¹ Kubwambilo gwaliga gulio Omusango, no Musango aliga amwi na Nyamuanga, Na Musango aligaali Nyamuanga. ² Oyo, Musango, mubwambilo aliga amwi Na Nyamuanga. ³ Bhinu byona byakolelwe okutula kumwene atakabheye omwene chitalio nolwo chinu chimwi echo chakakolelwe. ⁴ Bwikalo bhaye bhaliga bhuanga, no bhuanga bwaliga bwelu bwa bhanu bhona. ⁵ Bwelu nibwatika muchisute, nolwo echisute chitalisimishe. ⁶ Aligaalio omunu oyo aliga atumwilwe okusoka Kunyamuanga unu lisina aliga Yohana. ⁷ Ejile okubhambalila obwelu, koleleki bhatule okwikilisha okutula kumwene. ⁸ Yohana aliga atali bwelu, nawe ejile okubhambalila obwelu. ⁹ Obhwo bhwaliga bhuli bwelu bhwe echimali obhwo bhwaliga nibhuja muchalo obhwelu Obhwo nibhusosha obhwelu kubhuli munu. ¹⁰ Aligali musi, na isi yakolelwe okutula kumwene, na isi itamumenyele. ¹¹ Ejile kwe bhinu byaye, na bhamu bhatamulamiye. ¹² Nawe kwa bhafu bhanu bhamulamiye, bhekilisishe lisina lyaye, kwa bhanu abhayanile okubha bhana bha Nyamuanga, ¹³ Bhanu bhatebhuywe, atali kwa manyinga, okubha kwe lyenda lyo munu, nawe ku Nyamuanga wenyele. ¹⁴ Newe musango nakolwa mubhili nekala kweswe, nichilola likusho lyaye, likusho lilabha lya munu wenyele oyo ejile okusoka ku Lata, ejuye echigongo ne chimali. ¹⁵ Yohana nabhambalila omwene naikila ingulu ati,"Unu niwe naikile emisango jaye ninaika ati,"uliya kaja kulwani ni mukulu kukila anye, okubha abheyeo nichali anye." ¹⁶ Kwo kubha okusoka mukukumila bwaye eswe chiyabhilwe kwe chigongo. ¹⁷ Okubha ebhilagilo bhiletelwe okutulila ku Musa. Echigongo nechimali byejile ku Yesu Kirsto. ¹⁸ Atalio munu oyo amulolele Nyumuanga mwanya gwona. Omunu wenyele unu ni Nyamuanga, ali muchifubha cha Lata, amukolelede omwene bhamumenyega. ¹⁹ Na bhunu nibhubhambasi bwa Yohana omwanya abhagabhisi na bhalawi bhamutumele kwaye na Bhayahudi nibhamubhusha ati, Awe niga?" ²⁰ Nawe atetimatile atali, nabhasubya,"Anye atali Krisito." ²¹ Kutyo nibhamubhusha ati,"kulwejo awe ni niga woli?" Awe ni Eliya? Naika ati,"Anye nitali."nibhaika ati, Awe ni muligi? Nasubya,"Uli." ²² Nibhamubwila ati,"Awe nawega, koleleki chibhayane lisubyo abhobhachitule"? Owibhambalilaatiki awe wenyele?" ²³ Naika, "anye ni bhulaka bhaye unu ali ibhala:'Mugololele injila ya Lata bhugenyi Alabha omulagi Isaya kutyo aikile." ²⁴ Bhaliga bhali bhanu bhatumilwe okusoka ku bhafalisayo. Nibhamubhusha ati ni bhaika, ²⁵ "Kulwaki oubhatija labha awe atali Kristo amwi Eliya amwi mulagi?" ²⁶ Yohana nabhasubya naika ati,"enibhatija kwa manji. Nolwo kutyo agati yemwe kemelegulu omunu oyo mutakumenya. ²⁷ Unu niwe kaja kulwanye. Anye niteile kugesha olukobha lwa bhilato byaye." ²⁸ Emisago jinu jitagendeleye eyo Bethania, kungego