¹ Iyo nitambula, mbii, Mukungile aliwasitile antu akue ? nina idoo. kunsooko inee gaa ni muizlaeli, wa lulii lua Ablahamu, kabila lya Benyamini. ² Mukungile sikali wasitile antu akue, naliwamanile kupuna umuandio. Mbii sika muizii lyandiko litambula yani kuaki Eliya, jinsi nalumupepilye u Mukungile kyanya ya Izlaeli? ³ Shekulu, aulagagua imanabii ako, nindio abomola madhabahu zako. Inee ning"ene yangu nasagaa, nindio idumaa upanga wane" ⁴ Lakini shokelio lyaki Mukungile litambula yani kumuako? Ntunzile kunsooko yane antu ihumbii mupungati nasika akumutungamila imaluu u Baali," ⁵ Sunga iyo, itngo ilii lya inono gaa akoli nasagile kunsooko ya usaguli wa ukende. ⁶ Lakini anga ingi ku ukende, si kanki ku ntendo. iiia ukende sika ukitula kanki ukende. ⁷ Itii yani gua? Kintu u Izlaeli nali ukudumaa, sikanukiligia, bali asagulua aliakiligilie, niia naikilua uluto. ⁸ Ni kina yandikue: " Mungu wapele nkolo ya ubutu, miso alekiona, ni akutui aleke kuigia, mpaka natende iyii,? ⁹ Nu Daudi utambula," leka imeza zao zitule wavu, mutego, luandi lua kukulia, nu kulipa kisasi zidi yao ¹⁰ Leka miso mao maikilue kitii alekishuma kuyona. ukawatunie imigongo yao daima." ¹¹ iyo ntambule, "Mbii, ikumpagia sunga kugua?" ilekitula yaso ninaidoo. Badala yakue, kua kulemua kumuao, ugunua wapikaa ku nsii, ioo enee aikilue wilu. ¹² Inoo anga kulemua kumuao ingi ugoli wa unkumbigulu, na kina hasalayao ingi ugoli wa nsii, ingi ngele kii kukila itkitula kukamilika kumiao? ¹³ Na inoo nilikitia nininye antu aa nsii.kunsooko natula numutumua kua antu aa nsii ningii, nikivunila huduma yane. ¹⁴ Hamui nikakiaikila wilu naili mwili umui ni nene. Hamui kukakuaguna akei aoo. ¹⁵ Ndogolelio anga kushitua kumuiao ikitula mbii ni wilingii wa unkumbigulu, kushingilua kumuao ikitula mbii upanga kupuna kua akii? ¹⁶ Kina nkalii za kuandia ingi kilindo, iyo yilii ku ntonge ya utuu. kina muili ingi kilindo, matambi nindayo iyo. ¹⁷ Lakini kina matambi makei matemue, kina uwee, itambi lishaka lya muzeituni, alipandilue katia yao, ni kina aliwi palumui nindio ku miyili nya ugoli wa muzeituni, ¹⁸ uleke kikulia kyanya ya matambi. Lakini kina ukikulia, sika uwee nuyalilia imyilii, bali imyilii yukukualilia uwee. ¹⁹ Iyo ukitambula, matambi alimatemue ndigie kupandilua mu tina." ²⁰ Nyaso ingi kulukulu. Kunsooko ya kulekishuila kumiao natemua, lakini uwee nuimikaa kuukamu kunsooko ya usili wako. Uleke kisiigila uwee ku hali ya kyanya zigi, bali opoka. ²¹ Ku ndogolelio anga Mukungile sikali umalekelile matambi mi yukii, sikuka kukuonela kinishungu uwee gaa. ²² Laai,gua, ntendo nziza nu utakii waki Mukungile. ku luandi lumui, utakii aliwizile kyanya ya Ayahudi nali aguile. Lakini ku luandi luua, ukende waki Mukungile ukuiza kyanya yako, kina ukidumu ku ukende wakue. angasika iyo nunduwe gaa ukitiilua kulii. ²³ Ni gaa kina sikanalongoleka kulekishuila kumiao, ikiapandilua kanki. Ndogolelio Mukungile utiite usumiii wa kukuapandila kanki. ²⁴ Ku ndogolelio anga inyee alimuatemue kunzii nawili ku yukii u muzeituni mushaka, ni sia ya iyukii namuoandilua ku muzeituni nauzaa,sika kukila zigi iaa Ayahudi, naili zii kina matambi mi yukii kushuma kuapndilua kanki mukati mu muzeituni wao enee? ²⁵ Ku ndogolelio antua sinsilie mulekimana, kuyusian anu unkunku uu, kina mulekitula ni hekima kua kushiiga kumiani ninye akola. unkunku iyii ingi kina ukaku wapunila ku Izlaeli, mpaka kukamilika ku nsii kinaukiiza. ²⁶ Iyo Izlaeli tulu ikigunika, kina naliyandikue "kupuna ku Sayuni ukimana u mukomolii. ukakuulegia uudobu kupuna kuaki Yakobo. ²⁷ Nindilii likitula lyago lyane palumui nindio, tungo kinakakuilegia imilandu yao." ²⁸ Ku luandi lumui ku mpola, aipilue kunsooko yani. Ku luandi luua kupunila nu usaguli waki Mukungile, alogue kunsooko ya akukuu. ²⁹ Kunsooko izawadi nu witua waki Mukungile. ³⁰ Kunsooko ikuandia inye namumuasi u Mukungile, lakini inoo muasingila usamilua kunsooko ya kuyasi kumiao. ³¹ Ku nzila iyo iyo, inoo iaa Ayahudi amuasi. Mapunilo makue ingi kupunila ni kinishungu nalimupegue inye asumile gaa kushingila usamilu. ³² Ndogolelio u Mukungile watungaa antu tulu ku uasi, ili wasuume kukiaonela kinishungu tulu. ³³ Iyo kina ukulu ugoli ni hekima ni maalifa maki Mukungile! sikaushunguzika uulamulua wakue, ni nzila zakue sikazigundulika! ³⁴ Ndogolelio itii wani nalulingile nia yaki Shekulu? hau itii wani watula musigia wakue? ³⁵ Hau itii wani kuandia numupiile kintu u Mukungile, wapegue kanki? ³⁶ Ku ndogolelio kupuna kumuakue, nu ku nzila yakue. Amina.