¹ Lishaka, gambila Yesu pakaweliti pakapita, kamwoniti muntu kipofu tangu kuzalika kwakuyi. ² Wafundwa wakuyi wamkosiiti ," Rabi, gani ya katenditi dhambi muntu atu ama walela wakuyi, hata kazaliki kipofu?" ³ Yesu kawankuliti siyu," Siyu muntu ayu walka walela wakuyi yawatenditi dhambi bali lihengu la Mlungu lipati kuvugulilwa kupitira kwakuyi. ⁴ Itupasa kutenda lihengu lakuyi yombeli yakantumiti lishaka badu ni paluwala. Pashiru piza lishaka ambali kwahela yanakawezi kutenda lihengu. ⁵ Lishaka pawela ulimwenguni, neni na nuru ya ulimwengu." ⁶ Baada ya Yesu kuzumba visowelu avi, tatemiti mata mu ardhi, katenditi tope kuwela mate, na kamupiti uli muntu mumasu na lili tope. ⁷ Kamgambiliti , gugendi gwakogi mu linegu la Siloamu ( yaitafsiriwa gambira yakalagalilwa')." Kwa hangu muntu ayu kagenditi, kanawa, na kauyiti, kankuwona. ⁸ Majirani wa yuli muntu na wali wamwoniti mwanzu gambila mluwaji wazumbiti," Je, ayu su uli muntu yakaweliti kal;ikala na kuluwa? Wamonga wazumbiti," Ni yombeli." ⁹ Na wamonga wazumbiti," Hapana, bali kalifana na yombeli." viraakaweliti pakazumba ," Ni neni." ¹⁰ Wamgambiliti, " vinu masu gaku gavugulwa ashi?" ¹¹ Kankuliti muntu yawamshema Yesu katenditi tope na kumpaka masu gangu na kung'ambila, ' Gugendi Siloamu gwakaligululi.' kwa hangu ng'enditi, na ngululiti, na mpatiti kuwona kayi." ¹² Wamgambiliti," Kakoshi?" kankuliti," Nivimana ndili." ¹³ Wampelekiti uli muntu yakaweliti kipofu kwa mafarisayo. ¹⁴ Nayi iweriti lishaka la sabato lishaka Yesu pakanyawiti tope na kugafumbula masu gakuyi. ¹⁵ Su kayi Mafarisayo wamkosiiti kapatiti ashi kuwona. Kawagambiliti," Katuliti litapaka mu masu gangu, ngululiti, na vinu weza kuwona." ¹⁶ Wamu ya Mafarisayo wazumbiti," Muntu ayu kalawa ndiri kwa Mlungu kwa toziya kaikora ndiri sabato." wamonga wazumbiti ," Iwezekana ashi muntu yakana dhambi kutenda ishara gambira azi?" Kwa ntambu ayi kuweliti na mgawanyiku kati yau. ¹⁷ Su wamkosiiti kayi kipiofu," Guzumba ashi kumpindi kwakuyi kwa toziya kagafumbuliti masu gaku?" Kipofu kazumbiti,' Ni nabii." ¹⁸ Hadi lishaka ali Wayahudi wamwaminiti ndiri kuwela kaweliuti kipofu na yomberi kapata kuwona, mpaka pa wamshemiti walela wakuyi yombeli yakapatiti kuwona. ¹⁹ Wawakosiiti walela, Je, Ayu ni mwana gwenu yamzumba kazalikiti kipofu? kaweza ashi kuwona?" ²⁰ Hangu walela wakuyi wankuliti, " Tuvimana kuwela ayu ni mwana gwenu na kuwela kazalikiti kipofu. ²¹ Ntambu gaa vini kawona, tuvimana ndiri, na yombeli yakamfumbuli masu gakuyi, tumana ndili. Mumkosii mweni. Ni muntu mkulu kaweza kujieleza mweni." ²² Walela wakuyi wazumbiti mambu aga, kwa toziya wawatiriti wayahudi. Kwa vili Wayahudi waweliti kala wakubaliana kuwela ,paiwera yoseli pakajimila kuwela Yesu ni Kristo, awambaguli mu sinagogi. ²³ Kwa toziya ayi, walela wakuyi wazumbiti," Ni muntu mzima, mumkosii mweni." ²⁴ Kwa hangu mara ya pili, wamshemiti yuli muntu kaweliti kuwra kipofu na kumgambvazia," Gumupi Mlungu ukwisa, tuvimana kuwela muntu atu kana dhambi." ²⁵ Ndipu muntu uli kankuliti," Kaweli ni kana dhambi neni nivimana ndiri. Shintu shimu shanishimana: weliti kipofu na vinu wona." ²⁶ Ndipu wamgambiliti," Kakutenda shi? kagafumbuliti ashi masu gaku?" ²⁷ Kankuliti ," Niwagambira kala, na mwenga apo mpikanili? kwa shishi mfira kupikanila kayi? mwenga mfirandiri kuwela wafundwa wakuyi viraa, hangu ndili? ²⁸ Wamwingiliti na kuzumba," Gwenga ni gwa mfundwa gwakuyi, viraa twenga twa wafundwa wa Musa. ²⁹ Tuvimana kuwela Mlungu kayoweliti na Musa, viraa kwa ayu muntu, vuvimana ndili kuli kwakalawila." ³⁰ Uli muntu kankuliti na kuwagambila," Kwa shi, ali ni jambu la kulikangasha, kuwela mvimana ndiri kwa kalawila , na badu kagafumbula masu gangu. ³¹ Tuvimana kuwela Mlungu kawapikanila ndiri yawawela na madoda, viraa paiwela muntu yoseli kamwabudu Mlungu na kutenda ufiru wakuyi, Mlungu umpikanila. ³² Tangu kwanja kwa ulimwengu ayeni wahi kulawila kamwe kupikanilwa kuwela yoseli kayafumbula masu ga muntu yakazalikiti kipofu. ³³ Paiwela muntu ayu kalawandiri kwa Ml;ungu, ekatendi ndiri shoseri." ³⁴ Wankuliti na kumgambira," Guzalikiti mu madoda wakaka na gwenga gu tufunda twenga? " ndo pawamwingiti kulawa mu sinagogi. ³⁵ Yesu kapikaniliti kuwela wamwoniti mu sinagogi. Kampatiti na kumgambazia," Gumwamini mwana gwa muntu?" ³⁶ Kankuliti na kuzumba," bNi gaa, Mtua, ili na neni mpati kumwamini?" ³⁷ Yesu kamgambiliti," Gumwona kala, na yagutakula nayi ndo yombeli." ³⁸ Uli muntu kazumbiti," Mtua, na neni." ndo kamshuhudia. ³⁹ Yesu kazumbiti," Kwa hukumu niza mu ulimwengu agu ilikwamba wali yawaona ndiri wapati kuwona na wali yawaona waweli vipofu." ⁴⁰ Wamu wa Mafarisayo waweriti pamuhela na yombeli wapakaniliti visoweru avi na kumkosia," Na twenga viraa ni vipofu? " ⁴¹ Yesu kawagambiliti," Gambira amuweli vipofu emwelindili na madoda. Hata hangu, vinu mzumba,' Tuwona madoda genu galikala."