¹ Mbe aliga alio Farisayo unu lisina lyaye Nikodemo, oumwi. ² Omunu unu amulubhile Esebhugenyi mungeta namubwila ati, "Ribi, chimenyele kubha uli mutangasha osokele ku Nyamuanga, Kulwejo atalio omunu unu katula okutula ebhibhalikisho bhinu vyona Nyamuanga akalema okubha amwi nage." ³ Yesu nasubya ati, "Nichimali, chimali, omunu atakutula okwingila mu bhukama bwa Nyamuanga atebhuwe kwiya kabhili." ⁴ Nikodemo naika ati," Omunu katula kutiki okwibhulwa alabha mukaluka? atakutula kwingila munda ya nyilamwene olwa kabhili nebhulwa mbe katula?" ⁵ Yesu nasubya ati, "Nichimali, chimali omunu akalema okwibhulwa kwa manji na kwa Mwoyo, atakutula kwingila mubhukama bwa Nyamuanga. ⁶ Chinu chibhuwe kwo mubhili no mubhili, na chinu chibhuliwe kwo Mwoyo ni mwoyo. ⁷ Usigekulugula kwo kubha nakubwiliye, nibhusi husi okwibhulwa kabhili.' ⁸ Omuyanga oguyemba wona wona eyo ogwenda no bhulaka bwae omubhugwa, nawe mutakumenya eyo ogusoka neyo oguja. Nikwo kutyo jili bhuli unu ebhuwe no mwoyo. ⁹ Nikodemo nasubya ati, kwo kwaika, "Emisango jinu ejikolekana kutiki?" ¹⁰ Yesu nasubya ati, "Awe ni mwiigisha wa Israeli, nolwo otakumenya emisango jinu? ¹¹ Nichimali, chimali nakubwila ati, chiliya echoechimenya chachibhambaliye ku chiliya echoechilola. Mbe mutakulamila obhubhambasi bweswe. ¹² Alabha nabhabwila emisango ja kuchalo namutakwikilisha, omutula kutiki okwikilisha alabha nabhabwila emisango mulwile? ¹³ Mbe atalio unu alinyile ingulu okusoka mulwile tali unu ekile, Omwana wo munu. ¹⁴ Kulwejo Musa ayanikile injoka ibhala, kutyo kutyo Omwana wo munu bhusibhusi ayanikwe, ¹⁵ Koleleki bhona bhanu bhamwikilishe bhabhone obhuanga bwa kajanende. ¹⁶ Kwo kubha nikwo kutyo Nyamuanga achendele echalo ati namusosha Omwana wae umwila, Koleleki bhuli munu wona wona amwikilishe ataja kubhula nawe abhe no bhuanga bwa kajanende. ¹⁷ Kwo kubha Nyamuanga atamukutula Omwana wae achilamulile echalo chikilbwe kumwene. ¹⁸ Unu kamwikilisha atakulamulwa. Unu atakelisishe alamuwe kwo kubha atalikilisishe lisina lwo Mwana umwila was Nyamuanga. ¹⁹ Inu niyo injuno yo kulamula, ati obwelu bwijile muchalo, nawe bhanya bhanu nibhenda echisute okukila obwelu kwo kubha ebhikolwa byabho byalinga bhibhibhi. ²⁰ Bhuli munu Unu kakola bhubhibhi kabhiililwa obwelu nolwo atakuja mubwelu Koleleki ebhikolwa byae byasiga okutulwa abwelu. ²¹ Nawe, unu kakola echimali kaja mubwelu koleleki ebhikolwa byae bhibhokane ati byakolelwe kwa likusho lya Nyamuanga. ²² Wejile ejo jawa, Yesu amwi na bheigisibwa mbagenda mu chalo cha Yudea. Eyo agegele omwanya amwi nabho aliga nabhatija. ²³ Woli Yohana on aliga nabhatija eyo Ainea yei na Salim kwo kubha galiga galio na manji mafu aliya. Abhanu bhaliga nibhaja kumwene nabhabhatija, ²⁴ Kwo kubha Yohana aliga achali okweswa mwibhoyelo. ²⁵ Mbe mbabhambashanya abheigisibwa bha Yohana no Muyaudi ku malya gwo kwiyesha. ²⁶ Nibhagenda ku Yohana nibhamubwila ati, "Rabi, unu waliga nage kungego yo mugela gwa Yorodani, unu abhambaliye emisango jaye, lola, nabhatija na bhona abhagenda abhamujako." ²⁷ Yohana nabhasubya ati omunu atakutula kulamila chinu chona chona tali aguyanibwe okusoka mu lwile. ²⁸ Emwe abhene mwabhambalila kubha naika ati, 'anye nitali Kristo', nawe naikile ati, 'natumilwe imbele yae.' ²⁹ Unu ali no mwenga ni mutwasi. Woli omusani wo mutwasi, nemelegulu namungwa ka alikondelwa muno kwo kubha lilaka lyae omutwasi. Inu woli ni kondelelwa lyani likumiye. ³⁰ Kumwiile okukula, anye kunyiile okukeya. ³¹ Unu kasoka inguli Ali ingulu ya bhona unu we chalo kasoka muchalo na kaika emisango ja ku chalo. Unu kasoka mulwile niwe katunga byona. Unu kabhambalila galiya ago alolele ³² nokugongwa, nawe atalio unu alamiye obhubhambasi bwae. ³³ Unu alamiye obhubhambasi bwae katao echibhalikisho kubha Nyamuanga ni we chimali. ³⁴ Kwo kubha unu atumilwe na Nyamuanga kaika emisango ja Nyamuanga. Okubha atakumuyana omwoyo kwo kulenga. ³⁵ Lata kamwenda Omwana na muyaye bhinu bhyona mumabhoko gaye. ³⁶ Unu amwikilisishe Omwana anabyo obhuanga bwa kajanende, nawe ku unu atakumwikilisha Omwana atalibhubhona bhuanga, nawe lisungu lya Nyamuanga limuliko inguluyae.