¹ Kunsooko kuaalagigua haki ku nzila nya usuili, kutite amani nu Mukungile ku nzila yake Shekulu witu Yesu Kilisito. ² Kukilila mwene ishee gaa kutite lyoma ku nzila nya usuili ku ukende uu mukati yakue kuyimikaa. kulumbile ku ugimia nukukupeela u Mukungile kunsooko ya pembele, ugimia nakukakiunga ku utukufu waki Mukungule. ³ Sika lialii du, lakini gaa kulumbi ku wagii witu. Kulingile kina uwagii ukulela wiumatilia. ⁴ Wiumatilia ukulela kugombeka, nu kugombeka yukulela ugimia kunsooko ya pembele. ⁵ Ugimia uu sikautia ka nsula, kunsooko ulowa waki Mukungile witue ku mioo yitu kukilila muau muelu, nalimupunigue kumuitu. ⁶ Kina kilii kuaneketu, kutungo lilo u Kilisito alukile kunsooko ya adobu. ⁷ Kunsooko ikitula ikaku umui kukia kunsooko ya muntu nutite haki. Iyii ingi kina, ipia muntu alujiligema kukia kunsooko ya muntu mukende. ⁸ Lakini Mukungile wakanikilagia ulowa wakue mwene kumiitu, kunsooko tungo kinakili kua ana milandu, Klisito alukiile kunsooko yitu. ⁹ Nu kukila tulu, inoo kunsooko kuaalagigua haki ku migali yakue, kukiguua ku nyaso ku kuo liaki Mukungile. ¹⁰ Kunsooko, itungo kinakili kuana ulugu, alikukamantanigue nu Mukungile ku nzila ya nkia nya muana wakue, kukila zigi, pebemle kutula kina kuakondi kamantanigua, kukugunua ku ukalii wakue. ¹¹ Sika yoi du, bali gaa kulumbile ku Mukungile kukilila Shekulu Yesu Kilisito, kukilila mwene kutungo ilii kuasingila uka ¹² Kululo gua, kina kukilila muntu umui milandu aliyingile munkumbigulu, ku nzila iyii nkia nyingila ku nzila nya milandu. Ni nkia nisapatila kunsooko tulu, kunsooko tulu aliatendile milandu. ¹³ Kunsooko hadi shalia, milandu aliyilii munkumbigulu, lakini milandu sikiyalika tungo kutilii ka shalia. ¹⁴ Sunga iyo, nkia nitema kupuna kuaki Adamu hadi u Musa, sunga kyanya ya ioo nasikaliatendile milandu kina kuletegela kuaki Adamu, na mpiani nya mwene alujiliiza. ¹⁵ Lakini sunga iyo, zawadi ya nkanda sika kina tiulyo. Kunsooko anga ku tiulyo lya umui ingii naakia, kukila zigi uknde waki Mukungile ni zawadi ukende wa muntu mui, Yesu Kilisito, ¹⁶ Kunsooko izawadi sika kina mapunilo ma uyo nalutendile milandu. Kunsooko kuluandi lua, ulamulua wa azabu aliizile kunsooko ya utiulia wa muntu umui. Lakini kualuandi luingi, kipawa kya nkanda nakipuna ku ualigua haki alikyizile pembele ya utiulia wingi. ¹⁷ Kundogolelio, anga ku utiulia wa umui, mkia nitemaa kukilila umui, kukilikila zigi ioo naikishingila ukende wingii palumui ni kipawa kya haki ikitemaa kukilila ukalii wa umui, Yesu Kilisito. ¹⁸ Iyo gua, kina kukilila tiulia limui antu tulu naaza ku ulamulua, iyo yoo kukilila tyendo limui lya haki nayiza kuyaligua haki nya ukalii ku antu tulu. ¹⁹ Kunsooko kina kukilila kulekitii ku muntu umui ingii natendua ana milandu, iyo kukilila utegelii wa umui ingii ikitendua ana haki. ²⁰ Lakini shalia nyingila palumui,kina tiulia ilsume kushapatila. Lakini luandii milandu nikilikila nitula mingii, ukende naongeleka sunga kukilikila. ²¹ Iyii aliipunile, kina milandu kutemaa ku nkia, iyo sunga ukende usuumile kutemaa kukilila haki ku ukalii wa kalii na kalii kukilila u Yesu Kilisio Shekulu witu.