¹ Masiku sita kumbeli kwa pasaka, Yesu kagenditi Bethania, pakaweliti Lazaro, yomberi mweni yakamfufuiiti kulawa mu wafu. ² Vinu wamtaliti shiboga sha jioni aku, na Martha kamtumikiliti lishaka ali Lazaro kaweliti yumu gwa walivagiti pashiboga na Yesu. ³ Kisha Mariamu katoliti ratli ya manukato yaganyawitwi kwa narda safi, gana thamani kulu, kampakaziya Yesu mumagulu, na kufuta magulu kwa mvili zakuyi; numba yoseli imeniwiti na harufu ya manukato. ⁴ Yuda Iskariote, yumu gwa wali wafundwa wakuyi, mweni ndo yakamsaliti Yesu katakuliti, " ⁵ kwashi manukatu aga egauzwi kwa dinari mia tatu na kuwapanana maskini?" ⁶ Na yombeli kazumbiti aga, si kwa kuwahurumila maskini, bali kwa toziya kaweliti mwivi: yombeli ndo yakqbatiti mfuku gwa senti na kaweliti kutola vimu vya watuliti amu kwa ajili yakuyi mweni. ⁷ Yesu kazumbiti, " Mumleki katuli shakanashi kwa ajili ya siku ya maziku ganeni. ⁸ Maskini amuweli nawa masiku goseli; lakini apa mweli na neni masiku goseli." ⁹ Basi umati mkulu gwa Wayahudi wapatiti kuvimana kuwela Yesu kapanu, na wombeli wiziti, si kwa ajili ya Yesu tu, ila wamwoni na Lazaro ambayi mweni Yesu kamfufula kulawa kwa Yesu. ¹⁰ Nawombeli wakulu wa makuhani watenditi shauri ili wamlagali Lazaro; ¹¹ maana kwa ajili yakuyi wavua kati ya Wayahudi wagendi zau na kumwamini Yesu. ¹² Na lishaka la pili umati mkulu wiziti mu msambu. Pawapikaniriti ya kuwela Yesu kankwiza Yerusalemu, ¹³ watoriti ntami za mitera ya mitende n akulawa kunja kugenda kumlaki na wakomiti umati," Hosana! Kabarikiwa yomberi yakiza kwa litau la Mtua, M falme gwa Israeli." ¹⁴ Yesu kampatiti mwana- kakweniti; Gambila vilisilembwitwi, ¹⁵ Nagutila,binti sayuni; guloli mfalme gwaku kankwiza, kakwena na mwana- punda." ¹⁶ Wafundwa wakuyi wagelewiti ndiri mambu aga pali kwanja; viraa Yesu pawamkwisiti, ndipu pawakumbukiti kuwela mambu aga galembwiti yombeli na mweni katenda mambu aga kwakuyi. ¹⁷ Vinu lili likundi la wantu waweliti pamuhela na Yesu lishaka pakamshemiti Lazaro kaburini, washuhudiiti kwa wavua. ¹⁸ Na iweliti kwa sababu ayi viraa kwamba kundi la wantu wagenditi kumlaki kwa toziya wapikaniliti kwamba katenditi ishara gambira ayi. ¹⁹ Mafarisayo walizumbiana weni kwa wewni," Guloli, vinu apa mwezi kutenda loseli; guloli ulimwengu ugenda kwakuyi." ²⁰ Vinu baadhi ya Wayunani Wayunani waweliti mu wamu waweli yawagenditi kumwabudu mu msambu. ²¹ Awa wamgenderiti Filipo, ambayi kalawa Bethsaida ya Galilaya, " Mtua, twenga twana mata ga kumwona Yesu." ²² Filipo kagenditi kumgambila Andrea; Andrea na Filipo wagenditi kumgambila Yesu. ²³ Yesu kawankuliti pakazumba ," Lishaka lisoko kwa ajili ya mwana gwa Adamu kumkwisa. ²⁴ Amini, amini, niwagambila, chembi ya nganu paigua ndiri pakati pa nchi paifua, hulikala ndambu ila ilii gweka yakuyi; bali paifua, aileli matunda gavua. ²⁵ Yombeli yakafira ukomu wakuyi akauwagamizii; bali yombeli ya kautora ukomu wakuyi mu