¹ Antua, nia ya moo wane ni lompi lyane kuaki Mukungle ingi kunsooko yao, kunsooko ya ugunua wao. ² Kunsooko nukumushudila kina akamatikile kunsooko yaki Mukungile, lakini sika kunsooko ya umanii. ³ Kunsooko sikaizii haki yaki Mukungile, na idumaa kuzenga haki yao enee. sikaaitiifu ku haki yaki Mukungile. ⁴ Kunsooko u Kilisito mwene ukaminkilu wa shalia kunsooko yahaki ya kila muntu nusuilile. ⁵ Kunsooko u Musa uyandika kuhusu haki nyukuiza kupunila ni shalia : "Muntu nukutenda ihaki ya shalia ukakikala ku haki iyii." ⁶ Lakini haki nipunila ni amani yukutambula itii, "ulekitambula munkolo yako." Wani ukiputa kuyuka kugulu? (Iyii ingi yukumuleta u Kilisito pansi). ⁷ Na ulekitambula, Wani ukitima mu kombo?"( Iyii ingi, kukumuleta u Kilisito kyanya kupuna kua akii). ⁸ Lakini itambula yani? lukani luili piipi nu nduwe, ku kilakala kyako nu mumoo wako." Luaso lukani lua usuili, nakukulutanantia. ⁹ Kunsooko kina ku kukilakala kyako ukumugomba u Yesu kina ingi Shekulu, nu kushuila mumoo wako kina Mukungile alumuiule kupuna kua akii, ukigunika. ¹⁰ Kunsooko ku moo muntu ukusuilaa nu kuligia ihaki, nu kukilakala ukuomba nu kuligia ugunua. ¹¹ Kunsooko lyandiko litambula, "Kila numusuilile sikukikolua nsoni." ¹² kunsooko kutilii sia katia ya Myahudi nu Myunani. Kunsooko u Shekulu uyo uyo ingi Shekulu wa tulu, na ingi mugolii ku tulu nakumuitaa. ¹³ Kunsooko kila muntu nukuliita ilina lyaki Shekulu ukigunika. ¹⁴ Ku mbii asumile kukumuita mwene nasikaamusuilile? Na kumbii asumile kushuila ku mwene nasikamuigilie? Na ikiigiambii anga tilii kamutanantia? ¹⁵ Na kumbii ishuma kutanantia, anga sikaatumue? kina yandikue, " kina mbii muzaa imigulu ya ioo naitanantia impola za ulumbi za mantu namazaa!" ¹⁶ Lakini tulu sikali ategelile impola. kunsooko u Isaya ukulikitagia, Shekulu, wani nutegelile impola zitu?'' ¹⁷ Kululo usuili ukuizaa kupunila nu kuigia , nu kuigia ku lukani luaki Kilisito. ¹⁸ Lakini nitambula," Mbii sikanaigia? eee, ku taitai zigi. "Lulii luao luakondaa kupuna kunzii ku nsii tulu, ni nkani zao kuyuka ku mpelo nya unkumbigulu. ¹⁹ Kukilikila tulu, nitambula ," Mbii Izlaeli sikaliumanile?" Kuandia u Musa ukulikitagia, Nikakumukulia kukupela uwilu ku antu nasika nsii. Ku nzilaa nya nsii nangila k ulingii, nikakumukinila mpaka mutake" ²⁰ Nu Isaya ingi mugimia zigi na ukutambula, nanigela ioo nalisika andumile. nanigela ku ioo nasikali ansiilie. ²¹ "Lakini kua Izlaeli akutambula, "ntondo tulu nangolola mikono yane kua nasikaitiataa ni kua antu na akaku."