¹ Na kumbeli kwa mambu aga Yesu kasafiriti hangu mu Glilaya, Kwa toziya kafiriti ndili kugenda uyahudini kwa toziya Wayahudi watenditi mipangu ya kumlaga. ² Vinu msambu gwa Wayahudi msambu gwa vibanda, iweliti pakwegela. ³ Vinu walongu wakuyi pawamgambila, ''Guuki mahali panu gugendi uyahudini, ili kuwela wafundwa waku vilavili waoni matendu yagugatenda. ⁴ Kwa hela yakatenda loseli kwa siri iwapu mweni kafira kuvimanika wazi. Iwapu kangutenda mambu aga, Gulilangazii gamweni kwa ulimwengu.'' ⁵ Hata walongu wakuyi viraa wamwaminiti ndili. ⁶ Su Yesu paka mgambiliti, ''Lishaka langu aleni foku badu,viraa mara la tayari. ⁷ Ulimwengu apo guwezi kuwakalalila mwenga, bali gunkalalila neni kwa tozia nana ushuuda kuwela matendu gakui ni madoda. ⁸ Mweni kugenda kamsambu; neni apo ng'endi mu msumbuagu kwa toziya muda gwangu agwenga kamilika badu.'' ⁹ Baada ya kutakula mambu aga kwa wombeli, kasigaliti Galilaya. ¹⁰ Hata hangu, walongu wakuyi pawaweliti pawagenda mu msambu, ndo yombeli kagenditi, si kwa wazi bali kwa siri. ¹¹ Wayahudi wawelitin pawamsakula mu msambu na kuzumba, ''Kakoshi?'' ¹² Kaweliti na wajudirianu gavua muwamu wa makutanu kumbindi kwakuyi. Wavua wazumbiti, ''Ni muntu mwema .''Wavua wazumbiti, ''Hapana, huwapozia makutanu.'' ¹³ Hata hangu kwahela katakuliti mwazi kumpindi yakuyi kwa kuwatila Wayahudi. ¹⁴ Lishaka msambu gufika pakati, Yesu kakweniti kugenda hekaluni na kwanja kufunda. ¹⁵ Wayahudi waweliti pawalikangasha na kuzumba, ''Kwa ntambu gaa muntu ayu kavimana mambu gavua? kasoma ndili kamwe.'' ¹⁶ Yesu kawankuliti na kuwagambazia, ''Mafundu ganeni si ganeni, bali gakuyi mweni yakantumiti. ¹⁷ Iwapu yoseli akafiri kutenda ufiru wakuyi yombeli, Akavinani kuhusu mafundu aga gambila galawa kwa Mlungu, ama gtambila ntukula kulawa kwangu namweni. ¹⁸ Kila ya katakula galawa kwakuyimweni usakula ukwisa wakuyi, kila ya kusakuli ukwisa wakuyi mweni yakantumiti, muntu ayi ni gwanakaka, na mkati mwakuyi kwahela kutotenda haki. ¹⁹ Musa kawapiti ndili mwenga sheria? Viraa kwahela hata yumu kati gwenu yakatenda sheria. Kwa shi mfira kundaga? ²⁰ Makutanu wankuliti, ''Gwana pepu. Ga yakafira kukulaga?'' ²¹ Yesu kawankuliti na kuwagambila, ''Ntenda lihengu limu, mwenga mwa woseli mlikangasha kwa sababu yakuyi. ²² Musa kawapiti tohara ( si kuwela ilawa kwa musa, bali ili ilawa kwa watatu), na misabati mumtahili muntu. ²³ Iwapo muntu pankaka tohara mu lisikula sabato ili kuwela sheria ya Musa naimegwa, kwashi mnkaralalila neni klwa toziya ni mtenda muntu kuwela mkomu kabisa mu sabato? ²⁴ Namu hukumu kulinganila na mwonekanu, bali hukumu ni kwa haki. ²⁵ Wamu wau kulawa Yerusalemu kazumbiti, Ayi ndi yawamsakula kumlaga? ²⁶ Na guloli, kayawela mwazili, na wazumbandili shoseli kumbindi kwakuyi. Apo iwezi kuwela kwa viongozi wavimana nakaka kuwela ayuni Kristo, iweza kuwela? ²⁷ Tuvimana ayu muntu kulawa koshi. Kristo pakiza, hata hangu, kwahela hata yakavimanas