ya Yorodani enu Yohana aliga nabhatija. ²⁹ Mwejo Yohana namulola Yesu naja kwaye naika ati,"Lola omwana wa inama wa Nyamuanga unu kagega ebhibhibhi bye chalo! ³⁰ Oyo niwe naikile emisango jaye ninaika ati," oyo kaja inyuma yani ni mukulu kukila anye, okubha niwe atangatiye.' ³¹ Nitamumenyele omwene, nawe yakolelwe kutyo koleleki abhulisibwe ku Israeli, ati nejile nimbatija kwa manji." ³² Yohana nabhambalila,"nalola Omwoyo neka okusoka mulwile lwa injibha, ni mubhako ingulu yaye. ³³ Anye nitamumenyele nawe omwene oyo antumile nibhatije kwa manji nambwila ati, unu ulilola Omwoyo neka neyanja ingulu yaye, Oyo niwe kabhatija kwa Omwoyo Mwelu.' ³⁴ Nindola na nimbambalila ati onu ni Mwana wa Nyamuanga." ³⁵ Mwejo Yohana aliga emeleguyu amwi na bheigisibwa bhaye bhabhili, ³⁶ Bhamulolele Yesu nalibhata na Yohana naika ati, Lola omwana wa inama wa Nyamuanga?" ³⁷ Abheigisibwa bhabhili nibhamugwa Yohana naika ati bhamulubhe Yesu. ³⁸ Lindi Yesu nainduka na bhalola abheigisibwa bhaye nibhamulubha, nabhabwila ati, Omuyenjaki?" Ni bhamusubya ati,"Rabbi, (obhugajulo bwaye'mwiigisha,'wikaye aki?" ³⁹ Nabhabwila ati,"muje mulole."Mbe nibhagenda nibhalola anu aliga ekaye; nibheyanja amwi nage lusiku olwo, Okubha yaliga uti saa ekumi kutya. ⁴⁰ Oumwi wa bhaliya bhabhili abhobhamunguwe Yohana naika no kumulubha Yesu aliga Andrea, owabho Simoni Petro. ⁴¹ Namulola omula wabho Simoni na mubwila ati,"Chamulolele Masiya"(obhugajulo bwalyo ati Kristo). ⁴² Namuleta ku Yesu. Yesu namulolelela naika ati,"Awe ni Simoni omwana wa Yohana"ulibhilikilwa Kefa,"(obhugajulo bwalyo' Petro'). ⁴³ 0lusiku olwolwalubhiye omwanya Yesu nenda okugenda Galilaya, amubwene Filipo namubwila ati,"niundubhe anye." ⁴⁴ Filipo aligali wa Bethsaida, mu musi gwa Andrea na Petro. ⁴⁵ Filipo namubhona Nathanaeli namubhila ati, Chamubhona uliya unu Musa andikile emisango jaye ne bhilagilo nabhalagi. Yesu omwana wa Yusufu, okusoka Nazareti. ⁴⁶ Nathanaeli namubwila ati,"Mbe echinu chakisi echitula okusoka Nazareti?"Filipo namubwila ati, Ija olole." ⁴⁷ Yesu namulola Nathanaeli naja kumwene naika ati,"Lola, Omwisraeli wechimali wechimali unu atali bhuligelige kwaye!" ⁴⁸ Nathanaeli namubhwila ati," Wamenyeyeaki anye?" yesu namusubya namubwila ati,"achali Filipo okubhilikila uli asi yo mutini, gwokulola." ⁴⁹ Nathanaeli nasubya,"Rabi awe uli mwana wa Nyamuanga! Awe ni Mukama wa Israeli"! ⁵⁰ Yeau nasubya namubwila ati, kwo kubha nakubwiliye' nakulolele asi yo mutini' mbe wekilisha? oulola ebhikolwa byafu okukila bhinu." ⁵¹ Yesu naika ati,"Nichimali chimali enibhabwila ati mulilola olwile lwigukile na mulibhalola bhamalaika nibhalinya na nibheka ingulu yo Mwana wa Nyamuanga."