¹ Kumbeli kwa palia kuweliti na msambu gwa Wayahudi, na Yesu yakweniti kugenda Yerusalemu. ² Na kuli Yerusalemu paweliti na birika mu mlyangu gwa kondoru, laliweriti palishemwa kwa lugha ya Kiebrania Bethzaba, nalu lana matao matano. ³ Idadi ngulu ya wagonju iweliti, vipofu, viwele, ama yawapooza waweriti wagonju mu matao gau. { Guzingatii: visoweru vya mstari gwa 3 gawoneka ndiri mu nakala zihelepa za makashu." Pawahepela mashi kutimbulwa."} kwa nakaka lishaka fulani malaika kasurukiti mbnkati mwa Mtua na kugatimbula mashi. ⁴ Kwa ndambu ayi, uli yakaweliti gwa kwanja kwingira baada ya mashi kagatimula katenditwi mkomu kulawilana na shossseri shiweriti shimbata kwa lishaka ali. ⁵ Na muntu yumu yakaweliti kaliwala kwa muda gwa miaka thelathini na minane kaweliti mnkati mwa matao. ⁶ Yesu kamuoniti kagonja mnkati mwa matao na baada ya kiuvimana kuwela kagonja pali kwa masiku gavua Yesu kamgambiliti," Je gufira kuwela mkomu?" ⁷ Uli mgonju kankuriti," Mtua nahera muntu gwa kuntura mu libirika lishaka mashi pagatimbuka. Lishaka pa nongo njeri kwingira muntu yamonga kanangolela." ⁸ Yesu kamgambira ," Gugoloki na gutori ligodoro laku na gugendi." ⁹ Mara uli muntu wamponaziaa, katoriti shitanda shakuyi na kugenda. Na lishaka ali liweliti lishaka la sabato. ¹⁰ Hangu Wayahudi wamgambiliti uli muntu yakaponwazia," Lelu ni lishaka la sabato, na guruhusiwa ndiri kulitwika godoru laku." ¹¹ Kankula, yomberi ya kuponazia ndo yakang'ambiriti," Gutori laku na gugendi." ¹² Wakosiiti," Ni ga yakakugambiliti ' Gutori ligodoru laku na gugendi?"' ¹³ Tembela, uli yakaponiti kammaniti ndiri, kwa toziya Yesu kaweliti kawuka kwa siri. Kwa kuwela kaweliti na wantu wavua mu sehemu ayi. ¹⁴ Baada ya pali Yesu kamuoniti muntu uli hekaluni na kumgambila ," Guloli, gupona!" Nagutenda shidoda kayi na gwiza kukupata na lijambu lidodazaidi." ¹⁵ Uli muntu kagenditi na kuwapataarifa Wayahudi kuwela Yesu ndo yakamponazia. ¹⁶ Hangu, kwa toziya ya mambua aga Wayahudi wamtesiti Yesu, kwa toziya katenditi mambu aga lishaka la sabato. ¹⁷ Yesu kawagambazia," Tati gwangu katenda lihengu hata vinu na neni na kutenda lihengu." ¹⁸ Kwa toziya ayi Wayahudi waziditi kumsakula uli wamlagisi tu klwa toziya ya kubena sabato, bali kwa klumshema Mlungu Tati gwakuyi, kalitenditi kuwela sawa na Mlungu. ¹⁹ Yesu kawankura , " Amini, amini, mwana hawezi kutenda shintu shoseri aipo shili ambashi kashiona kwa Tati gwakuyi katenditi, kwa kuwela shoseli Tati katenditi su na mwana kashitenda. ²⁰ Kwa kuwela Tati kamfira mwana na kumlangazia kila shintu shakatenda na akamlangazii mambu makuru kuliku aga ili kuwela mzidi kulikangasha." ²¹ Kwa kuwela gambira vili ambavi Tati kawafufulavi wafu na kuwapanana ukomu, na viraa mwana viraa mwana humpanana yoseli yakamfira. ²² Kwa kuwera