¹ Ambulieni ni ikunda la namna yovi aletuininga Abaa lee tweamkuliwa vana va Abaa, na ni kuto tulalii. Namu lee uyana uhou teutuishi namu teumwishi fee. ² Vanamae sue kahindi ni vana va Abaa na teimemanyika bado shakundu cheva. Tuishi lee Kristo kashike ilolikana, tweusana nafee, namu twemlolea shakundu alali. ³ Na kila umi ambao ni alimkari ihusu weri uya wesha waelekezwa kwakwe, niejisambia mweni shakundu fee ali mtakatifu. ⁴ Kila mndu aliendelea irunda mbiao niemunja sheria, namu mbiao ni imunja sheria. ⁵ Mwishi Kristo nialerorwa ili asiirie mbiao kabisa. Na kwakwe fee tekwete mbiao. ⁶ Tekwete ata umi eidima ikaa kwakwe halafu kaendelea kerunda mbiao. Tekwete mndu hata umi eidima ikaa katika mbiao kwa kolea niamemlolea au immanya fee. ⁷ Vana ngivakundi, mkunde mndu wose akuvieni uvishwa; Uya erunda haki niete haki. shakundu Kristo nafee hee shakundu ete haki. ⁸ Uya erunda mbiao ni wa imrimu, namu imrimu livelirunda mbiao tangu kiree. Kwakuto kona wa Abaa alerorwa ili aidime isivihira rumate sia sa imrimu. ⁹ Mndu wose uya alevonika na Abaa teerunda mbiao, namu mbeyu ya Abaa ni ilikati yakwe. Teweidima iendelea irunda mbiao namu wavonika na Abaa. ¹⁰ Kwa ili holi vana va Abaa na vana va imrimu vemanyikana. Uya eterunda kia kitali cha loli shii wa Abaa, wala uya atamkundi mwanamaye. ¹¹ Namu iuhou niwo iyambe mleishua tangu ho kiraa, lee cheva tukundane sue veni kwa veni. ¹² Shi sha Kaini ambao niaveli mbishwa na imuwaa, mwanamae. Na nikili alemuwaa? Nili matendo akwe avelimavishwa , na uya a mwanamae niavelimeshaa. ¹³ Vanamae vakwa, mtariwe, kwakolea uyanau wekusueni. ¹⁵ Twemanya tumeduka ufuni na ienda usimani, namu tuvakundi vanamae. Uya wose etevakuvandu nieka sha mndu amefaa. ¹⁴ Mndu wose uya amsule mwanamae nievaa. Na mwishi iishi la mfiri sose telekaa kwa mndu ewa ¹⁶ Kwa liholi tuishi ikunda namu Kristo nialefaa kwa ajili ya motu. Nasue chevaa tudue uhai wa motu kwa ajili ya vanamaya motu. ¹⁷ Hatakuto uya wose ete findo, na nia muweni mwanamae akundi kindo kia, hokuto kalea kemninga kindo kia aori fee; kahindi, ikunda lia leduka kwa Abaa nikuto lekaa. ¹⁸ Vana vakwa ngivakundi, tutakunde kwa momu, wala kwa mateta matuhu bali ni kayika irunda na loli. ¹⁹ Kwa iloholi, tuishi sue lee tulii katika loli, na ngoo samotu sejirora kwakwe fee. ²⁰ Kwakolea ngoo sa mwotu seturukumia, Abaa ni mtue kuliko ngoo sa motu, nafe niaishi findo fose. ²¹ Vanamae kwakolea nhoo samotu teseturukumia, twte ukari kwa Abaa. ²² Na chose kia twekihemba twekiiningwa iduka kwakwe, namu twera amri sakwe, na twerunda findo femninga kakunda mbele yakwe. ²³ Na ihoi ni amri yakwe llee chevaa tuamini katika rina la kona wakwe Yesu Kristo na ikundana sue kwa sue shakundu aletuininga amri yakwe. ²⁴ Uya esiishwa amri sakwe nieka kwakwe na Abaa niekaa kati yakwe. Na kwa sababu ihoi twemanya nieka kati kwa motu; Kwa Roho iya uletuininga.