¹ Mbe Yesu aliga amenyele ati Abhafarisayo bhonguwe ati Yesu aliga neigisha no kubhatija kukila Yohana, ² (Nawe Yesu omwene aliga atakubhatija nawe abheigisibhwa bhaye) ³ Asokele Judea na nagenda Galilaya. ⁴ Kutyo yaliga bhusibhuai okolabha Samaria. ⁵ Nakinga ku musi gwa Samaria, gunu ogutogwa, Sikari, ayei na libhala linu Yakobo ayanile omwana waye Yusufu. ⁶ Ne chinywo cha Yakobo chaliga ao. Yesu aliga ayigilwe kwo kubha aliga no ligendo na neanja kuchinyo gwaliga mwanya gwa mumwisi. ⁷ Omugasi omusamalia naja okutaya amanji na Yesu na mwibwila ati,"Naneko amanji ninywe." ⁸ Kwo kubha abeigisibwa bhae bhajie jebwe mu musi okugula ebhilo ⁹ Oyo omugasi namubwila ati,"Ejibhakutiki awe Omuyaudi okusabwa anye omugasi Msamaria, echinu cho kunywa?" Kwo kubha Abhayaudi bhatakusasikana na Abhasamalia. ¹⁰ Yesu namusubya ati,"Alabha umenyele echiyanwa cha Nyamuanga, na unu kakwibwila ati 'Nana amanji, 'wakamusabwilwe akakuyaye amanji go bhuanga." ¹¹ Omugasi nasubya ati, "Lata bhugenyi utali na indobho yokuataila amanji ne chinyo ni chilela. Ugabhona aki amanji go bhuanga? ¹² Mbe awe ni mkulu, okukila Lata weswe Yakobo, unu achiyanile echinyo chinu, no mwene na bhana bhaye amwi na myandu jaye nibanywa amanji ge chinyo chinu?" ¹³ Yesu nasubya, "wonawana oyo kanywa amanji ganu kabhona obhulilo lindi, ¹⁴ Nawe unu kunywa amanji agondimuyana atalibhona obhulilo lindi. Kwo kubha amanji ganu ndimuyana alibha ngafukula nolwo kajanende." ¹⁵ Omugasi uliya namubwila ati, "Lata bhugenyi enisabwa amanji ago koleleki nitabhona obhulilo, nanitanyaka okuja anu okutaya amanji." ¹⁶ Yesu na mubwila ati, "Genda umubhilikile omulume wao, mbe usubhe." ¹⁷ Omugasi namubwila ati, "Nitali na mulume." Yesu nasubya ati, "Waika kisi, 'Nitali na mulume;' ¹⁸ Kwo kubha weyishe abhalume bhatanu, oumwi unu ulinage olyanu atali mulume wao ku linu waika echimali!" ¹⁹ Omugasi namubwila ati, "Lata bhugenyi anilola ati awe uli mulagi. ²⁰ Bhasaja bheswe bhalamyaga kuchima chinu. Nawe emwe omwaika ati Yerusalemu niyo eyo abhanu bheile okulamya." ²¹ Yesu namusubya ati, "Omugasi, nyikilisha, omwanya oguja gunu bhatalilamisha Lata kuchima chinu Cha Yerusalemu. ²² Emwe abhanu omulamya chinu mtakumenya, nawe eswe echilamya chinu echimenya, kokubha omwilulo ogusoka mu Bhayaudi." ²³ Nolwo kutyo, omwanya oguja, naoli gulio anu omwanya abhanu bhalilamya echimali, bhalilamya Lata mu mwoyo ne chimali, kwokubha Lata kabhayenja abhanu koleleki abahu bhaye abho abhamulamya. ²⁴ Nyaamunga ni mwoyo na bhaliya abho abhamulamya bheile okumulamya mu mwoyo gwe chimali." ²⁵ Omugasi namubwila ati, "Enimenya kubha Masiya kaja, (katogwa Kristo). Oyo alibhaja alichibwila jone." ²⁶ Yesu namubwila ati, "Anye oyo owaika nage niwe." ²⁷ Omwanya ogwo ogwo abheisigibwa bhaye nibhasubha. Nabho nibhatang'alang'ala ni kulwaki aliga naloma no mugasi, nawe atalio unu alegejele okubhusya, "Oyenjaki?" amwi "Ni kulwaki owaika