¹ Vinu kabla ya msambu gwa pasaka,kwa toziya Yesu kavimaniti kuwela lishaka lakuyi lisokiti mweni kalawiti mu nunia ayi kugenda kwa Tati, pakawela kuwafira wantu wakuyi weni wawelitiduniani,kawapiti upeo. ² Na ibilisi kaweliti kutulwa kala kwa moyu gwa Yuda Isikariote, mwana gwa Simoni, kusaliti Yesu. ³ Yesu kavimaniti kuwa Tati katula vintu vyoseri mu mawoku gakuyi na kuwela kalawa kwa Mlungu na kaweriti kangugenda kayi na Mlungu. ⁴ Kimukiti mushiboga na katandikiti pasi nguu yakuyi ya kunja. Kisha katorii taulu la kulitawa mweni. ⁵ Kisha katuliti mashi mu bakuli na kwanja kuwabagula magulu wafundwa wakuyi na kuwafuta na taulo leni kalikawiti yombeli mweni. ⁶ Kiziti kwa Simoni Petro, na Petro kamgambila," Mtua, gufira kungulula magulu gangu?" ⁷ Yesu kankuliti na bkumgambila," Lantenda gulimonandiri vinu, viraa agwelewi badayi." ⁸ Petro kamgambila," Apo gungululi magulu gangu kamwe." Yesu klankuliti," Paiwela pani kugulula ndiri, apo guweli na sehemu pamuhela na neni." ⁹ Simoni Petro kamgambila," Mtua, nagugulula mawoku gangu btu, bali viraa na mawoku na mtui gwangu." ¹⁰ Yesu kawagambiliti," Yoseli ambayi kogakala apa kafira kaga aipoti magulu gakuyi na kuwela safi shimba yakuyi yoseli; mwenga muweri safi, lakini si nyoseli." ¹¹ Kwa kuwela Yesu kamaniti uli yakumsaliti, ayi ndo sababu kazumbiti, si moseli muwela muherepa." ¹² Lishaka Yesu pakaweliti kawagulula magulu gau pakaweliti katora kala nguu yakuyi na kulikala kayi, Kawagambiliti," Je mwelewa shili niwatendera? ¹³ Mwanishema neni" Mfunda" na Mtua ayi kazumba nakaka, maana nmdambu ya iwela. ¹⁴ Paiwela na Mtua gwa mfunda, niwagulula magulu genu, mwenga viraaa iwapasa kuwagulura wayenu magululu. ¹⁵ Kwa kuwela niwapa mfanu ili kuwela mwenga mtendi gambira nenbi sintendi mwenga. ¹⁶ Amini, amini, niwagambila, mtumwa si mkulu kuliku mtua gwakuyi; wala uli mweni yakatumwa ni mkulu kuliku uli yakamtumiti. ¹⁷ Paiwela guvimana mambu aga, gubarikiwa gwakagatendi. ¹⁸ Mzumbandiri kuhusu mwenga mwa woseli, ka kuwela niwamana wali waniwasaguliti - bali nzumba aga ili maandiku gawezi kukamilika: ' Yombeli yakalia mkati gwangu kangorosia shisiginu shakuyi.' ¹⁹ Niwagambila ali vinu alenilawali ili pailawila, wezi kuamini kuwela neni NDIYE. " ²⁰ Amini, amini, niwagambili yakananka neni kamwanka yombeli ya nimtuma na uli yakananka neni humwanka uli yakantuma neni." ²¹ Lishaka Yesu pakazumbiti aga, kasumbukiti mu roho, kashuhudiiti na kuzumba," Amini, amini , niwagambila kwamba yumu gwenu ankusaliti." ²² Wafundwa wakuyi wamririti mweni, na kulikangasha kwa ajili ya gani kataliti. ²³ Kaweliti mu meza, yumu gwa wafundwa wakuyi kegema pashifua pa Yesu uli ambayi Yesu kamfiriti. ²⁴ SImoni Petro kamkosiiti mfundwa ayu na kuzumba," Mutugambili ni yoshi mweni kwakuyi kamyowelela." ²⁵ Mfundwa uli ykagema mu shifua sha Yesu na kumgambila, " Mtua, ni gani?" ²⁶ Kisha Yesu kankuliti," Ni kwa yombeli yanayi shovi shipandi sha mkati na kumupa. " Hangu pakaweliti kutora mkati kamupiti Yuda mwana gwa Simoni Iskariote. ²⁷ Na baada ya mkati, Shetani kamwingiliti, Kisha Yesu kamgambiliti," Shilii ambashi gufira kutenda gutendi kalongola." ²⁸ Vinu kwahela m,untu mu meza kavimaniti toziya ya Yesu kuzumba jambu ali kwakuyi. ²⁹ Wamu wau wazumbiti kwamba, kwa sababu Yuda kakolityi mfuku gwa senti, Yesu kamgambiliti, " Guhemeli vintu vya kufira kwa ajili ya sikukuu," ama kuwela ikupasa kulavia shintu kwa maskini. ³⁰ Baada ya Yuda kwanka mkati, kal;awiti kunja upesi; na iweriti pashiru. ³¹ Lishaka Yuda pakaweliti kankuuka, Yesu kazumbiti," Vinu mwana gwa Adamu akakwisi, na Mlungu katukuzwa mu yombeli. ³² Mlungu akamkwisi mu yombeli mweni, na akamkwisi kalongora. ³³ Wana wadidini, napalapa pamuhel ana mwenga kwa kitambu kidogu. Animsakuli, na gambila siniwagambila Wayahudi, ' Kwa ng'enda apa muwezi kwiza.' vinu niwagambila mwenga viraa. ³⁴ Niwapa amri syayi kuwela mrifiri; handa neni siniwafiriti mwenga, vira hangu na mwenga viraa iwapasa kulifira mwenga kwa mwenga. ³⁵ Kwa ajili ya ali wantu awavimani kua mwenga ni mwawafundwa waneni, paiwera mwana ufiru wa kila yumu na yamonga." ³⁶ Simoni petro kamgambiriti, ' mtua, gwangugenda koshi? Yesu kankuliti," Mahali pang'enda vinu apo guwezi kufuata, viraa agu fanti baaadayi." ³⁷ Petro kamgambiliti," Mtua, kwa shi nanikufuata hata vinu? neni anigalavii maisha gangu kwa ajili yaku." ³⁸ Yesu kankuliti," Je agugalavii maisha gaku kwa ajili ya neni? Amini amini nakugambira njogoru apekawiki kabla gwa agweni nkani mara tatu."