¹ Ingii kunsooko kilisito aliukupiile uuhulu ili kutule hulu. iyo, imikii muakamu wa mulekiambua kanki ku kongwa lya usese. ² Laa, inee paulo, nukumuiila kina inga kina mutualue ikumbi, Kilisito sikaukakumualilya ku nzila yensi nyaso. ³ Kanki, nukumushudila kila mugosha namutualue ikumbi yumujipiile kuyajibika ku shalia tulu. ⁴ Muatemanulue kulii nu kilisito, ioo tulu namuaaligue ihaki'' ku shalia. muguile kulii nu ukende. ⁵ Ndogolelyo ku nzila nya nkolo, ku usuili kulindilile ugimia wa haki. ⁶ Ku kilisito Yesu kutualua ikumbi hau kulekitualua kutilii kundolelya yensi. ingi usuili ing'ene nyikituma mulimo kukyilila uulowa iyoo yukumanisagia kintu. ⁷ Alimukua lumanko luuza. wani alumugilile kulekikeela ikulukulu? ⁸ Uweshia wa kutendaa iyaso sikaupuna kumuakue mwene nukumuita inyee. ⁹ Inshashu ninoo yukononaa mpulii tulu. ¹⁰ Ntiite tyegemelo ni ninyee ku Shekulu kina sikamukishiiga ku nzila yingii yensi. wensi nuaso nukakumulimilia ukikenka ulamuli yakue mwene mukola, wensi nuaso. ¹¹ Antua, kina nilongoleka kutanantia ikumbi, kunsooko kii kilii niyagigua? ku shuala iloo ikyo ingii kigilyo kya musalaba kikishuuma kuyononua. ¹² Ingi ulamuli wane kutula ioo naakumutongole ibii ikakitimulia ienee. ¹³ Mukungile umuitile inie, antua, ku uzaa. ila muleke kuutumila uuza wani kina lyoma ku mwili. Badala yakue ku ulowa mwialilye ninye kwa ninye. ¹⁴ Kunsooko shalia tulu ikaminkilile ku lyagilio limui, ndioo ''Ingi lazima umulogue umunapiipi wako kina uuwe mukola. ¹⁵ Lakini kina mwilume nu kukilia, ilaai kina mulekekionona ninye kwa ninye. ¹⁶ Nitambula, gendii ku nkolo, na wala sikamukakuzikondia inssula zamwili. ¹⁷ Kunsooko mwili utiite nsula nkulu kukyila inkolo, ni nkolo itiite nsula nkulu kukyila u mwili. izii zikikungumaa kila mui ni nziia. upunilo ingi kina sikamutenda iintu namutiite nsula kukuitendaa. ¹⁸ Lakini kina nkolo ukakumutongela inye, mukutilii pansi ya shalia. ¹⁹ Inoo imatendo ma mwili mikigelaa. nindio ingi ukosii, ushapuu, upisadi, ²⁰ Usalilii wa sanamu, ulogii, ulugu, wilea, husuda, kuyalila ikuo, wishindii, wisapatilia, mutuanuko wa mazehebu, ²¹ wilu, mugalaa, ulakuu ni mantu namingi kina igaa. Nukumulanga inye, kinali numulangile pa muandio, kina ioo naitendaa imantu kina maso sikakaikuusaala uutemi waki Mukungile. ²² Lakini inkalii nya nkolo ingi ulowa, ulumbi, amani, wiumatiilya, ukende, untu naukende, usuili, ²³ upolo wangele. Kutilii shalia nikilie imantu kina maso. ²⁴ Ioo na aki kilisito Yesu auangikile u mwili palumui ni nsula ni tamaa zao mbii. ^{25 26} Kina kukakikala ku nkolo, gaa kugendee ku nkolo. Kuleke kukikeeta, kukekikulia kila umui nu muua, wala kulekekionela wilu.