nage?" ²⁸ Kutyo omugasi nasiga isua yaye nagenda mu musi na bhabwila abhanu, ²⁹ "Muje mulole omunu unu ambwila emisango Jani jone jinu nakolele, mbe atakwitasha akabha Kristo?" ³⁰ Nibhasoka mu music nibhaja kumwene. ³¹ Omwanya gwa mu musi abheigisibwa bhaye nibhamumbeleja nibhaika ati, "Lata nulye ebhilyo. ³² "Nawe omwene na bhabwila ati, "Anye ninacho echokulya chinu mutakumenya emwe." ³³ Abheigisibhwa nibhaikana atalio unu amuletela chinu chonachona cho kulya, "Mbe bhaletele?" ³⁴ Yesu nabhabwila ati, "Ebhilyo byani Ni kukola obwenji bhaye omwene unu atumile no kumalisha omulimu gwaye. ³⁵ Mbe, mutakwaika, gasigayeyo mesi gatano naligesa libhe lyeile?' Enibhabwila ati mulole amasambu kutyo geile kwo kugeswa! ³⁶ Oyo kagesa kalamila emiyelo no kukumanya amatwasho kulwo bhuanga bwa kajanende, koleleki kubha unu kabhibha unu kagegesa abhakondelelwa amwi. ³⁷ Kwo kubha omisango gunu ni gwe chimali, Oumwi kabhibha no undi nagesa.' ³⁸ Nabhatumile okugesa chinu mutanyakiliye, Abhandi bhakolele emilimu nemwe mwengila mwikondelelwa lye milimu jebwe." ³⁹ Abhasamaliya bhafu mu musi guliya nibhamwikilisha kwo kubha bhabhamenyesha eja uliya omugasi oyo aliga nabhambala, "Oyo namubwila ati emisango jona ejonakolele." ⁴⁰ Kutyo Abhasamalia bhejile bhaja nibhamumbeleja eyanje amwi nabho kwebwe kwa siku ebhili. ⁴¹ Na bhafu muno nibhamwikilisha kwo kubha emisango jaye. ⁴² Nibhamubwila uliya omugasi, "Echikilisha atali kwe misango jao, kwo kubha eswe bhenyele chonguwe, na woli echimenya kubha omwene ni mukisha we chalo." ⁴³ Jejile jisiku jinu ebwili, nasoka nagenda Galilaya. ⁴⁴ Kwo kubha omwene aliga aikile kubha mulagi atana chibhalo kusi yae omwene. ⁴⁵ Ejile aja okusoka Galilaya, Abhagalilaya nibhamubwila nibhamukuma. Bhaliga bhalolele emisango jona ejonakolele akolele Yerusalemu ku malya, kwo kubha abhene ona bhaliga bhejile ku malya. ⁴⁶ Ejile lindi Kana ya Galilaya eyo againduye amanji kubha divai. Aligaalio musibha unu omwana waye aliga mulwaye ewo Kaprnaumu. ⁴⁷ Ejile ongwa ati Yesu asokele Judea na genda Galilaya, nageda ku Yesu namulembeleja atebhele amwiulishe omwana waye, unu aliga ayei okufwa. ⁴⁸ Niwo Yesu namubwila ati, "Emwe mukalema okulola ebhibhalikisho need bhilugulo mutakutula okwilisha. ⁴⁹ Omutangasha naika ati," Lata bhugenyi utebhele emwalo kuchali omwana wani okufwa." ⁵⁰ Yesu namubwila ati," Genda omwana wao ni muanga." Uliya omunu nikilisha omusango ogwo aikile Yesu na genda jaye. ⁵¹ Anu aliga achatebhela, abhakosi bhae nibhamulamila nibhamubwila ati omwana waye aliga muanga. ⁵² Kutyo nibhamubwila ni mwanyaki amaolelamo. Nibhasubya ati, "Ligolo omwanya uti saa ya katanu na kabhili libhili ndi musokako." ⁵³ Niwo esemwene wae namenya kutyo ni mwanya ogwo ogwo Yesu amubwiliye ati." omwana wao ni muanga." kutyo omwene na bhamumusi gwae nibhekilisha. ⁵⁴ Chinu chaliga chibhalikisho cha kabhili echoakolele Yesu kusoka Yudea okugenda Galilaya.