¹ Musingilii wensi namuneketu ku usuili, bila kupunia ulamuli wa masiigo makue. ² Muntu umui nutite usuili wa kulia kyensi, umua namuneketu ulia nanii du. ³ Muntu nulia kila kintu waleke kumumela mwene nasikulia kila kintu. Nu mwene na sikulia kila kintu waleke kumulamula umua nulia kila kintu. Kunsooko u Mukungile wakondii shingila. ⁴ Uwee wiwani, uwee nukumulamula muitumii mutemi wa muntu mua? Ni ntongela yaki Shekulu wakue kina ukuimikaa hau kugua. Lakini ukiyukigua, kunsooko Shekulu usumile kukumutenda wimikee. ⁵ Muntu umui ukusamini lutondo lumui kuleka luingi. Wingi ukusamini kila lutondo kisa kisa. hani kila muntu na wisisikilie ku masala makue mukola. ⁶ Mwene nuyamba ntondo, uambile kunsooko yaki Shekulu. Na ku mwene nukulia, ukulia kunsooko yaki Shekulu, kunsooko ukumupeela Mukungile shongelio. Mwene nasikulia, ukigilagia kulekilia kunsooko yaki Shekulu. Mwene gaa ukupunagia shongelio ku Mukungile. ⁷ Kunsooko kutilii nukikala ku nafisi yakue, na kutilii nukukia kunsooko yakue mwene. ⁸ Kunsooko anga kukikala, kukikala kunsooko yaki Shekulu. Na angakukia, kukia kunsooko yaki Shekulu.Bli anga kukikala hau kukia kui nsao zaki Shekulu. ⁹ Kunsooko ingi kusudi lii u Kilisito alukiile nu kukiala kanki, kina watule Shekulu wa tulu akii nina ikikalaa. ¹⁰ Lakini uwee, kuaniki ukumulamula umuntua wako? Nu nduwe, kuaniki ukumumela umuntua wako? Kunsooko ishee tulu kukiyimika ntongela yi tengu lya ulamulua lyaki Mukungile. ¹¹ Kunsooko yandikue, Kina nikikakikalaa," utambuile u Shekulu. " kumuane inee kila iluu likitungamigua, niklia lulimi lukipunia sifa kuaki Mukungile." ¹² Iyo gua, kila umui witu ukiunia yalio lyakue mwene kuaki Mukungile. ¹³ Kululo, kulekilongoleka kukilamula, lakini badala yakue lamula itii. kina kutilii nukiyika igilio hau mutego ku muntua wakue. ¹⁴ Ningile na nasisikilikaa muaki Shekulu Yesu, kina kutilii kintu nikshapu kyene. Nu ku mwene du nusigile kina kyensi kishapu, kunsooko kumuakue kishapu. ¹⁵ Anga kunsooko ya ndia muntua wako ushikitika, sikugenda kanki ku ulowa. Uleke kumonona ku ndia zako muntu nakuajili yakue Kilisito alukiile. ¹⁶ Iyo mulekigombia ntendo zani nanziza zisakie antu wamudhihaki. ¹⁷ Kunsooko utemi waki Mukungile sika kuajili ya ndia nu ikopua, bali ingi kuajili ya haki amani nu ulumbi ku mua muelu. ¹⁸ Kunsooko mwene nukumutumikila Kilisito ku namna iyii uogombekile kuki Mukungile na ugombekile ku antu. ¹⁹ Kululo gua, na kutiate mantu ma amani ni mantu namakumuzenga muntu nu mua. ²⁰ Ulekiyonona mulimo waki Mukungile kunsooko ya ndia. Intu tulu ku kulukulu yelu, lakini ingi ibii ku muntu uyo nukulia nu kukumusakia umwene kukikumpia, ²¹ Ingi izaa kulekilia inama, wala kukopa idivai, wala kyensi kukiaso umuntua wako ukuipilagua. ²² Uu usuili maalumu nuutite, uike katia yako uwee nu Mukungile. Mukembetue uyo nasikaukilamula mwene ku ikio nukukigomba. ²³ Nutite imashaka walamulagua anga ulia, kiunsooko sikapunila nu usuili. Ni kyensi nasikakipunila mu usuili ingi milandu.