanga bwa kajanende, na ganu amandiko aganyimako emisango jani. ⁴⁰ Mutakwenda kuja kwanye koleleki mubhone obhuanga bwa kajanende. ⁴¹ Nitakulamila jikuma okusoka ku bhanu, ⁴² Nawe nimenyele kubha mutali lyenda na Nyamuanga munda yemwe emwe abhene ⁴³ Nijile kwa lisina lya Lata want, mutakutula kundamila. Alabha oundiakaja kwa lisina lyaye mukamulamiye. ⁴⁴ Mbe omutula kutiki okwikilisha emwe bhanu omuyabwa echibhalo okusoka ku bhuli umwi wemwe nawe mutakuyenja echibhalo chinu echisoka ku Nyamuanga oumwila? ⁴⁵ Muteganilisha ati anye enibhabhula imbele ya Lata. Unu kabhabhula emwe no Musa unu emwe muteyeo ameikanyo gemwe kumwene. ⁴⁶ Alabha nimwikilisha Musa mwakanyikilisishe any kwo kubha anyandikiye emisango jani. ⁴⁷ Alabha mutakwikilisha olwandiko lwaye omutula kutiki okwikilisha emisango Jani?