¹ ( Guzingatii: Guloli ufafanuzi gwa Yohana 7:53-8:11 hapo pampindi). Yesu kagenditi kulugongu mwa mizaetuni. ² Mandawila pee kiziti kayi hekaluni, na wantu woseri wamgendiriti; kalivagiti na kuwafunda. ³ Waremba na Mafarisayo wamjegiti mwana mdala yakabatitwi mu kutenda mu shitendu kuzini. wamturiti pakati. ⁴ ( Guzingatii: Guloli ufafanuzi gwa Yohana 7: 53-8:11 hapo pampindi). Ndipu wamgambiliti Yesu," Mfundwa, mwanamdala ayu wambata mu uzinzi, mu shitendu nakaka. ⁵ Vinu, mu sheria, Musa katuamuru kuwaposha mabuhi wantu hawa, guzumba ashi kumbindi kwakuyi? ⁶ wazumbiti aga ili kutega ili kuwela wapati jambnu la kumstak, viraa Yesu kangongonara pasi kalemba mu ardhi kwa shidole yakuyi. ⁷ ( Guzingatii: Guloli ufafanuzi gwa Yohana 7:53 - 8:11 kumpindi hapo). Wapendereiti kumkosia, pakazumba na kuwagambira," ⁸ Yombeli yakahela na madoda mu wamu mwenu, kaweli gwa kwanja kumposha mabuhi." Kang'ong'analiti kayi pasi, kalembiti mu ardhi na shala shakuyi. ⁹ ( Guzingatii: Guloli ufafanuzi gwa Yohana 7: 53 - 8: 11 kumpindi ). Pawapikaniliti aga, waukiti yumu badala ya yumonga, kuanzia aliye mzewi. Kumwishu Yesu wamlekiti gweka yakuyi pamuhela na mwana mdara yakaweli pakati pau. ¹⁰ Yesu kagorokiti na kumgambira," Mwanamdara, yawakustaki wakoshi? Kwahela hata yumu yakakuhukumu?" ¹¹ Kazumbiti," Kwahela hata yumu Mtua." Yesu pakazumba," Hata neni apa nikuhukumu. Gugendi njira yakui kwanjila vinu kugendera nagutenda madoda kayi." ¹² Kayi Yesu kayoweliti na wantu pakazumba," Neni na nuru ya ulimwengu; yombeli ya kufata apa kagendigendi mu giza bali akaweli na nuru ya ukomu." ¹³ Mafarisayo wamgambiriti," Gulishuhudia gamweni; ushuhuda waku wanakaka ndiri." ¹⁴ Yesu kankula na kuwagambira," Hata handa anilishuhudia na mweni, ushuhuda gwangu nigwa nakaka. Nivimanamahali pa ndawiti na kuli kwang'enda, niraa mwenga mvimana ndiri kuli kwa ndawa ama kuli kwang'enda. ¹⁵ Mwenga mwanguhukumu kishimba, neni apo hukumu yoseli. ¹⁶ Neni handa pahukumu, hukumu yangu ni yanakaka. Toziya na gweka ndiri, bali na pamuhela na tati yakantumiti. ¹⁷ Yina, na mu sheria yenu ilembwa kuwela ushuhudawwa wantu wawili ni nakaka. ¹⁸ Neni ndo yashuhudia, na Tati ya kantumiti kangushuhudia." ¹⁹ Wamgambiliti," Tati gwaku kakoshi?" Yesu kankuliti," Neni munmanandili wala Tati gwangu mmanandiri; eweli mumana neni, emummani na Tati ngwangu viraa." ²⁰ Kazumbiti visoweru avi pakaweza pakwegera na hazina pakaweriti pakafunda hekaluni, na kwahela hata yumu ya kambatiti kwa toziya saa yakuyi iweriti badu ayenisoki. ²¹ Basi kawagambiliti kayi," Nankugenda zangu; amnisakuli na amfui mu madoda genu. kuli kwa ng'enda, apo mwezi kwiza." ²² Wayahudi wazumbiti ," Akavimani mweni, yombeli mweni kazumbiti, kuli kwa ng'enda apo muwezi kwiza?" ²³ Yesu kawagambiliti," Mlawa pasi' neni nilawa kumpindi. mwenga ni mwa ulimwengu agu; neni si gwa ulimwengu agu. ²⁴ Kwa ndambu ayi, niwagambila kuwera amfui mu madoda genu. Vyamonga mwamini kuwela NENI NDIYE,ndo amfui mu madoda genu." ²⁵ Kwa ntambua ayi niwagambira, Gwenga ni gwa gani?" Yesu kawagambazia, uli yaniwagambiliti tangu kwanja. ²⁶ Nanaga mambu gavua ga kutakula na hukumu kumbindi kwenu. Hata hangu, yombeli yakantumiti ni gwa nakaka; na mambu yanigapikanila kulawa kwakuyi, mambu aga nigazumba kwa ulimwengu." ²⁷ Wamwelewitindiri kuwela kaweriti pakatakula nawa kuhusu Tati. ²⁸ Yesu kazumbiti;" Pamgorosia kumpindi mwana gwa muntu ndo pamuvimana kuwela NENI NDIYU, na kuwela ntenda ndiri shoseri kwa nafasi ya neni.Gambila Tati sikafunditi, ntakulamambu