¹ Nitambulula kina iyo musali ingi mulisha, mugila kausia nu musese, sunga anga mutemi wa nsao tulu. ² Badala yakue, wili pansii ya alaii ni azamini mpaka itungo niyikue nu baba wakue. ³ Iyo gaa ni ndishie, kinali kualisha, alikuaambilue muusese wa kanuni za kuandia za unkumbigulu. ⁴ Lakini itungo lya tai kina nalipika, Mukungile numutuma umuana wakue, mulelua wa musungu, mulelua pansii ya shalia. ⁵ Alutendile itii wagunee ioo nali ilii pansii ya shalia, kina kusingile hali ya kutula kina anaa. ⁶ Kunsooko inyee ingii anaa, Mukungile alumutumile u nkolo waki muana wakue mukati ya mioo yiitu, nkolo nukuitaa, ''Abba, tata.'' ⁷ Kunsooko iyii uwee sika umusese kanki wii muana.Kina wii muana, iyo uwee gaa ingi umusaali kukyilila Mukungile. ⁸ Sunga kinalikyilii mumumane u Mukungile, ali mwasese ku ioo ku kumuandio sika miungu nkankana. ⁹ Lakini inoo kina mumulingile u Mukungile, hau kina mukumazukile nu Mukungile, kunsooko kii mushooka kanki mu kanuni nangila kangulu ¹⁰ Muambile ku kilao lutondo lukulu, imiandamo nya myelii, matungo ni miaka. niyopoka kunsooko yani. ¹¹ Niyopoka kina kunamuna kitunga niagilie nankanda. ¹² Nukumupepya, antua, mutule kina nilii, kunsooko gaa natula kina muili.sikalimunkosiile. ¹³ Bali mulingile kina ali kunsooko ya uluile wa mwili kina alintanantilye impola kumiani ku mala ya kuandia. ¹⁴ Palumui ihali yane aliyimuikile mugemua, sikalimumelile hau kunshiitaa.Badala yakue alimunsingile kina malaika waki Mukungile, kina alinintulile nikilisito Yesu mwene. ¹⁵ Kululo, wili pii inoo ulumbi wani? kunsooko nishudila kumiani kina, angaishumike, alimukuule imiso mani nu kumpeela inee. ¹⁶ Iyoo inoo, mbii natula mulugu wani kunsooko nukumuila ikulukulu? ¹⁷ Akumudumaa ku nsula, itii sika kuuza. Asiilye kukumulekanula inyee ni nene muatyatee. ¹⁸ Ingi izaa kalutondo kutula ni nsula kunsooko nanziiza, na sika du kutungo kinaniensi palumui nininye. ¹⁹ Anaa ane anino, niyawa uwaii kunsooko yani kanki mpaka u kilisito waumbike mukati yani. ²⁰ Azanilogua kutula nkolii ipoo palumui nininye inoo nu kupilula ululi luane, kunsooko ntiite nkankani kyanya yani. ²¹ Mbuili, ninye namutite nsula ya kutula pansi ya shalia, sikamuigilie shalia kinaiugilee? ²² Kunsooko yandikue kina u Ablahamualutiite anaa akigosha abili, umui ku uyo musungu namusese nu mua ku musungu nua munumba. ²³ Sunga iyoo, uyoo nua musese alimulelue kumwili du, ila uyoo nua musungu nua munumba alimulelue ku ahadi. ²⁴ Mantu igaa masuumile kuyelezua kwa kutumila impyani, kunsooko asungu iaa impyanile nimalago mabili.umui wakue ku mulima sinai. ukulela alisha ingi asese.uyu ingi Hajili. ²⁵ Inoo u Hajili ingi mulima sinai naukolii ku Alabuni. Ukimpyanagigua nu Yelusalemu nya inoo, kunsooko ingi musese palumui ni alisha akue. ²⁶ Bali Yelusalemu nyili kukyanya ingi ngila usese, na iyii wayu mau wiitu. ²⁷ Kunsooko yandikue, lumbii, uwee musungu numugumba, uwee nasikaukulela. Ituntee na ukue ilyanga ku ulumbi, uwee uwee numugila kaupuniili wa kulela. kundogolelyo naingi ingi alisha amugumba, kukyila ioo aa uyoo nutite umugosha.'' ²⁸ Inoo antua, kina u Isaka, inyee ingi alisha aa ahadi. ²⁹ Kutungo iloo umntu nalimulelue ku mwili alumwagilie uyo nalimulelue ku nkolo. inoo ingi iyoiyo. ³⁰ Imandiko makuugai? mulegie musungu namusese palumui nu muana wakue nua kigosha. kunsooko umulisha wa musungu namusese sikukishaala palumui nu mulisha wa musungu nua munumba. ³¹ ''Kululo, antua, ishee sika kualisha aa musungu namusese, ila ingi aa musungu nua munumba.