¹ Agalatia alelee, ingi liso kii niolu nalyumuononile? mbii u Yesu kilisito sikalimulagilue kina mukonontelua ntongela ya miso miitu? ² Inee nsiilye du kulingaa ilii kupuna kumiani. mbii alimumusingile muau ku matendo ma shalia hau kwa kushuila ikyo nalimukigilie? ³ mbii, inyee ingi mwalele ngelee kii? mbii alimwandilie ku nkolo nkangi mumale ku mwiili? ⁴ Mbii alimwagile ku mantu mingii nankandaa, kina kulukulu alii manankandaa? ⁵ Mbii umwene nukupunagia inkolo kumiani nu kutendaa imatendo ma ngulu katia yani ukitumaa ku matendo nya shalia hau kwa kuigia palumui nu usuili? ⁶ Ablahamu ''Alumusuilile u Mukungile nualigua kutula utite ihaki'' ⁷ Kuna namna iyoiyo lingii kina, ioo naliamusuilile ingii alisha aki Ablahamu. ⁸ Lyandiko alililotile kina Mukungile alujilewaalilye ihaki antu ansii kunzila nya usuili. impola alintanantigue kuandia kwaki Ablahamu; ''ku mwako insii tulu zikikembetwa''. ⁹ Pembele ioo natitee usuili akembetwe palumui nu Ablahamu, nalutite usuili. ¹⁰ Ioo natumbilile imatendo ma shalia akolii pansi ya uzumua.kunsooko yandikue, Muzumue kila muntu nasikukamantanile ni mantu tulu nalimandikue ku kitabu kya shalia, kukimatenda tulu'' ¹¹ Inoo ingii kwalye kina Mukungile sikukumualilya ihaki sunga umui ku shalia, kunsooko ''nutiite hali ukakikala ku kuusuili''' ¹² Shalia sikipunanile nu usuili, lakini badala yakue ''nukutendaa imantu igaa ku shalia, ukakikala ku shalia''. ¹³ Kilisito aliukugunile ishee kupuna ku uzumua wa shalia itungo nalutendekile uzumua kunsooko yitu.kunsooko yandikue, Wazumagua kila muntu namuniginiligue mukyota ''. ¹⁴ Nikulu aliitii, matiliga nalimili kwaki Iblahimu alizijiliiza ku antu ansii ku kilisito Yesu, ili kina kusuume kushingila ahadi nya nkolo kukyilila usuili. ¹⁵ Antua, nitambula ku namna nya kiuntu. sunga tungo ilyago lya kiuntu lyakondiyikua izaa, kutilii nusuumile kumelelya hau kuyongelelya. ¹⁶ Inoo ahadi alintambulue kwaki Iblahimu ni kilelii kyakue. sikaitambuile, ''kuilelii'' kundogolelyo ingii, bali badala yakue ku mui ung'ene, kukileli kyako,'' ingii kilisito. ¹⁷ Inoo niugaa itii, shalia naliyizile miaka magana manii ni makumi matatu pembele, sikilegia ki lyago lya kunuma naliyikue nu Mukungile. ¹⁸ Kunsooko kina usalii angaliwize ku nzila nya shalia, sikaliutula kanki waza ku nzila nya ahadi. Lakini Mukungile aliupunilye nankanda kwaki Iblahimu ku nzila nya ahadi. ¹⁹ Kunsooko kii inoo shalia nipunigua? Alinongeligue kunsooko ya utimulii, mpaka mulelua waki Iblahimu waze kwa ioo kumiao alimuahidiwe. Shalia alimbikue kuukankanikua kukyilila malaika ku mukono wa mukininkania. ²⁰ Inoo mukininkania ndogolelyo kukyila muntu numui, bali Mukungile ingi umui ung'ene mwene. ²¹ Kululo mbii yili sia ni ahadi zaki Mukungile? ii! Kunsooko kina shalia nalimpunigua alitite usuumi wa kuleta uupanga, haki alijilekigela ku shalia. ²² Lakini badala yakue, lyandiko lyadindaa mantu tulu pansi ya milandu. Mukungile alutendile itii kina ahadi yakue nyakukuguna ishee ku usuili kwaki Yesu kilsito usuume kukigelaa ku ioo naasuilile. ²³ Lakini nalikili usuili ku kilisito kuizaa, alikuatungue nu kutula pansii ya shalia mpaka wize ukunukulua wa usuili. ²⁴ Kululo shalia alitendekile utongeli witu pmaka kilisito kinanuiza, ili kina kualigue haki kwa usuili. ²⁵ Inoo kunsooko usuili wazaa, kukutilii kankii pansii ya mulai. ²⁶ Kunsooko inyee tulu ingi alisha aki Mukungile kukyilila usuili ku kilisito Yesu. ²⁷ Tulu nalimwabatisigue ku kilisito mwijalaa kilisito. ²⁸ Kutilii Myahudi wala Myunani, musese wala nasika musese, mugosha wala musungu ,kunsooko inyee tulu ingii umui ku kilisito Yesu. ²⁹ Kina inyee ingi mwaki kilisito, iyo gua ingi ulelua waki Iblahimu, asaali ku mujibu nwa ahadi.