¹ Kanki namona muena wingii kugulu, ukulu na wakukulilua: aliakolii amalaika mupungati natite makuo mupungati, na ali maukuo mampelo( ku maso kuo lyaki Mukungile alilyatimila). ² Namona ikio nalikipunile kutula bahali ya bilauli nansangigue nu moto, na nyimika kumpelo ya bahali nindio naliaduli zidi ya nimuu ni sanamu yakue, nakyanya ya namba nyiwakilisia lia lyakue. Aliaambilile inubi naliapegue nu Mukungile. ³ Aliiyimba lyimbo lyaki Musa, muitumi waki Mukungile, nu wimbo wa manankolo: milimo yako mikulu na yakukulilua, Shekulu Mukungile, utemee tulu. Musuilii ni nzila zako ingi za kulukulu, Mutemi wa nsii. ⁴ Wani nukilemua kukusupa uwee Shekulu nu kukulikulia lina lyako? kunsooko uwee ung"ene uwee ingi umuelu. Nsii tulu zikiiza nukukukulia ntongela yako kunsooko umukende nimatendo mako makumazukile." ⁵ Pembele mantu maso nandaa, nu luandi naluelu zigi, naalikikoli kianda kya ushuda, nalikigulikiile kugulu. ⁶ Kupuna luandi luelu zigi naaza malaika mupungati natite makuo mupungati, ajalile ijalo yelu, kitani nakimilimintani mshipi wa zahabu kupilima ikua yao. ⁷ Umui wa ioo natite upangaa nanii nupunia kua malaika mupungati mabakuli mupungati ma zanahu namijuile gzabu yaki Mukungile munakikala kali na kali. ⁸ Luandi luelu zigi naijulua lyuki kupuna ku utukufu waki Mukungile nu kupuna ku usuumi wakue. Kutili sunga umui nalusumile kuingila mpaka makuo mupungati ma malaika mupungati kinanamakalimilika.