¹ Nandaa namona muanankolo wimikile ntongela yake kyanya ya mulima wa sayuni. Palumui nunduyo alitulile 144,000 natite lina lyakue ni lina lyaki Tata wakue lyandikue ku makuni ma usiu wao. ² Nanigia luli kupuna kugulu nyitegeleka zii ngulumo za mazii mingii nu luli lukulu lua nkua. Luli nalinuigilie ingi kina akua inubi nakukua inubi yao. ³ Niyimba lyimbo piaa ntongela yii tyengu kya enzi ni ntongela za natite upangaa anii ni anampala. Kutili sunga nutite usumi wa kimania ilyimbo lyaso ila kuia 144,000 nakomolue kupuna munkumbigulu. ⁴ Iaa ingi ioo nasikaliishapuile ene kua asungu, ndogolelio aliitunzile ene zidi ya ntendo za ukosii. Ingi iaa naliamutiatile Muanankolo pensi kinaliuyenda. Iaa aliakomolue kupuna ku anaantu nankali za kuandia kauki Mukungile nu kuaki Muanankolo. ⁵ Kutili ulongo nawigiile ku ilakala yao: sikaishokigua. ^{6 7} Namona malaika wingii uputa pakati yii gulu, nutite mpola za kugulu wa mpola nanziza kua kukiatanantilia nakikalaa munkumbigulu ku kila nsii, kabila, ntambo, ni antu. Nuaitaa kululi lukulu, "muopoki u Mukungile mupelii utukufu. Ku ndogolelio matungo mapipiika. Mukulii mwene, mwene naluumbile lgulu, nu unkumbigulu, ni bahali,ni kisizii kya mazii." ⁸ Malaika wingii_ malaika nua kabili_nuiata nutambula," Waguaa, waguaa Babeli mukulu, nali wakopilie anansii divai nya ukahaba, divai naliletile gzabu kyanya yakue." ⁹ Malaika wingii_malaika wa katatu_ nuatiata, nutambula ku luli lukulu, "Wensi nukakumuykulia nyaso ni sanamu yakue, nu kushingila muntozo mu kuni lyakue lya usiu hau ku mukono, ¹⁰ mwene gaa ukikopa divai nya gazabu yaki Mukungile,divai nanzipiligue nu kuitua bila kushalinkanigua mu kikombe ki kuo lyakue. Muntu nukikopa ukiyagigua ku moto nu moto wakibiliti ntongela za malaika akue naeulu ntongela zaki muanankoloo. ¹¹ Ni lyuki lya uwaii wao nawenda kali na kali, na aliagila kausupia munsi nu utiku_ aso nakukulagia nimuu ni sanamu yakue, ni kila muntu nalusingile muntozo wa lina lyakue. ¹² Uu ingi witua wa ulindili nu wiumatilia ku asuilii, ioo nakutiata amli zaki Mukungile nu usuili kuaki Yesu." ¹³ Nanigia luli kupuna kugulu lutambula, Andikaa igaa: Bau akii nakukiila muaki Shekulu." " iyo," itambula inkolo, "ingi asuume kushupia kupuna ku milimo yao, ndogolelio ntendo zao zikakuatiata." ¹⁴ Nandaa namona alilikolii ni lunde lielu, na nalukalile pi lunde ingi umui nalutite mpiani ya muana muntu. Alutite taji nya zahabu kutue lyakue nu mundu wugii ku mukono wakue. ¹⁵ Malaika wingii kanki nuiza kupuna ku hekalu na nuita ku luli lukulu kuyuka kuaki uyo nalukalile pi lunde: sola mundu wako na wandie kuyimbula. kunsooko matungo ma maimbula mapiikaa, ndogolelio maimbula namili munkumbigulu mapia." ¹⁶ Kanki uyo naliwili pi lunde nuukila umundu walue kyanya ya unkumbigulu, nu unkumbigulu nauimbulua. ¹⁷ Nu malaika wingi nuiza kupuna ku hekalu lya kugulu: nunduyo alutite mundu. ¹⁸ Na kilii malaika wingii nuiza kupuna ku mazabahu, nu malaika nalutite mamlaka kyanya y moto. Numuita ku luli lukulu malaika na alutite nu mundu wugii," Sola mundu wugii na uilingi matambi ma zabihu kupuna ku muzabibu wa nsii, kunsokoko zabibu inoo zapia." ¹⁹ Malaika nutuala mundu wakue ku unkumbigulu nuilinga maimbula ma zabibu nya unkumbigulu na nuputia mu pipa kulu lya divai ya gazabu yaki Mukungile. ²⁰ Shuzu lya divai nitulangue kunzii ya muji ni migali nyitika kupuna ku lika lyaso lya hatamu ya farasi , ku stadia 1,600.