¹ Olusiku lwa kasatu, mbubhao obhulegesi eyo Kana ya Galilaya na nyilamwene Yesu aligaliwo eyo. ² Yesu na bheigisibwa bhaye bhaliga bhakokelwe mubhulegesi. ³ Omwanya bhejilebhawelwa na manji gomudhabibu, nyilamwene Yesu nabhabwila ati,"Bhatali na idivai." ⁴ Yesu nasubya ati,"mugasi awe ndinaki anye nawe? Omwanya gwani anye guchali kwiya. ⁵ Nyilamwene nabhabwila ati abhakosi,"Chona chona echoalabhabwila jemukole." ⁶ Mbe galigaliwo mayombe gatanu na limwi ga mabhui aliya ganu galiga gateyewo koleleki bhesabhega kulusiku olukulu lwa Bhayahudi, bhuli limwi lwaliga no bhutulo bwa misele ebhili esatu. ⁷ Yesu nabhamwila ati, "Mwijushe amanji amayombe ga mabhui." Nibhejusha na ku bhulege. ⁸ Nabhamwila ati bhaliya abhakosi, "Mugege woli musilile omukulu wa inenda." nibhakola kutyo bhabwiliwe. ⁹ Omufulubhendi omukulu ejile agalabha galiya amanji ago gaindukile no kubha amanji go mudhabibu nawe atamenyele enu gasoka (nawe abhakosi abhobhataile amanji bhamenyele eyogasokele). Kutyo namubhilikila omutwasi. ¹⁰ Namubwila ati," Bhuli munu kambaga okutulilao abhanu amanji gekisi na bhakatamila nabhayana amanji ago gatali gakisi. Nawe awe wabhika amanji gakisi kukinga woli" ¹¹ Echikumisho chinu cha Kana ya Galilaya, chaliga chili bwambilo bwe bhibhalikisho ne bhikumisho ebyo akolele Yesu, nelesha likusho lyaye, kutyo abheigisibwa bhaye nibhamwikilisha. ¹² Mbe Ipasaka ya Bhayahudi yaliga ili yei, kutuo Yesu nagenda Yerusalemu. Nabhasanga abhakani bha jing'a, jinama nebhiguti munda ya liyekalu. Nabhainja bha jimpilya bheyanjile mu yekalu. ¹³ Mbe Ipasaka ya Bhayahudi yaliga ili yei, kutyo Yesu nagenda Yerusalemu. ¹⁴ Nabhasanga abhakani bha jing'a, jinama nebhiguti munda ya liyekalu. Nabhainja bha jimpilya bheyanjile mu yekalu. ¹⁵ Yesu nakola olukobha lwe bhisumi, nabhasoshamo bhone abhobhaliga bhalimo mu yekalu, nakumanya jing'a najinama. Neta jimpilya ja bhanu bhainjanga jimpilya naindula jimeja jebwe. ¹⁶ Kwabho bhakanaga ebhiguti nabhabwila ati," Musosheo ebhinu bhinu, musige kukola inyumba ya lata wani kubha nyumba ya kugusishamo." ¹⁷ Abheigisibwa bhaye nibhechuka okubha yaliga yandikilwe ati," Lifubha lya inyumba yao lyandiye." ¹⁸ Abhakulu bhe chiyaudi nibhasubya, nibhamubwila ati, Ni chibhalikisho ki chinu ulolesha kwo kubha oukola emisango jinu?" ¹⁹ Yesu nabhsubya ati, mulifumye iyekalu linu anye eniinamusha mu siku esatu." ²⁰ Mbe abhaku bhe Chiyaudi nibhaika ati, yombakilwe myaka makumi gana netanu na gumwi okuyumbaka iyekalu linu kawe owaika oyumbaka kwa siku esatu?" ²¹ Nawe, omwene aikile ku ekalu yo mubhili gwaye. ²² Kutyo wejile asuluka okusoka mubhafuye, abheigisibwa bhaye nebhechuka chinu aikile kutyo, mibhekilisha amandiko no bhulaka bhunu Yesu aliga aikile. ²³ Nawe awobhaliga bhali Yerusalemu omwanya gwa Ipasaka, omwanya gwa malya abhanu bhafu bhekilisishe lisina lyaye, bhejile bhakalola ebhikumisha ne bhibhalikisho ejo akolele. ²⁴ Nawe Yesu atabheye no mulembe nabho kwo kubha abhamenyele abhanu bhona. ²⁵ Aliga atakenele omunu wone okumubwila ebya bhanu okubha amenyele echochaliga chilimo mwebhe.