¹ Vanamae, mtaiamini kila ngoo, hatakuto mwesiingeria msiambulie kwa kolea sadukia kwa Abaa; namu vakimbi vengi va mboru vamedukia kunu urukeni. ² Kwa ili holi mwishi ngoo ya Abaa kila ngoo yekubali Yesu Kristo nialesha kali na moo niya Abaa, ³ na kila ngoo itekubali shi ya Abaa. Iihoi ni ngoo ya iuya yemlea Kristo, ambao iya mleiishwa kwamba yesha, na kahindi ili kunu urukeni. ⁴ Nyue ni va Abaa, vana vakukundini, na mmema ishinda namu fee alifo kati ya mwanu ni mtue kuliko fee uya alikunu uyaneni. ⁵ Voo ni va uyanau, kwakuto kia vekiamba ni cha urukau, na uruka wetuishua. ⁶ Sue ni va Abaa; Uya amwishi Abaa nietuishua sue. Uya etet Abaa teedima ituishua. Kwa ili holi tuishi mhoo ya loli niya mboru. ⁷ Vanamae, tukundane sue kwa sue, namu ikunda ni la Abaa. na kila umi akundi nialevonika na Abaa na immanya Abaa. ⁸ Uya atakundi taamwishi Abaa, namu Abaa nio ikunda. ⁹ Kwa ili holi ikunda la Abaa lilerorwa kunu kwa motu lee Abaa alemtuma kona wakwe wakipekee kunu uyaneni ili tuishi ihitia fee. ¹⁰ Kwa liholi ikunda shi kwamba tulemkunda Abaa, hatakutu fee nialetukunda, na kamtuma kona wakwe avee fidia ya mbiao sa motu. ¹¹ Vanamae, kwakolea Abaa nialetukunda sue, na sue hee chevaa tukundane sue kwa sue. ¹² Tekwete hata umi amemlolea Abaa nieka katikati ya motu na ikunda lakwe limekamilika kunu kwa motu. ¹³ Kwa hili holi tuishi kwamba twekaa kati yakwe nafee kati ya motu, namu nialetuininga ngoo yakwe. ¹⁴ Na tulelolea na tukaambulia shakundu Abaa alemtuma kona wakwe ashetuokoa kunu uyaneni. ¹⁵ Kila uya ekubali lee Yesu ni kona wa Abaa, Abaa niekaa kati yakwe nafe kati ya Abaa. ¹⁶ Na tuishi na tweamini ikunda lia Abaa alinalio kwa motu. Abaa ni ikunda, nafe iuya eka kati ya ikunda lakwe nieka kati kwa Abaa, na Abaa niekaa kati kwakwe. ¹⁷ Katika ikunda li holi limema ikamilika kati ya mwanu, ili tuve na ukari mfiri werukumiwa, namu shakundu fee alali, na sue ni kuto tulalikunu uyaneni. ¹⁸ Tekwete iihova kati ya ikunda. Hatakuto ikunda la loli teletuininga iihova nja, namu iihova leendana irukumiwa. Hatakuto uya alimwova taamekamilika katika ikunda. ¹⁹ Twekunda namu Abaa nialetukunda hoo kimbele. ²⁰ Kwakolea umi nieamba, ''Ningimkundi Abaa,'' hata kuto niamsule mwanamae, niete mboru/ Namu uya atemkundi mwanamae, uya emlolea, teeidima imkunda Abaa uya etemlolea. ²¹ Na ihoi ni yo amri tulinayo iduka kwakwe; Uya amkundi Abaa chevaa amkunde mwanamae seke.