¹ Vinu Yesu sikavimaniti kuwela Mafarisayo wapakanila kuwera Yesu kaweliti wamfata na kubatiza nentu ya Yohana, ( ² tembera Yesu mweni kaweriti kabatiza ndiri ila wafundwa wakuyi), ³ Kawukiti Judea na kugenda Galilaya. ⁴ Hngu iweriti muhimu kupitira Samaria. ⁵ Na kasokiti mu nji gwa Samaria , gushemwa Sikari, pakwegela na lieneu leni Yakobo kampiti mwana gwakuyi Yusufu. ⁶ Na shisima sha Yakobu shiweriti palia, Yesu kaweriti katoka kwa ajili ya mwanja na kalivagiti pakwegelana linegu. Iweliti lishaka la paruala. ⁷ Mwanamdala msamaria kiziti kunega mashi, na Yesu kamgambira," Gunupi mashi nandi," ⁸ Toziya wafundwa wakuyi waweliti wagenda zau kumjini kuhemela shiboga. ⁹ Uli mwana mdala gamgambazia," Iwela ashi gwenga Muyahudi, kundua neni na mdara Msamaria, shintu sha kuranda?" Kwa toziya Wayahudi warihangila ndiri na Wasamaria. ¹⁰ Yesu kamwankura," Gambira aguvamiti karama ya Mlungu, ana uli yakakugambnira' Gunupi mashi, egumluwi, na ekaklupi mashi ga ukomu." ¹¹ Mwanamdara kamwankura, " Mtua gwahela ndoo ya kunegela na linegu ni litaripa. Agupati koshi mashi ga ukomu? ¹² Je gwenga ni mkulu, kuliku tati gwetu Yakobo, ambayi katupiti linegu ali, na yomberi mweni na wana wakuyi pamuhela na mifugu yakuyi pawaranda mashi ga linegu ali?" ¹³ Yesu kankula," Yoseli yakaranda mashi aga akapati kiu kayi, ¹⁴ viraa yombeli yakanarandi mashi yanimpanana apo kapati kiu kayi. Badala yakuyi mashi yananimpanani aguweri chemichemi yaibubujika hata milele." ¹⁵ Yuli mwanamdarakamgambira,' Mtua, nigarua mashi aga ili nampata kiu, na nyoganyoga kwiza panu kunega mashi." ¹⁶ Yesu kamgambira ," Gugendi gwa kamshemi mparu gwaku, kisha kuuyi." ¹⁷ Mwanamdala kamgambira," Nahera mparu." Yesu kamwankulira, ' Gutakura weli, ' Gwahera mparu,' ¹⁸ kwa maana guwela na waparu watanu, na yumu mweni yakanayi vinu si mparu gwaku. Mu ali gutakula nakaka!" ¹⁹ Mwanamdala mdara kamgambira," Mtua wana gwenga gwa mbuyi. ²⁰ Watati wetu waabuditi mu lugongu ali. Viraa mwenga mzumba yakuwela Yerusalemu ndo sehemu ambayi wantu iwapasa kuabudu." ²¹ Yesu kawaankura," Mwanamdala, guamini, lishaka liza ambali apa mwabudu watati mu lugongu alu ama Yurusalemu. ²² Mwenga mwa wantu mwabudu shiri shamana ndiri, viraa twenga tuabudu shatushimana, kwa toziya wokovu hulawa kwa Wayahudi." ²³ Hata hangu, lishaka liza, na vinu gwa panu, lishaka la waabudu nakaka awa mwabudu tati mu rohu na nakaka, toziya tati kawaskula wantu wa gambira awa kuwela wantu wakuyi weni kumwabudu. ²⁴ Mlungu ni Rohu, na wali yawamwabudu iwapasa kumwabudu mu rohu na nakaka." ²⁵ Mwanamdala kamgambira, " nivimana kuwera masihi kankwiza, ( yakashemwa Kristo). Ayu pakiza akawagambiri goseli." ²⁶ Yesu kamgambila , " Neni yaguzumba ndo neni." ²⁷ Lishaka lilalii wafundwa wakuyi wauyiti. Na womberi walikangasha kwa shi kaweliti kankuyowela na mwanamdara, viraa kwahela yakathubutu kumkosia," Gifira shishi? au " Kwa shishi gwanguyowela na