¹ Mndu wose eamini Yesu ni Kristo niavonika na Abaa. Na uya wose amkundi fee niaduka kwa Abaa nafe he niakundi vana vakwe. ² Kwa iliholi tuishi lee tuvakundi vana va Abaa-weri twamkunda Abaa na imfuata amri sakwe. ³ Ni kuti tumkundi Abaa kwamba tusiree amri sakwe Na amri sakwe silinyepesi. ⁴ Namu kila avonika na Abaa nieushinda uyanau. Na uhou niwo ushindi weshinda uyanau, imani iiya motu. ⁵ Nivi sho aleushinda uyanau? Niuya emwamini Yesu kwamba ni kona wa Abaa. ⁶ Isuhosu nife uya alesha kwa mringa na samu Yesu Kristo. Taalesha tiki kwa mringa bali kwa mringa na samu. ⁷ Namu kwete vatatu vedua ungaviro; ⁸ Roho, maji na damu, Iva vatatu vepatana (Ambulia; mateta iya hoa, ''Abaa, Iteta, Roho Mtakatifu,'' tulilolikana makaratasini aya akiraa). ⁹ Kwakolea tweiria ungoviro wa vandu, ungoviro wa Abaa niutue kuliko iwo howo. Namu ungoviro wa Abaa niuho-niete ungoviro wemhusu kona wakwe. ¹⁰ Uyaemwamini kona wa Abaa niete ungoviro kati yakwe fee mweni. Na uya wose etemwamini niamrora fe niwa mboru, namu taakuamini ungoviro ambao Abaa aleininde imhusu kona wakwe. ¹¹ Na ungoviro niuhou-- kwamba Abaa nialetuininga usima wa kirere, na usima wohowo uli kati ya kona wakwe. ¹² Uya ete kona wakwe niete usima wa kirere. Uya etete kona wa Abaa tiete usima wa kirere. ¹³ Ningakuandikieni iya hoa ili muidime imanya lee mwete usima wa kirere- nyueni mweamini katika rina la mwana wa Abaa. ¹⁴ Na uhou niwo ukari tulinao mbele sakwe, namu tukahemba kindo chose kia sawasawa na ikunda lakwe nietuishwa. ¹⁵ Na kwakolea mituishi niatuishuke-kia chose twemhemba tuishi lee tulinacho kia twamhemba. ¹⁶ Kwakolea mndu niamweni mwanamae alifanya mbiao ilemuwaa, chevaa amhembee na Abaa amhoree. Ningiliamba kwa vaya ambao mbiao ya mwavo shi iya yebwaa-nikwete mbiao yende ifaa-tengimeamba lee cheva ahemba kwa ajili ya mbiao yo hoyo. ¹⁷ Uvishwa wose uya ni mbiao-hata kuto ni kwete mbia itennde ifaa. ¹⁸ Tuishi uya alevinika na Abaa teerunda mbiao. Bali uya alevinika na Abaa nietunswa nafe mfirisose undusha, na uya mmbishwa teeidima immbihira. ¹⁹ Tuishi namu sue ni va Abaa na tuishi lee uyanau ni ulishii ya utawala wa uya mmbishwa. ²⁰ Hatakuto lee kona wa Abaa nialesha, na niametuininga imanya, lee tumwishi uya ali wa loli na lee tuli kati yakwe uya ali wa loli; hata katika kona wakwe Yesu Kristo. Ni Abaa wa loli na usima wa kirere. ²¹ Vana ngikukundini, kaeni kwasha na sanamu.