¹ Matungo muanankolo kinanuigula muntozo mupungati, naitula nu utuluu kugulu zii nusu saa. ² Iyo namona malaika mupungati nakuimika ntongela yaki Mukungile, napegua tarumbeta mupungati. ³ Malaika mua nuiza, uambilile bakuli lya zahabu uvumba, wimikile mumazabahu. Nupegua uvumba wingi kina waupunie palumui ni malompi ma asuili tulu ku mazabahu ma zahabu ntongela yi tyengu lya enzi. ⁴ Lyuki lya uvumva uoo, palumui ni malompi ma asuili, naunankila kukyanya ntongela yaki Mukungile kupuna mu mikono ya malaika. ⁵ Malaika nusola bakuli lya uvumba nulijulia moto kupuna ku mazabahu. iyo nulitaga pansi kyanya ya nsii, nazipunila nduli za nkua, miali ya nkua ni tetemeko lya nsii. ⁶ Malaika ioo mupungati naliatite tarumbeta mupungati natula akondaa kukuzikua. ⁷ Malaika wa kuandia numikua tarumbeta yakue, nipunila mbula ya mague nu moto naliusalinkanile ni migali. Naitagua pansi ku nsii kina selusi yakue ipie, selusi ya makota namapia ni masanzi tulu namademu namapia. ⁸ Malaika wa kabili numikua tarumbeta yakue, ni kintu kina mulima ukulu naliupia nu moto nautagua ma bahali. Selusi ya bahali nitula migali, ⁹ Selusi ya iyumbua ipanga mu bahali naikia, na selusi ya meli nazononua. ¹⁰ Malaika wa katatunumikua tarumbeta yakue, ni nsonda nkulu nigua kupuna kugulu, nimilika kina kuluzi, kyanya ya selusi ya miongo ni ishizi ya mazii. ¹¹ Lina lya nsonda ingi pakanga. Selusi ya mazii nitula pakanga, ni antu ingii nakia kupunila ni mazii nali makalii. ¹² Malaika wa kanii nukua tarumbeta yakue, ni selusi ii jua nikugua, palumui ni selusi ya mweli ni selusi ya nsonda. Kululo selusi ya tulu nipiluka kutula giza, selusi ya munsii ni selusi ya utiku aliigila ka welu. ¹³ Nandaa, nanigulia nanda naluputa pakati yi anga, nuita ku luli luku, "ole,ole,ole, kua ioo naikikala mu mnsii, kunsooko y amulipuko wa tarumbeta nyisagilile na yapiipika kukugua ni a malaika atatu."