yombeli.?" ²⁸ Hangu mwanamdala kagurekiti mtungi gwakluyi na kugenda kumjini na kuwagambira wantu, " ²⁹ Mwizi mloli muntu yakang'ambira mambu gangu goseli yanigatenditi, je kaweza kuwera ndo Kristo?" ³⁰ Walawiti kumjini wiziti kwakuyi. ³¹ Lishaka la paruhara wafundwa wakuyi wamsii pawazumba," Mfundwa gulii shiboga." ³² viraa yombeli kawankuriti," Neni nanashi shiboga sha mshimana ndili mwenga." ³³ Wafundwa wakuyi kaligambazia, kwahela yoseli yakamjegela shintu sha kulia," Je wajegiti?" ³⁴ Yesu kawagambira," Shiboga shangu ni kutenda ufiru wakuyi yomberi ya kantumiti na kutimiza lihengu lakuyi. ³⁵ Je, mwankuzumbandiri,' Badu miezi mitanu na kubenanga akuweri kala?'Niwagambira mloli marambu gawela kala kwa kubenanga! ³⁶ Yombeli yakaankangi mshahara na kukasanya matunda kwa ajili ya ukomu wa milele, ili yomberi yakayala na yomberi yakabenanga wasekereli pamuhera. ³⁷ Kwa kuwela msemo agu ni gwa nakaka,' yumu kayari na yumonga kabenangi.' ³⁸ Niwatumiti kubenanga ambashi mshinyogera ndiri, wamonga watenda lihengu na mwenga mwingira mu furaha ya lihengu lau." ³⁹ Wasamaria wavua mu muji uli wamwaminiti kwa toziya ya taarifa ya yuli mwana mdala pakaweliti pakashuhudia," Yakang'ambiriti mambu goseli yagutenditi." ⁴⁰ Hangu Wasamaria pawiziti wamsihiti kalikali pamuhela nau na kalikaliti kwau kwa masiku mawili. ⁴¹ Na wavua zaidi wamwaminiti kwa shisoweru shakuyi. ⁴² Wamgambiliti uli mwanamdara," Twamini situ kwa visowelu vyaku, kwa toziya twenga taweni tupikanila, na vinu tuvimana kuwela yomberi ni mropola wa ulimwengu." ⁴³ Kumberi kwa masiku aga mawili, kaukiti na kugendera Galilaya. ⁴⁴ Kwa toziya yomberi mweni kaweriti kabwera kuwela nabii kahera heshima mu nchi yakuyi mweni. ⁴⁵ Pakiziti kulawa Galilaya, wagarilaya wamkalibishiti. Waweriti waona mambu goseli yakatenditi Yerusalemu mu msambu, kwa toziya na womberi viraa waweliti wagenda mu msambu. ⁴⁶ Kiziti kayi Kana ya Galilaya kuli kagagarambukiti mashi kuwela divai. Pakaweriti na afisa ambayi mwana wakuyi kaweriti ni mgonju aku Kapernaumu. ⁴⁷ Pakapikaniliti kuwela Yesu kalawiti Judea na kugenda , Galilaya , kagenditi kwa Yesu na kumsii kasekeli kamponazii mwana gwakuyi, mweni kaweriti kapakwegela kusokela. ⁴⁸ Su Yesu kamgambira," Mwenga pamuwona ndiri ishara ya maajabu apo mwezi kuamini. ⁴⁹ Yakaongoza karongiti ," Mtua gusuruki kabla mwana gwangu akenifui." ⁵⁰ Yesu kamgambira," Gugendi mwana gwaku ni mkomu." yuli muntu kaaminiti shisoweru sha katakuliti Yesu na kugenda zakuyi. ⁵¹ Pakaweliti pakasuruka, wandumi wakuyi wamwankiti na kumgambila mwana gwaku kaweriti mkomu. ⁵² Hangu kawakosiiti ni muda kapatiti nafuu. Wamwankuriti, " Lishu muda gwa saa saba homa pamrekiti." ⁵³ Su baada yakuyi kavimaniti kuwela ni muda galaguliiYesu pakazumbiti," Mwana gwaku ni mkomu." Hangu yombeli na familia yakuyiyakuyi waaminiti. ⁵⁴ Ayi iweliti ni ishara ya pili yakatenditi Yesu pakalaviiti Yudea kugenda Galilaya.