¹ Vinu muntu litau lakuyi Lazaro kaweliti Mgonju. Kalawiliti Bethania, shijiji sha Maramu na dada yakuyi Martha. ² Kaweliti ni Mariamu yuli yuli yakampakiti Mtua Marhamu na kumfufa magulu gakuyi kwa mvili zakuyi, mweni ni mlongu gwakuyi Lazaro kaweriti ni mgonju. ^{3 4} Ndipu dada awa watumiti ujumbi kwa Yesu na kuzumba," Mtua, guloli yuli gumfiriti kaluwala." Yesu pakapikaniliti kazumbiti," Ugonju au si wa mauti, viraa badala yakuyi ni kwa ukwisa gwa Mlungu ili kwamba mwana gwa Mlungu apai kukwisa mu au ugonju." ⁵ Yesu kamfiriti Martha na dada yakuyi na Lazaro. ⁶ Pakapikaniliti kuwera Lazaro ni mgonju, Yesu kalikala siku mbili mahali pakaweriti. ⁷ Ndipu baada ya ali kawagambiriti wafundwa wakuyi," Tugendi Uyahudi kayi." ⁸ Wafundwa wamkosiiti, "Rabi, Wayahudi wajeriti kukupasha mabuhi, na gwenga gufira kuuya kayi?" ⁹ Yesu kawankuriti," Saa za paluwala ni kumi na mbili? muntu pakagendagenda paluwala apo kawezi kulikwala, kwa toziya kawona kwa nuru ya paluala. ¹⁰ Hata hangu, paiwela kagendagenda pashiru, akalikwali toziya nuru ya kwahela mkati mwakuyi." ¹¹ Yesu kazumbiti mambuaga na baada ya mambu aga, kawagambira," Ganja gwetu Lazaro kugonja, viraa nankugenda ili kwamba mbati kumwisia kulawa kwa mbota." ¹² Ndipu wafundwa wamgambazia," Mtua, handa pakagonja, akimuki. ¹³ Lishaka ali Yesu kaweliti pakayowela habari za kifu cha Lazaro, viraa wombeli wazaniti katakula kumbindi pa kugonja mu mbota. ¹⁴ Ndipu Yesu kayoweriti na mwaziu," Lazaro kafua. ¹⁵ Nana furaha kwa ajili ya mwenga, kuwera weliti ndili kuli ili kwamba mpiti kwanini. Natwenda kwakuyi." ¹⁶ Vinu Tomaso, yakaweriti pacha, kawagambiliti wafundwa waya guwi, ''Natwenga tugendi viraa twakasokeli viraa pamuhela na Yesu.'' ¹⁷ Lishaka Yesu pakiziti, kawoniti kara Lazaro kutulwa kala mu likaburi masiku gamsheshi. ¹⁸ Nayi Bethinia iweliti pagwegela na Yerusalemu gambila kilomita arobaini na tanu hangu. ¹⁹ Wavua kati ya wayahidi wiziti kwa Matha na Mariamu kuwababa mawoku kwa ajili ya mrongu gwau. ²⁰ Su Matha pakapikaniti kuwela Yesu kankwiza, kagenditi kuliwona nayi, viraa Mariamu kagenditi kulikala ukaya. ²¹ Su Matha kamgambiliti Yesu, ''Mtua, kama eguweli panu, kakagwangu epu kafui. ²² Hata vinu, nivimana ya kuwela loseli lanaguluwi kulawa kwa Mlungu, akakupana.'' ²³ Yesu kamgambila, kaka gwaku akafufuki kayi.'' ²⁴ Matha kamgambila, kaka gwaku akufufuki kayi.'' Matha kamgambizia, nivimana kuwela afufuki lishaka la kumwishu.'' ²⁵ Yesu kamgambiriti, ''neni na ufufuu wa ukomu; yombeli yakanamini, tembela akafui, hata hangu akawela kalikala; ²⁶ Na yombeli ya kuishi na kunamini neni apo kafui. Galiami i ali?'' ²⁷ Kamgambiliti,'' yina, Mtia namini kuwela gwenga ni Kristo, mwana gwa mlingu, yombeli ya kiza mu ulimwengu.'' ²⁸ Pakaweliti kazumba ali, kagenditi zakuyi na kumshema dada gwa kuyi Mariamu faraghani. Pakazumba, ''mfunda kapanu na kakushema.'' ²⁹ Mariamu pakapikaniriti aga, kagorokiti kwa karongola na kugenda kwa Yesu. ³⁰ Na yombeli Yesu kaweliti akeniyizi pakati pashijiji, bali kaweliti badu mahali pakaliuwoniti na Matha. ³¹ Su Wayahudi ya waweliti na Mariamu mukati mwa numba na wali yawaweliti pawamfariji,pawamwoniti kagoloka karongola na kulawa kunja, wamfatiti kuwela, wavimaniti