¹ "Valongo na tati jwangu, njowanela utetezi jwangu chinhengaye kwitu henu." ² Makutano pavajowine Paulo alongilaye nao kwa Kiebrania, vakatamanuu. Akalongera. ³ Nenga ni Myahudi, nzaliwe muchi va Tarso eneo la Kilikia, ila napalite elimu katika muchi wenewo, mumagendelo pa Gamalieli. Vanifundisha kulengana na ndela sahihi ja sheri ja tati jwitu. Nenga, ninabidii ja Changa, ngati mwangota mavoha chammii lelenu. ⁴ Navatesite kwa ndela hii hadi kuwega; navatavite vagosi na vadala na kuvataga mugereza. ⁵ Hata kuhani nkolongwa na vazee voha vaweza kuvoha ushaidi kwamba napokile barua kuhumi kwawo kwa ajili ja valongo wavile Dameski, kwangu nenga navukite kujaula uko. ivile navalete vandu Yerusalemu va ndela jela ili vafungwe na kuadhibiwa. ⁶ Javokile kwamba pale nivile, nikisafiri nakaribia Dameski, majira ga muhi ghafla nuru jikolongwa jikakopokela kumbinguni jikawanze jamulikile. ⁷ Nakagwega pahi na kujowana sauti janugolela, 'Sauli, Sauli ndavakyani unaniudhi'? ⁸ Nikajibu, 'mwenga ni nani, Bambo?' Akannogolela, 'Mini ni Yesu Mnazareti, amabaye mwenga unaniudhi.' ⁹ Vala vavavii na nenga vaiwene nuru, ila vajowinejeka sauti ja jula jwalongi na nenga. ¹⁰ Akalogola, 'Ndenda wuli, Bambo?' Bambo akannongolela, 'Njeme na nnjingile Dameski; kweneko chavannogolele kila chindu champaswa kuchihenga.! ¹¹ Nawezitejeka kulola kwa sababu ja mwanga va nuru jela, ndipo nakajaula Dameski kwa kuongozwa na mavoko ga vala vavaviii na nanenga. ¹² Kweneko nakakonganeka na vandu vannkeme Anania, Avii mundu jwakamwile sheria na mwenye kuheshimika palongolo ja Vayahudi voha vavatama kweneko. ¹³ Akahika kwenenga, akajema palongolo jangu, na kulogola, 'Nnongo jwangu Sauli, upate kulola.' kwa muda wola wola nikamwene. ¹⁴ Akalogola, 'Chapanga jwa tati jwitu amekuhagula mwenga upate kumanya mapenzi gake, kummona jola junahaki, na kujuhana sauti jikopoke kwenye kinywa chake. ¹⁵ Kwa sababu utakuwa shahidi kwajwene kwa vandu voha panai ja chamugawene na kujowana. ¹⁶ Basi henu ndavakyani munendela? Njinuke, ubatizwe, nkachape dhambi hinu, ikilikemela lihina lake.' ¹⁷ Baada ja kuhika Yerusalemu, na nilipokuwa nikisali munkati ja hekalu, jikopokela kwamba vakambekeha maono. ¹⁸ Nimwene akinnongolela, 'Hima na mmoke Yerusalemu manyata, kwa sababu hawatakubali ushuda winu kuhusu nenga.' ¹⁹ Nakalonge, 'Bambo, vene wenyewe vamanya navatavite mugerezani na kuvabula vala vavannhamini katika kila sinagogi. ²⁰ Na mihai ja Stefano ushahidi wako paajitite, Nenga pia nivile nijimite karibu na kukubali na nivile nailinda ngowo zaa vala jwavankomite.' ²¹ Lakini anogole, 'Enenda, kwa sababu nenga chinantume njau kutali kwa vandu va mataifa."' ²² Vandu vakampekele ruhusa alongele panani ja lilovi lene. Lakini baadaye vakapaza sauti na kulogolo, "mummuhe mundu jwene katika nchi: kwa sababu sio sahihi atame." ²³ Pavavii vapaza sauti, na kutaga mavazi gao na kutaga luhombi panani. ²⁴ Jemedari nkolongwa akahamulu Paulo vanneti ngomeni. Akahamuru vankotokehe kwene vambula mijeledi, ili jwene mwene amanye ndava kyani vavii vampigila kelele namna jeneo. ²⁵ Hata pavavii vantavite kwa lugoji, Paulo akavalogolela jola akida jwa ajemite karibu naye, "Je! ni haki kwinu kumkung'unda mundu jwavii Mrumi na akona angahukumiwa?" ²⁶ Jola akida paajowine malovi genega, akajaula kwa jemedari nkolongwa na kunnogolela, akilongela, "Mpala kuhenga kyani? kwa maana mundu jwene ni mrumi." ²⁷ Jemedari nkolongwa akahika na kunnongelela, "Muninongelele, je mwenga ni raia va Rumi?" Paulo akalongela, "Ndio." ²⁸ Jemedari akamjangula, "Ni kupeta chiasi chikubwa cha hela ndipo napatite uraia. "Lakini Paulo akannogolela, "nenga ni mrumi wa kuveleka." ²⁹ Basi vala vavii tayari kujaula kumkotekea na kumleka vakati wowo. Na jemedari naye akajogopa, paamanyite kuvywe Paulo ni Mrumi, na kwa sababu antavite. ³⁰ Lichova lalafuatite, jemedali nkolongwa apalite kumanya ukweli kuhusu mashitaka Vayahudi dhidi ja Paulo. Hivyo akammopolela ifungu yake akaamuru vakuu wa makuhani na baraza loka vakonganike. Akamleta Paulo pai, na kumweka katikati jao.