kalawila koshi.'' ²⁸ Yesu kaweliti pakapaza sauti yakuyi hekalini, paka funda na kuzumba, ''Mwenga mwa woseli mumana neni na muvima na kwa ndawila. Niziti ndili kwa nafasi yaneni, bali yombeli yakantumiti ni gwanakaka, na mummana ndili yombeli. ²⁹ Nimmana yombeli toziya kwa kuyi na kuntumiti.' ³⁰ Waweliti pawajera kumbata, viraa kwahela hatayumu yakagolosia liwoku lakuyi kumbindi kwakuyi toziya lishaka lakuyi liweliti badu alenisoki. ³¹ Hata hangu, wavua pamkutanu wamwaminiti. Wazumbiti, ''Kristo pakiza, akatenda ishara zivua kuliku zakatenditi muntu ayu?'' ³² Mafarisayo wawapikaniriti mkutanu pawaninita mambu aga kuhusu Yesu, na wakulu wa mkuhani na Mafarisayo wantumiti maafisa ili kumbata. ³³ Su Yesu pakatakuliti, ''Badu kwana muda kitambo napamuhela na mwenga, na baadayi ang'endi kwakuyi yombeli yaka ntumiti. ³⁴ Amu sankuli wala apo muwoni; kulin kwa ng'enda, apo muwezi kwiza.'' ³⁵ Kwa ndamu ayi Wayahudi walitakuziiti wombeli kwa wombeli, ''Muntu ayu akagendi koshi kuwelavatumwoni ndili? Akagendi kwa yawalitawanya kati ya bWayunani na kuwafunda Wayunani? ³⁶ Ni shisowela gaa ashi shakatakuliti, ''Amsankuli wala apo mu mwoni; kuli kwa ng'enda apo mawezi?'' ³⁷ Vinu mu lishaka la kumwishu, lishaka likulu la msambu Yesu kagolokiti kapaza sauti, pakazumba, ''Paiwela yoseli kana kiu, na kizi kwaneni kalandi. ³⁸ Yombeli ya kanamini neni, Gambila maandiku sigazumba, kulawa mkati mwakuyi aitiririki mishemba ya mashi ga ukomu.'' ³⁹ Viraa kazumbiti aga kuhusu rohu, ambayin wombeli wamwamini awamwonki; Rohu kaweliti badu akeni laviwi toziya Yesu kaweliti akeni kwiswi badu. ⁴⁰ Wamu waa makutanu, pawapikuniliti visowelu avi, wazumbiti, ''Nakaka ayu ni nabii.'' ⁴¹ Wamonga wazumbiti,''Ayu ni Kristo.'' Laki i wamonga wazumbiti, ''shishi, kristo kawezaa kulawa Galilaya? ⁴² Maandiku gazumba ndilin kuwela Kristo akalawili mu ukolu wa Daudi na kulawa Berthlehemu, kujiji ambashi Daudi kaweliti? ⁴³ Hangu, pali ugolokiti mgawanyu kati ya makutanu kwa ajili yakuyi. ⁴⁴ Wamonga kati yau ewamlemi, viraa kwahela ya kagolosia liwoku lakuyi kumpindi kwakuyi. ⁴⁵ Su wali maafisa wauyiti kwa wakulu wa makuhani na Mafarisayo, nawombeli wamgambiliti, ''kwa shi mmjega ndili?'' ⁴⁶ Maafisa wankuliti, ''Kwahela muntu yakawaiti kutakula hangu gambila ayu kumbeli.'' ⁴⁷ Su Mafarisayo pakawankuliti, ''Ni mwenga viraa mpoteziwa? ⁴⁸ Kwana yoseli kati ya watawala yakamwamini, ama yoseli wa Mafarisayo? ⁴⁹ Bali awa makutano yawamana ndili sheris - walaniwa.'' ⁵⁰ Nikodemo kawagambiliti ( yombeli yaka mgenderiti yesu mu kashu paka yumu gwa Mafarisayo). ⁵¹ Je sheria ya twenga imuhukumu muntu aipoti wakalala kwanja nakuvimana shakatenda?'' ⁵² Wamwankuliti na kumgambila, ''Na gwenga viraa gulawila Galilaya? Gusakuli na guwoni kwamba kwahela nabii yakalawila Galilaya.'' ⁵³ (Guzingatii; Gamu matakuli ga Yohana 7:53-8: 11 kwahela mu nakala ziherepa za makashu). Su kila muntu kagendati ukaya kwakuyi.