¹ Antu, anga muntu muguilue mu udobu, inyee namwa kinkolo, muatakue kukumshokia umuntua nuaso ku nkolo ya upolo. ² Kunu imukilaa inye mulekigemua. mwisolelie imiligo, nu kululo mukakimikaminkila ishalia yaki kilisito. ³ Anga muntu wensi nukiona ingi bola kunu sika kakintu, ukikongaa mwene. ⁴ Kila umui nuaupiime umulimo wakue. Kangi ukitula ni kintu mwene ung'ene kyaki kumazukia, bila kukiliganilia mwene nu muntu wensi. ⁵ Indogolelyo kila muntu ukakuusola umuligo wakue mwene. ⁶ Muntu namumanigue ulukani lazima wamuilee tulu u mwalimu wakue. ⁷ Mulekikongeka. Mukungile sikaukutanilagua. ⁸ kila nukupandila umuntu, kikyo ukiyimbula gaa. Kila nukupandilaa imbeu ku kiandilio kyakue kya milandu ukiyimbula uononii, lakini umwene nukupandila imbeu ku nkolo, ukiyimbila uupanga wa kali na kali kupuna ku nkolo. ⁹ Kulekikatala kuutendii namazaa, indogolelyo kutngo lyakue kukiyimbula anga kulekitiikaa nsula. ¹⁰ Iyoo gua, itungo kinakukitula ni lyoma, kutendee namazaa ku kila umui. Kutendee namazaa kukila hasa kwa nalii mukati ya usuili. ¹¹ Lai uukulu wa balua nalinumuandikiile ku mukono wane nene. ¹² Ioo nasiilye ktendaa namazaa ku ulao wa mwili ioo ene akumukankanika mutualue ikumbi. itenda yaso kunsooko alekiingila mu wagigua wa musalaba waki Kilisito. ¹³ Indogolelyo sunga aoo natualue ikumbi niene sikaamiambile shalia. Badala yakue asiilie inyee mutualue ikumbi ili asuume kukidaya imiili yani. ¹⁴ Ilekipunila nikidaya ilekitula ku musalaba waki Shekulu Yesu kilisito. Ingi ku mwene uunkumbigulu. ¹⁵ Kunsooko sikaijalika kutualua ikumbi hau kulekitualua kutula ingi kintu. Badala yakue ulelua upia ingi muhimu. ¹⁶ Ku tulu naikikala ku kanuni iyii, atule ni amani ni usamilua itule kyanya yao tulu, ni kyanya ya Isilaeli nyaki Mukungile. ^{17 18} Kupuna inoo muntu wensi walekinomaa, indogolelyo nkekile muntozo waki Yesu umuwili wane. Neema yaki Shekulu witu Yesu kilisito itule ninkolo zani,antua.Amina.