¹ Kukitambula yani kanki kina u Abrahamu, tata witu ku namna ya mwili, wigilaa? Ku ² ndogolelio anga Ablahamu alimualigua haki ku ntendo, angali utite nsooko ya kukulia, lakini sika ntongole yaki Mukungile. ³ Kuani mandiko maugilei? "Ablahamu alumusuilile Mukungile, na naiyaligua kumuakue kutula haki.? ⁴ Inoo ku muntu nukituma mulimo, malipo makue sikamiyaligua kutula ingi ukende, bali kutula ingi deni. ⁵ Lakini ku muntu nasika ukitumaa mulimo bali umusuilile mwene nukumualilia haki nasika mtaua, usuili wakue muntu nuaso yaalagigua kutula haki. ⁶ Daudi gaa ukulikitagia matiliga kyanya ya muntu u mukungile ukumualilia haki bila matendo. ⁷ ALutambuile, "Akembetue ioo na udobu wao wasamilagua na milandu yao yakumbagua. ⁸ Mukembetue muntu uyo u Shekulu sikukumualilia ka milandu." ⁹ Aipa mbii imatiliga igaa ingi ku ioo natualue kubi du, hau gaa ku ioo nasikatualue ikumbi? Ku ndogolelio kutambula, u Ablahamu usuili wakue aliiyaligue kutula haki." ¹⁰ Kululo aliiyaligue mbii? tungo ablahamu aliwili mu mukumbii, hau kabla watualue ikumbi? alisika kuutualua ikumbi,ila kuleka kutualua kumbi? ¹¹ Ablahamu alusingile muntozo wikubi. uu ali muntozo wa haki iyo nya usuili nalutiite naliyakondaa kabla watualue ikumbi. Maunilo ma muena uu igi kina alutendekile kutula Tata wa tulu naasuilile, sunga kina akoli kuusititualua ikumbi. Iyii itite ndogolelio kina haki ikiyaligua kumuiao. ¹² Iyii gaa indogolelio kina u Ablahamu alutendekile tata wa kumbi si du ku ioo napunilile mukumbi, bli gaa ioo nazitiatile ntialitigua zaki tata witu Ablahamu. Nu nduu wau usuili nalutiite kua nasika atualue ikumbi. ¹³ Ku ndogolelio sikali ka shalia kina ahadi alimpunigue kuaki Ablahamu nu ulelii wakue, ahadi iyii kina ikitula asalii wa munkumbigulu. angaskia iyo, alii kukilila haki nya usuili. ¹⁴ Kundogolelio kina ioo wa shalia aoo asalii, usili watula nkanda, ni ahadi yakailika. ¹⁵ Kunsooko shalia yukuleta kuo, lakini ipo kina kutilii shalia, gaa kutili kutiata. ¹⁶ Kunsooko iyii ilii lyukupunila ku usuili, itule ku ukende. Mapunilo makue, ahadi ingi kualie ku uleli tulu. Ni alelua sika du ioo nalingile shalia, bali gaa ioo aa usuili waki Ablahamu. Ku ndogoelio mwene ingi tata witu ishe tulu, ¹⁷ Kina yandikue, nakutenda uwee kutula tata wa nsii wa mingii." Ablahamu alukolii ku ukolii wa uyo nalumusuilile, yaani,Mukungile nukuapela akii upanga na kukuaita mantu namakutilii masuume kutula makolii. ¹⁸ Licha ya hali tulu za kunzi, Ablahamu ku ugimia alumusuilile u Mukungile ku ntondo nazijile. Iyo nutula tata wa nsii ningii, kuliganila ni ndikio nalikilitigue,"... Iyo kina ukitula ulelii wako." ¹⁹ Mwene sikalimuneketu ku usuili. Ablahamu nugomba kina mwili wakue mwene aliwakonda kukia- alutite lika lya miaka igana limui, aluwigombile ni hali nya kukia nya ndaa yaki sara. ²⁰ Lakini kunsooko ya ahadi yaki Mukungile, Ablahamu sika nusita kulekishuila. Iyo nupegua ngulu ku usuili numukulia u Mukungile. ²¹ Alulingile taitai ya kutula ikio nukiahidile, alilutite gaa nu usuumi wa kukaminkilia. ²² Kululo iyii gaa alimbaligue kumuakue kutula ni haki. ²³ Iyo sikaliyandikue du ku nsailo yakue, kina alimbaligue kumuakue. ²⁴ Alinandikue kusooko yetu gaa, kua naliaikiligue kuyaligua, ishee kusuilile ku mwene nalumuiule Shekulu witu Yesu kupuna kuakiii. ²⁵ Uyu ingii uyo nalimupunugue kunsooko ya utiulia witu nu kuiulua kuligie kuyaligua haki.