Tati kamuhukumu yoseli, bali kamupa mwana hukumu yoseli ²³ ili kuwela woseri wamweshimu mwana gambira vili mwana sikamuheshimu Tati. Yombeli yakamweshimu ndiri mwana kamuheshimu ndiri Tati yakamtumiti. ²⁴ Amini, amini, yombeli yakapikanila shisowelu shanguna kumwoni yomberi ya kantumiti kana ukomu wa milele na apo kahukumiwi. Badala yakuyi, kapita kulawa mumautina kwingila mu uzima. ²⁵ Amini, amini, niwagambira lishaka liza na vinu gwapala ambapu wafu awapikanili liziwi la mwana gwa Mlungu na woseli yawapikanila awalikali. ²⁶ Kwa kuwela gambira Tati sikana ukomu mkati mwakuyi mweni. ²⁷ Viraa kamupa mwana kuwela na ukomu mkati mwakuyi, na Tati kampa mwana mamlaka ili kuwela kahukumu kwa kuwela ni mwana gwa Adamu. ²⁸ Namlikangasha na ali, kwa kuwela lishaka liza ambali wafu woseli yawawela mu makaburi awapakanili liziwi lakuyi na ²⁹ womberi awizi kunja: kwa yawatenditi maheri kwa ufufuu wa ukomu na yawatenditi madoda ufufuo wa hukumu. ³⁰ Wezandiri kutenda shintu shoseli kulkawa kwa neni mweni. Gambila pambikanilavi, ndivyu nnavi hukumu na hukumu ya neni ni ga yahaki kwa kuwela nsakulandiri ufiru wangu bali, ufiru wakuyi yakaitumiti. ³¹ Handa panishuhudia mweni, ushuhuda wa neni apa guweli gwa nakaka. ³² kwana yamonga sikashuhudia kuhusu neni na nivimana kwa nakaka ushuhuda wakashuhudia na wanakaka. ³³ Mtumiti kwa Yohana na yomberi kashuhudia nakaka. ³⁴ Hata hangu ushuhuda wananka kulawa kwa wanadamu. Nigazumba aga uli kuwela mwezi kulopolwa. ³⁵ Yohana kaweriti ni taa yaiweriti payaka na kung'aa, na muweli kala kusekerela kwa muda kuitambu nuru yakuyi. ³⁶ Ushuhuda wanau nu mkuru kuliku gwa Yohana, kalihenguambali Tati kanupa kuzigolosia, ali lihengu la ntenda lishuhudia kuwela Tati kantuma. ³⁷ Tati ya kantumiti yomberi mweni kashuhudia kuhusu neni. Mwahilindili kupikanila sauti yakuyi wala kuwona umbu lakuyi lishaka loseli. ³⁸ Kwahela shisoweru shakuyi pashikara mkati mwenu . Kwa kuwela numwaminindiri yakantuma. ³⁹ Mugachunguza maandiku pamzani mkati mwakuyi kwana ukomu wa milele, na aga maandiku gashuhudia habari za neni na ⁴⁰ mlema kwiza kwa neni ili mpati ukomu wa milele. ⁴¹ Namkandiri ukwisa kulawa kwa wantu, ⁴² viraa nivimana kuwela mwahela ufiru wa Mlungu mnkati mwenu mwenga waweni. ⁴³ Niza kwa litau la Tati gwangu, niweritindiri kunanka. Gambila yumonga akizi kwa litau lakuyi emumwanki. ⁴⁴ Je mweza ashi kwamini mwenga ambau mwanka ukwisa kulawa kwa kila yumu gwenu viraa msakulandiri ukwisa ilawayi kwa Mlungu gwa gweka? ⁴⁵ Namzani neni aniwashitaki palongolu pa Tati. Yakawashitaki mwenga ni Musa, ambayi mwenga mtula litumbiru lenu kwakuyi. ⁴⁶ Handa amuweli mumuamini Musa, amunamini neni kwa toziya kalembiti kuhusu habari za neni. ⁴⁷ Handa pamwamini ndiri visowelu vyakuyi, amuweza ashi kuamini visowelu vyangu?