¹ Muena ukulu naugela kugulu: musungu nalimukumbue ni jua, na nutite nu mweli pansi ya migulu yako: ni taji ya nsonda kumi na zibili aliyili kyanya yi tue lyakue. ² Alutite imbii na alulila kunsooko ya uwai wa kulela_ ku uwai wa kitunguila. ³ Nu mueana wingii nigela kugulu: Laa! alikoli nzoka nkasuku nkulu na alitite matue mupungati ni mpembe kumi, na alizikoli taji mupungati mu matue makue. ⁴ Mukila wakue aliukueselue selusi mui nya nsonda kugulu nu kukuzitaga pansi munkumbigulu. Nzoka nyimika ntongela ya musungu naliwapiipika kulela, kina tungo ulela iligie kukumumila mulisha wakue. ⁵ Numulela muana, mulisha wakigosha, na nukitema insii tulu ku nkome nyi shuka. mulisha wakue nupulua kyanya kuaki Mukungile nu ku tyengu lyakue lya enzi, ⁶ nu musungu numankiila kushaka, luandi u Mukungile aliwazipilagia ieneo kunsooko yakue. wasume kuhudumilueku ntondo 1,260. ⁷ Inoo alikolii mbita kugulu. Mikaeli ni malaika akue naikua ni nzoka iyo: ni nzoka nkulu ni malaika akue naikua nindio. ⁸ Lakini nzoka alingila ka ngulu za kukondia kudula. Kululo alikutilii kanki lyoma kugulu kunsooko yakue ni malaika akue. ⁹ Nzoka nkulu_ nzoka iyo nya kali nyukuitagua ibilisi hau Shetani nukukonga_ unkumbigulu wensi nutagua pansi ku unkumbigulu, ni malaika akua natagua pansi palumui nunduyo. ¹⁰ Kangi nanigia luli lukulu kupuna kugulu: "Inoo ugunua wazaa, ngulu_nu utemi waki Mukungile witu, na mamlaka ma Kilisito wakue. kunsooko mutakia wa antua itu watagagua pansi_ na aliwatakilie ntongela yaki Mukungile witu munsi nu utiku. ¹¹ Namudula ku migali yaki muanankolo nu ku lukani lua ushuda wao, ku ndoolelio sikalialogue zigi ukali wao,sunga kukia. Kululo, lumbilii, inie kugulu, nu tulu namukikala mukati yakue. ¹² Lakini ole wa nsii ni bahali kunsooko mudobu watima kumuiani. mujulue nikuo tyaki, kunsooko ulingile kina utite matungo makei du. ¹³ Tungo inzoka kinanilinga kina yatagagua pansi mu nsii,numutiata musungu nali walela mulisha wa kigosha. ¹⁴ Lakini musungu alimupegue mbaa zibili za nanda nankulu.kina wasume kuputa mpaka kuyeneo nalujishuma kutunzua, ku tungo, matungo ni nusu tungo_ luandi nasikushuma kupikiila inzoka nyaso. ¹⁵ Nzoka nyita mazii kupuna mu mulomo wakue kina mongo, watende galika nya kumulimansilia. ¹⁶ Lakini nsii nyumualia musungu. nikunukula kilakala kyakue nu kumila mongo nautigue ni nzoka kupuna mukilakala kyakue. ¹⁷ kangi nzoka nyumutakia musungu nunduyo nulega nu kutenda mbita nu uleli wakue tulu__ioo naitiata amli zaki mukungile nu kuyambila ushuda kuhusu Yesu. ¹⁸ Kangi nzoka nyimika kyanya ya munsanga mumpelo ya bahali.