¹ Kumbeli kwa mambu aga, Yesu kagenditi pande bahari ya Galilaya, viraa waishema bahari ya Tiberia. ² Mkutanu mkuru pauweriti umfata kwa toziya waoniti ishara zakatenditi kwa waweriti wagonju. ³ Yesu kakweniti kumbindi hadi upandi wa kumbindi wa lugongu na kulikala kula na wafundwa wakuyi. ⁴ ( Na pasaka, msambu gwa Wayahudi guweriti gwa pakwegela). ⁵ Yesu pakagorosiiti masu gakuyi kumbindi na umati mkulu wankwiza kwakuyi, kamgambira Filipo," Atugendi koshi kuhemera mikati iliwaweze kulia"? ( ⁶ Viraa Yesu yakatakuliti aga kwa Filipo kwa kumjera kwa kuwela yomberi mweni kavimaniti shakatendi). ⁷ Filip[o kamwankula," Hata mikati ya thamani ya dinari mia mbili epo itoshi hata kila yumu kupata shipandi shididini." ⁸ Andrea, yumu gwa wafundwa wakuyi mlongu gwakuyi Simoni Petro kambala ⁹ Yesu," kwana shikambaku panu kana mikati mitanu na wasomba wawili, viraa ayi ifaa shi kwa wantu wavua ntambu ayi?" ¹⁰ Yesu kamgambira," Muwavagazii wantu pasi" (Kuweliti na mihamba mivua pali).Hangu waparu elfu tanu walikaliti pasi. ¹¹ Su Yesu katoriti ili mikati mitanu kashukuru na kuwapanana wali yawalivagiti. Vilahangu kawapananiti wasomba kwa kadiri ya vili yawafira. ¹² Wantu pawakutiti, kawagambiliti wafundwa wakuyi," Mukusanyi vipandi visigaliti, visigaliti ili kwamba navyagamila shoseri." ¹³ Su wakusanyiti na kumemazia vikapu kumi na viwili, vipandi mikati mitanu ya shayiri. vipandi vipandi visazitwi na wali yawaliiti. ¹⁴ Su wantu pawaoniti ishara ayi yakatenditi wazumbiti," Nakaka ayu ni uli nabii yakita ulimwenguni." ¹⁵ Yesu pakavimaniti kuwela wafira kumbata ili wamtendi kuweli mfalme gwau, kalibaguliti, kayi kagenditi kulungongu yomberi gweka yakuyi. ¹⁶ Paiweriti jioni, wafundwa wakuyi wasurukiti kugenda ziwani. ¹⁷ Wakweriti mu mtumbwi na pawaweliti pawaloka kuelekea Kapernaumu. ( Giza iliweriti lingira na Yesu kaweliti badu akeniwuki). ¹⁸ Lishaka ali upepu mkati pauweliti pauvuma, na bahari iyendera kudoda. ¹⁹ Kayi wafundwa wakuyi pawaweriti wakoma makasi gambira ishirini na matano au thelathini, wamwoniti Yesu pakagendagenda pampindi pa bahari pakwegera na mtubwi, na watiliti. ²⁰ Viraa kawagambazia,"Ni neni! Namtira." ²¹ Kayi waweriti kala mnyasula mu mtumbwi, mara mtumbwi, usokiti mu nchi mahali pawaweriti waankugenda. ²² Lishaka lalifatiti, mkutanu gwa guweriti gugoloka upandi wa bahari waoniti kuwela kwahela mtumbwi gwamonga aipoti guli gweni Yesu na wafundwa wakuyi waweriti waukweniti ndiri viraa wafundwa wakuyi wagenditi zau weni. ( ²³ Tembela, kuweriti na wam,u wa mitubwi yairawili Tiberia pakwegelana mahali pa waliiti mikati baada ya Mtuakulavia shukrani). ²⁴ Lishaka mkutanu pauvimaniti kuwela si Yesu wala wafundwa wakuyi waweriti kulii, wau weni wakweniti mkati mwa mtumbwi wagenditii Kapernaumu pawamsakula Yesu. ²⁵ Baada ya kumpata upandi mwimonga gwa ziwa wamkosiiti," Rabi gwiziti ndi aku?" ²⁶ Yesu kawankula, kawagambazia Amini, amini,mwansakula neni, ndara kwa toziya muwoniti ishara, bali mliiti mikati na kwikuta. ²⁷ Mleki kushitendera lihengu shiboga sha kuharibika, bali mtendeli shiboga sha kudumu hata milele shili ambashi mwana gwa Adamu aklawapanani, kwa kuwela Mlungu Tati katura mihuri kumpindi kwakuyi." ²⁸ Su wamgambiriti," NIshi itupasa kutenda ili kuzitenda lihengu la Mlungu?" ²⁹ Yesu kawankula," Ayi ndo lihengu la Mlungu: kwamba mumwani yomberi yakantumiti." ³⁰ Vinu wamgambazia," Ni ishara za zanakutendi , kwamba taweza kuziwona na kukwamini? Agutendi shishi? ³¹ Tati wetu waweliti mana jangwani, gambila si ilembwiti," Kawapiti mikati kulawa mbinguni ili walii." ³² Su yesu kawankula," Amini, amini, sio Musa ndiri yakawapiti mikati kulawa mbinguni, bali tati gwenu ndo yakawapiti mikati gwa nakaka kulawa mbinguni. ³³ Kwa kuwela mkati gwa Mlungu ni guli gusulukagu kulawa mbinguni na kugupa ukomu ulimwengu. ³⁴ Vinu wamgambazia," Mtua gutupanani mkati agu lishaka losseli." ³⁵ Yesu kawagambazia," Neni ndo mkati gwa ukomu, yombeli yakiza kwa neni apo kapati njala kayi na yombeli yakanamini apo kahisi kiu kamwe." ³⁶ Tembela niwagambiliti kuwel;a, muwona, na badu hamweni woni. ³⁷ Woseri ambau tati kanipa awizi kwa neni, na yoseli yakiza kwa neni apo nimwasili kunja nakaka. ³⁸ Kwa kuwela nsuluka kulawa mbinguni, si kwa ajili yakutenda ufiru wa neni , bali ufiru wakuyi wakantumiti. ³⁹ Na aga ndo ufiru wakuyi wakantumiti, kwamba na nimwagamazia hata yumu gwa wali wakampa, bali niwafufuli lishaka la kumwishu. ⁴⁰ Kwa kuwela au ndo ufiru wa Tati gwangu, kuwela yoseli yakamlola mwana kumwamini akapati ukomu wa milele, na neni animfufuli lishaka la kumwishu. ⁴¹ Su Wayahudi wamnung'unikila yomberi kwa toziya kazumbiti," Neni na mkati gwa gusulukiti kulawa mbinguni." ⁴² Wazumbiti," Ayu si Yesu mwana gwa Yusuphu, ambayi tati gwakuyina mau gwakuyi tummna" Iwela ashi vinu kazumba,' nsuluka kulawa mbinguni?" ⁴³ Yesu kankuliti, kawagambazia," Namung'unika muwamu wenu maweni. ⁴⁴ Kwahela muntu yakiza kwangu pakanikwa ndiri na Tati gwangu yakantumiti, na neni animfufuli lishaka la kumwishu. ⁴⁵ Kwa kuwela ilembwa mu manabii,' Awafundwi na Mlungu.' Kila yakapakanila na kulifunda kulawa kwa Tati, kiza kwa neni. ⁴⁶ Si kuwela kwana muntu yakamwoniti Tati, apoti yomberi yakalawa kwa Mlungu-kamwona Tati. ⁴⁷ Amini, amini yombeli