¹ Iyo namona malaika wingi mukulu utima pansi kupuna kugulu. ali mutungue ku lunde, na alilikoli kyikamolya mbula kyanya yi tue lyakue. Usiu wakue aliwili kina jua ni migulu yakue aliyili zii kina ishimbili ya moto ² Aluambilile gombo nino ku mukono wakue alilyakunukulague, nunduyo aluikile mgulu wakue wa kundilo kyanya ya bahali nu mugulu wakue wa nkigi kyanya ya nsii nanumu. ³ Iyo nuitunta luli lua kyanya kina nsimba nyukukoloma, ni tungo kinanuitunta luli lua nkua mupungati nalizakoloma. ⁴ Tungo nkua mupungati kinanazikoloma, alii napiipika kuyandika, lakini nanigia luli kupuna kugulu lutambula "Tunza itule unkunku ikio inkua mupungati nazitambuile. Ulekiandika." ⁵ Iyo malaika nalinumuonie wimikile kyanya ya bahali ni nsii nanumu, nunansula mukono wakue kyanya ya kugulu ⁶ nu kulapa kuaki uyo nukikala kali na kali_ naluumbile igulu nitulu naikoli, unkumbigulu ni tulu naikoli, na bahali ni tulu naikoli: Siksikitula ikoli kutinia kanki. ⁷ Lakini ku lutondo ulo, tungo malaika nua mupngati kinaukipipiika kukua tarumbeta yakue, papo unkunku waki Mukungile ukitula watimilagigua, kina nalutanantilie kua itumi wakue manabii." ⁸ Luli nanuluigilie kupuna kugulu nalumbuila kanki: "Lenda, sola gombo nino nikunukulue na lyili ku mukono wa malaika nuimikile kyanya ya bahali ni kyanya ya nsii nanumu." ⁹ Kangi nanenda kua malaika nu kukumuila wampele gombo nanino. Numbuila,"Sola gombo ulie. likakumitenda indaa yako itule nu uwai, lakini ku mulomo wako likitula nionu kina ukii." ¹⁰ Nansola gombo nino kupuna mu mukono wa malaika nu kukulilia. Alinonu kina ukii ku mulomo wane, lakini pembele ya kulia, ndaa yane nitula nu uwai. ¹¹ Kangi nduli nkei nazimbuila, " yukujipiile kulotelia kanki kuhusu antu ingii, nsii,ntambo, ni atemi."