aga. ²⁹ Yombeli yakantumiti ku pamuhela na neni, na yombeli kandeka ndiri gweka yangu, kuwela kila mara ntenda gali yagafiliziwa." ³⁰ Lishaka Yesu pakazumbiti mambu aga, wavua wamwaminiti. ³¹ Yesu kazumbitikwa wali Wayahudi yawamwaminiti," Paiwera pamlikala mu shisoweru shangu su amuweli wafundwa wangu nakaka, ³² namwenga amvimani nakaka, na nakaka ayiwaturi huru." ³³ Wamwankuliti," Twenga twa uzau gwa Ibrahimu na kamwe atweniwahi kuwera pasi pa utumwa wa yoseli; aguzumbashi," Atuturwi huru?" ³⁴ Yesu kawankuliti," Amini, amini, niwagambira, kila yakatenda madoda ni mtawilwa wa madoda. ³⁵ Mtumwa apo kalikali ukaya kwakuyi lishaka loseli, mwana huduma masiku goseri. ³⁶ Kwa hangu, paiwela mwana pakawatura huru, amuwweli huru nakaka kabisa." ³⁷ Nivimana kuwela mwenga ni mwa uzau gwa Ibrahimu; msakula kundaga kwa toziya shisoweru shangu shahela nafasi mkati mwenu. ³⁸ Nzumba mambu aga yanigawona pamuhela na Tati gwangu, na mwenga vilavilii mtenda mambu ambayo mgapikanila kulawa kwa tati gwenu." ³⁹ Wankuliti na kuwagambazia, " Tati gwetu ni Abrahamu." Yesu kawagambila, handa mngelikuwa wana wa Ibrahimu, emtendi lihengu la Ibrahimu. ⁴⁰ Hata vinu msakura kuniraga, muntu yakawagambazia nakaka kuwela mpikaniliti kulawa kwa Mlungu. Abrahamu katenditi ndiri hangu. ⁴¹ Mtenda lihengu la Tati gwenu," Wamgambiliti," Tuzalikiti ndiri mu uzinzi, twanayi tatu yumu, Mlungu." ⁴² Yesu kawagambazia," Paiwera Mlungu ni Tati gwenu, emunifiri neni, kwamana ndawa kwa Mlungu; wala nizandiri kwa nafasi wa neni, bali yombeli yakamtumiti. ⁴³ Kwa shi mwelewandri visoweru vyangu? kwa toziya apo mwezi kuvumilila kupikanila visowelu vyangu. ⁴⁴ Mwenga ni mwa Tati gwenu, shamshera, na mfira kutenda matamata ga watati wenu. Kaweriti mragaji tangu kwanja na apo guwezi kugoroka mu nakaka kwa toziya nakaka kwahela mkati mwakuyi. Pakatakula uwongu, kayowela kulawa mu asili yakuyi kwa toziya ni mwangu na Tati gwa uwongu. ⁴⁵ Hata vinu, toziya nzumba ili nakaka, mnaminindiri. ⁴⁶ Ni gaa kati yenu yakashuhudia kuwela nana dhambi.?paiwela nzumba ili nakaka kwa shi munamini ndiri? ⁴⁷ Yombeli yakawela gwa Mlungu hupikanila visoweru vya Mlungu; mwenga mugapikanila ndiri toziya mwenga si wa Mlungu." ⁴⁸ Wayahudi wamwankuliti na kumgambazia, tuzumba ndiri nakaka kuwela gwenga ni msamaria na gwana pepo?" ⁴⁹ Yesu kankuliti, nahela pepo; viraa nimuheshimu Tati gwangu, nanyi muniheshimu ndiri. ⁵⁰ Sankulandiri ukwisa gwangu; kwana yumu yakasakula hukumu. ⁵¹ Amini, amini, niwagambira, paiwela yoseli akalikoli visoweru vyangu, apo kawoni mauti kamwe." ⁵² Wayahudi wamgambiriti," Vinu tuvimana kuwela gwana pepo. Abrahamu na nabii wafuiti; viraa guzumba,'Paiwela muntu pakalikola shisoweru shangu, apa kalawalili umauti.' ⁵³ Gwenga gwa mkulu kuliku Tati gwetu Abrahamu yakafuiti, sivyo"? Manabii viraa wafuiti. Gwenga gulitenda kuwela gaa?" ⁵⁴ Yesu kankuliti, " Paiwera alinikwisi namweni, ukwisa gwangu ni buri; na Tati gwangu yakantukuza- uli yamzumba kuwela ni Mlungu gwenu. ⁵⁵ Mwenga mummanandiri yombeli, viraa neni nimmanandiri; Aweri gambila mwenga, mwongu hata hangu, nimmana na visoweru vyakuyi nivibata. ⁵⁶ Tati gwenu Abrahamu kashangiriiti pakaliona lishaka langu; kaiyoniti na kusekerela." ⁵⁷ Wayahudi wamgambiliti," Agweni fikizii umri gwamiaka hamsini badu, nagwenga gumuwona Ibrahimu?" ⁵⁸ Yesu kawwgambiliti,"," Amini,amini, niwagambira, kabla ya Abrahamu akenizaliku, NENI NAPALAA." ⁵⁹ Ndipu pawasokiti mabuhi wapati kumkoma, viraa Yesu kalfifiti na kulawa kunja pa hekalu.