ulimwengu agu akasalimishi hata kwa ukomu wa milele. ²⁶ Muntu yoseli pakantumikila neni, na kafuati; na neni pawela , na ndo ntumintumi gwangu akaweli. Muntu yoseli pakantumikila, Tati akamuheshimu. ²⁷ Vinu roho yangu ifadhaika: na neni nizumbi ashi? Tati, ngundopoli mu lishaka ali'? viraa ni kwa kusudi ali nsoka lishaka ali. ²⁸ Tati, gulikwisi litau laku." Su sauti yiza kulawa mbinguni na kuzumba," Nilikwisa na neni anilikwisi kayi." ²⁹ Vinu mkutano yagugolokiti pakwegela na yombeli wapikaniliti. Wazumbiti ya kwamba kuwera ngurumo. Wamonga wazumbiti, " Mahoka kazumba na yombeli. ³⁰ Yesu kankuliti na kuzumba," Sauti ayi yiza ndiri kwa ajili ya neni, bali kwa ajili ya mwenga. ³¹ Vinu hukumu ya ulimwengu agu pa palaa: Vinu mkulu gwa ulimwengu agu akwaswili kunja. ³² Na neni weliti pampindi pa nchi, aniwaniki woseli kwa neni." ³³ Yakazumbiti aga kanangaziti ni mauti gani yanakafu." ³⁴ Mkutano amwankuliti," Twenga tupikanila mu sheria yakuwela Kristo akadumu milele. Na gwenga guzumba ashi, ' Mwana gwa Adamu ni lazima kagolosiwi kumbindi? Ayu mwana gwa muntu gani? " ³⁵ Basi Yesu kawagambiliti," Nuru paiwela pamuhela na mwenga muda mdidini- mgendi vmadamu mwana nuru, ili kuwera giza na liza kuwaweza. Yombeli yakagenda mu giza kavimana ndirikwa kugenda. ³⁶ Mngali mwanayi nuru, muiamini nuru ayi ili mpati kuwela mwa wana wa nuru, " Yesu kazumbiti aga klisha kagenditi zakuyi kulififa na wamwonandili. ³⁷ Tembela Yesu katenditi iushara zivua namna ayi palongolu pau, badu wamaminindiri. ³⁸ ili kulitimii shisoweru sha nanii Isaya, lakazumbiti: " Mtua , ni gazisadikiti habari zetu? na liwoku la Mtuwa bkavugulilwa gani?" ³⁹ Ndo sababu wau wwamwaminitindiri, maana Isaya kazumbiti kayi, " ⁴⁰ Kawapofozia masu, na kaitenda ikamala miyou yau; na pawaokaoka na neni niwaponazia." ⁴¹ Isaya kazumbiti visowelu aga kwa kuwela kauwoniti ukwisa wa Yesu na katakuliti habari zakuyi. ⁴² Walakini hnada wakulu wavua wamwamiti Yesu; viraa toziya ya Mfarisayo, wakiliti ndiri ili nawiza kubagulwa masinagogi. ⁴³ Wafiriti ukwisa kwa wanadamu kuliku ukwisu wa ulawila kwa Mlungu. ⁴⁴ Yesu kagutiti sauti na kuzumba," Yombeli yakaamini neni kanamini neni tu bali ⁴⁵ na yombeli ya kantumiti neni, na yombeli yakamona neni kamwona yakantuma. ⁴⁶ Neni niza gambila nuru ulimwenguni ili kila muntu, yakanamini neni nakalikala mu giza. ⁴⁷ Paiwela muntu yoseli pakapikanila visowelu vyangu viraa kagabata ndili, neni apo nimuhukumu; maana niza ndiri ili niguhukumu ulimwengu, bali nigulopoli ulimwengu. ⁴⁸ Yombeli yakafira ndili neni yakalema visowelu vyangu, kanayi hukumu: shisowelu ashi shantakula ndo lani muhukumu lishaka la kumwishu. ⁴⁹ Maana neni nzumbiti ndili kwa nafasi yangu tu. Bali ya kampelekiti, yombeli mweni kanagalila yanigatakulana nanigazumbi. ⁵⁰ Na neni nivimana kuwela lagilu lakuyi ni ukomu wa milele; basi aga yanigatakula neni- gambila Tati sikang'ambili, ndivyo sizumba."