kuwela kamukugenda mu likabuli wakalili aku. ³² Su Mariamu, pakasokiti paliya Yesu pakaweliti kumwona na kugua pasi pa maguru na kumgamvila, ''Mtua, pamu egu weli panu, Mrongu gwangu epo kafui.'' ³³ Yesu pakamwoniti kamukulila, na Wayahudi ya wiziti pamuhela na yomberi waweliti pawalila vira. Kaomboleziti mu rohu na kufadhaika; ³⁴ Kazumbiti, ''mumginjeka koshi? wamgambila, mtia, gwizi guloli.'' ³⁵ Yesu kaliliti. ³⁶ Ndipu Wayahudi wazimbiti, ''Guloli Sikamfiriti Lazaro!'' ³⁷ Viraa wamonga mu wamu wau wazumbiti, ''Ayi mdili, wantu yakafumbiti masu ga uliya yakaweliti kipofu, kawweziti ndili kutenda muntu ayi nakafua?'' ³⁸ NdipuYesu, hali pakaombeleza mu nafsi yakuyi kayi, kagenditi mu likaburi. Vinu liweliti pangu, na libuhi liwela kumpindi kwa kuyi. ³⁹ Yesu kazumbiti, '' miliusii libuhi.'' Matha, dada gwakuyi na Lazaro, yombveri ya kafuiti, kamgambiliti Yesu, ''Mtua, kwa muda agu, shimba aiweli iwola, kwa tonziya kawela kala mauti kwa masiku gamsheshi.'' ⁴⁰ Yesu kamgambiliti,'' neni nikugambilia ndili kwa kuwela, kama pagwamini, aguwoni ukwisa wa Mlungu?'' ⁴¹ Kwa ndambu ayi wahusiiti libuhi. Yesu kagolosiiti masu gakuyi kumbindi na kuzumba, ''Tati, nikushikulu kwa kuwela vgumpinkanila. ⁴² Nivimana kuwela gumpikanila mara zoseli, viraa ni sababu ya kusanyiku linin ligoloka kuzinga kuwela zumba aga, ili kuwela wapati kwamini kuwa gwenga guntuma.'' ⁴³ Baada ya kuzumba aga, kagutii kwa sauti nkulu,''Lazaro, gulawi kunja!'' ⁴⁴ Mutu kalawiti kunja wamtawa mnawoku na magulu kwa sanda za kuzikila, na sheni shakuyi shitawinti na shitambala. ''Yesu kawagambiliti, ''mumvugulu mumleki kagendi.'' ⁴⁵ Ndipu Wayahudi wavua yawizsiti kwa Mariamu na kuwona Yesu shaka tenditi, wamwaminiti; ⁴⁶ Viraa wamu wau wagenditi kwa mafarisayo na kuwagambila mambu yakatenditi Yesu. ⁴⁷ Ndipu wakulu wa makwani na mafarisayo na kuwagambila mambu yakatenditi Yesu. ⁴⁸ Paiwerapatumleka hangu gweka yakuyi, woseli awamwamini; Warumi awazi na kutora vyoseli petu na taifa letu. ⁴⁹ Hta hangu, muntu yumu kati yau, kayafa, yakaweliti kuhani mkulu mwaka mwaka agu, kamgambiliti, ''mvimana ndili shoseli na kaka. ⁵⁰ Muvimana ndili kwamba yataa kwa ajili yenu kwamba muntu yumu yapaswa kufua kwa ajili ya wantu kuliku taifa loseli kwagamila.'' ⁵¹ Aga kagazumba ndili kwa sababbu yakuyi mweni, badala yakuyi, kwa kuwela kuweliti kuhani mkulu mwaka guli, watungiti kuwela Yesu akafui kwa ajili ya taifa; ⁵² Na si kwa taifa gweka, bali Yesu kupati vilavili kuwakusanya wana wa Mlungu weni walitawanya sehemu za kutali kutali. ⁵³ Kwa ntambu ayi kwanjila lishaka ali na kugendela wapangiti namna ya kumlaga Yesu. ⁵⁴ Yesu kagenditi ndili kayi waziwazi patatipa Wayahudi, bali kawukiti panu na kugenda nchi yaiwela pakwegela na janwa mu muji yagushemwa Efraimu. Panu kalikuliti na wafundwa. ⁵⁵ Vinu Pasaka ya Wayahudi iweliti pakwegela , na wavua wakweniti kugenda Yerusalemu panja pa mji kumberli kwa pasaka ili wapati kulitakasa weni. ⁵⁶ Waweriti pawamsakula Yesu, na kulayumu paweliti pawa goloka hekaluni,' ''murihola shi? kwamba apokizi mu msambu?'' ⁵⁷ Lishaka ali wakulu wa makuhani na Mafarisayo waweliti wa lavia amri kwamba paiwela yumu akavimani Yesu pakawela, ipasa kulavia taarifa ili wapati kumbata.