¹ Iyo namona ku mukono wandiilo wa uyo nalukalile pi tyengu lya enzi, gombo nalilyandikue ntongela ni numa, na aliyikilue mintozo mupungati. ² Nanumuona malaika munangulu utnantia ku luli lukulu, " wani nujipile kukulidugula igombo nu kuyuna imintozo yakue?" ³ Kutili muntu kugulu hau munkumbigulu hau pansi ya hau unkumbigulu nalusumile kukuligula igombo hau kukulisoma. ⁴ Alindilile ku uwaii kunsooko sikanugela wensi najipile kukuligula hau kukulisoma. ⁵ Lakini umui wa anampala numbuila, "lekilila. Laa! nsimba wi kabila lya Yuda, tina lyaki Daudi, wadula, na usumile kukuligula igomo ni mintozo yakue mupungati. ⁶ Katia yi tyengu lya enzi natite upanga anii na muamui aa anampala, namona muanankolo wimikile, nukigela kina namuulague. alutite mpembe mupungati ni miso mupungati_izii ingi nkolo mupungati zaki Mukungile nalintumue munkumbigulu tulu. ⁷ Nuenda nulisola igombo kupuna ku mukono wa ndiilo waki uyo nalukalile pi tyengu lya enzi. ⁸ Kina nulisola igombo, natite upanga anii ni anampala makumi mabili na anii naatuna hadi pansi ntongela yaki muanankolo, Kila umui alutite kinubi ni bakuli lya zahabu nyijuile uvumba naingi malompi ma asuili. ⁹ Naimba lyimbo pia: Ujipiile kukulisola igombo nu kukuigula imintozo yakue. Kunsooko alummusinzue, nu ku migali yako umugulile Mukungile antu a kila kabila, ntambo, jamaa ni nsii. ¹⁰ Watende atemi ni makuhani kunsooko ya kukumutumikil Mukungile witu, nindio ikitemaa kyanya ya nsii." ¹¹ Iyo nandaa nu kuigia luli luaki malaika ingii kupilima tyengu lya enzi_ ingele yao ali milioni magana mabili ni natite upanga anii na anampala. ¹² Natambula ku luli lukulu," ujipile muanankolo namusinzue kushingila usumii, ugoli, hekima, ngulu, heshima, utukufu, nisifa." ¹³ Nanigia kila nalikiumbue nalikyili kugulu nu munkumbigulu nu munsilili ya nsii nu mukyanya ya bahali, kila kintu mukati yakue nakitambula, "Kumuakue mwene nukikalaa kyanya y tyengu lya enzi nu ku muanankolo, itule sifa, heshima, utukufu, ni ngulu nya kutema kali na kali.' ¹⁴ Natite upanga anii naitambula, "Amina." anampala natuna pansi nu kushalila.