yakaamini kanaga ukomu wa milele. ⁴⁸ Neni na mkati gwa ukomu. ⁴⁹ watati wenu waweriti manna jangwani, na wafuiti. ⁵⁰ Agu ndo mkati gusulukagu kalawa mbinguni, ili kuwela muntu kagulii sehemu yakuyi ili nakafua. ⁵¹ Neni na mkati gwagulika gweni gusuluka kulawa mbinguni. Gambira muntu yoseli pakalia sehemu ya mkati agu, akaishi milele. Mkati naganiulavii ni shimba yangu kwa ajili ya ukomu wa ulimwengu." ⁵² Wayahudi wakaririti weni kwa weni na kwanja kuzumbaziana na kuzumba," Muntu ayu akawezi ashi kutupanana shimba yakuyi tulii?" ⁵³ Su Yesu kawagambira, " Amini, amini, pamguria ndiri shimba ya mwana gwa Adamu na kuiranda mwazi gwakuyi, apo mweli na ukomu mnkati mwenu. ⁵⁴ Yoseli yakalia shimba yangu na kuiranda mwazi gwangu kana ukomu wa milele, na neni animfufuli lishaka la kumwishu. ⁵⁵ Kwa kuwela nshimba gwangu ni shiboga sha nakaka, na mwazi gwangu ni shinywaji sha nakaka. ⁵⁶ Yombeli yakalia shimba yangu na kulanda mwazi gwangu hulikala mnkati mwangu, na neni mkati mwakuyi. ⁵⁷ Gambila Tati kana ukomu sikantumiti, na gambila ndambu yawela toziya ya Tati, na yombeli viraa kalikala kwa ntambu ya neni. ⁵⁸ Agu ndo mkati yagasuluka kulawa mbinguni, si gambila vili watati wenu waliiti na kusokela. Yomberi yakagulia akati agu akalikali milele. ⁵⁹ Yesu katakuliti mambu aga mnkati mwa sinagogi pakaweriti pakafunda kulawa Kapernaumu. ⁶⁰ Vinu wavua wa wafundwa wakuyi pawapikaniliti aga, wazumbiti ni lifundu likamala ni gani akawezi kulyanka?" ⁶¹ Yesu toziya kavimaniti ya kuwela wafundwa wakuyi waweriti pawalinung'unikila jambu ali, kawagambazia je jambu ali liwakarazia? ⁶² Vinu ayeli ashi pamumwaona mwana gwa Adamu pakasuluka kulawa pakalawiti kabla? ⁶³ Ni Rohu yakalavia ukomu. Shimba ifaidiandiri shintu shoseri. visoweru vyazumbiti kwenu ni rohu na ni ukomu. ⁶⁴ Badu kuna wantu muwanu wenu yawaamini ndiri," Kwa toziya Yesu kavimaniti tangu kwanja uli yakaweza ndiri kuamini na yombeli mweni ekamsaliti. ⁶⁵ Kawagambila, ni kwa sababu ayi niwagambazia kuwela kwahela muntu yakaweza kwiza kwaneni aipoti wamupa na Tati." ⁶⁶ Baada ya aga wafundwa wakuyi wavua wauyiti kumbeli na waambataniti kayi ndiri. ⁶⁷ Yesu kawagambiliti wali kumi na wawili," Je na mwenga mfira kuwuka?" ⁶⁸ Simon Petro kamwankuliti," Mtua tugendi kwa gaa kwani gwenga gwana visoweru vya ukomu wa milele, ⁶⁹ na tuamini na kuvimana kuwela gwenga ni mnanagala gwa Mlungu." ⁷⁰ Yesu kawagambiliti," Je neni niwasaguliti ndiri mwenga, na yumu gwenu ni ibilisi? ⁷¹ Vinu kaweliti pakaypwela kuhusu Yuda, mwana gwa Simoni Iskariote kwa kuwela kaweriti ni yombeli pakawela yumu gwa wali kumi na wawili, mweni ndo ekamsaliti Yesu.